ກອງປະຊຸມໃຫຍ່ ຄັ້ງທີ II ໜ່ວຍພັກກົມຈັດຕັ້ງ ແລະ ພະນັກງານ


...

23.09.2019 10:12     

   ກອງປະຊຸມໃຫຍ່ ຄັ້ງທີ II ຂອງສະມາຊິກພັກ ໜ່ວຍພັກ ກົມຈັດຕັ້ງ ແລະ ພະນັກງານກະ ຊວງວິທະຍາສາດ ແລະ ເຕັກໂນໂລຊີ (ກວຕ) ໄດ້ຈັດຂຶ້ນ ໃນວັນທີ 19 ກັນຍາຜ່ານມາ ທີ່ຫ້ອງປະຊຸມຂອງກະຊວງດັ່ງກ່າວ ພາຍໃຕ້ການເປັນປະທານຂອງສະຫາຍ ບໍ່ວຽງຄໍາ ວົງດາລາ ເລຂາຄະ ນະພັກກໍາມະການສູນກາງພັກ ລັດຖະມົນຕີ ກວຕ, ມີບັນດາສະຫາຍຮອງເລຂາຄະນະພັກ, ຄະນະໜ່ວຍພັກ ກົມຈັດຕັ້ງ ແລະ ພະນັກງານ ພ້ອມດ້ວຍສະ ມາຊິກພັກສົມບູນ-ສໍາຮອງເຂົ້າ ຮ່ວມຢ່າງພ້ອມພຽງ. ໃນກອງປະຊຸມ ສະຫາຍ ບຸນປອນ ບົວແພງ ເລຂາໜ່ວຍ ພັກກົມຈັດຕັ້ງ ແລະ ພະນັກ ງານໄດ້ຂຶ້ນຜ່ານບົດລາຍງານການເມືອງ ຊຶ່ງໄດ້ຍົກໃຫ້ເຫັນດ້ານດີ, ດ້ານອ່ອນ, ຂໍ້ບົກຜ່ອງ, ບົດຮຽນທີ່ຖອດຖອນໄດ້ ແລະ ແຜນການໃນຕໍ່ໜ້າ. ຕະຫຼອດໄລຍະ 5 ປີ ທີ່ຜ່ານມາ, ໄດ້ຕິດຕາມກໍ່ສ້າງພັກ ຕາມ 5 ໜ້າທີ່ຂອງພັກ ອັນໄດ້ເຮັດໃຫ້ໜ່ວຍພັກ, ມີຄວາມເຂັ້ມແຂງຢ່າງຮອບດ້ານ; ໜ່ວຍພັກໄດ້ເອົາໃຈໃສ່ຊຸກຍູ້ສົ່ງເສີມພະນັກງານ, ສະມາຊິກພັກໄດ້ໄປກໍ່ສ້າງ ບໍາລຸງ-ຍົກລະດັບ ທາງດ້ານວິຊາສະເພາະ ແລະ ທາງດ້ານທິດສະດີການເມືອງ ຕາມແຜນກໍານົດຂອງພະນັກງານນໍາພາ-ຄຸ້ມຄອງ. ໜ່ວຍພັກໄດ້ເອົາໃຈໃສ່ຊີ້ນໍາ-ນໍາພາ ແລະ ເປັນເຈົ້າການໃນການປະຕິບັດໜ້າທີ່ວຽກງານ ຕາມການມອບໝາຍ ສາມາດເຮັດສໍາເລັດ ໄດ້ ໃນຫຼາຍດ້ານເຊັ່ນ: ວຽກງານກໍ່ ສ້າງ ແລະ ຄຸ້ມຄອງພະນັກງານ; ວຽກງານພັດທະນາ ແລະ ປັບປຸງກົງຈັກ; ວຽກງານນະໂຍບາຍແລະ ຍ້ອງຍໍ; ວຽກງານຫ້ອງການພັກ ແລະ ອົງການຈັດຕັ້ງມະຫາ ຊົນ ໂດຍສະເພາະແມ່ນວຽກ ງານກໍ່ສ້າງ ແລະ ຄຸ້ມຄອງພະ ນັກງານ, ໜ່ວຍພັກໄດ້ເປັນ ເຈົ້າການ ໃນການເປັນເສນາ ທິການ ໃຫ້ແກ່ຄະນະພັກ-ຄະນະນໍາກະຊວງ ໃນການກໍ່ສ້າງ ແລະ ຄຸ້ມຄອງພະນັກງານ, ໄດ້ຄົ້ນຄວ້າ, ນໍາສະເໜີ, ແຕ່ງຕັ້ງ, ບັນຈຸສັບຊ້ອນພະນັກງານ-ລັດຖະກອນຂອງຫ້ອງການ, ກົມ, ສະຖາບັນ ເຂົ້າໃນຕໍາແໜ່ງໜ້າທີ່ຕ່າງໆ ເຊັ່ນ: ຄົ້ນຄວ້າສະເໜີແຕ່ງຕັ້ງ ພະນັກງານ ຂັ້ນຫົວໜ້າກົມ ຈໍານວນ 6 ສະຫາຍ; ຮອງຫົວໜ້າກົມ 23 ສະຫາຍ; ຫົວໜ້າພະແນກ 82 ສະຫາຍ; ຮອງຫົວໜ້າພະແນກ 174 ສະຫາຍ; ຮັບເອົາພະນັກງານທີ່ຍົກຍ້າຍມາຈາກຂະແໜງການອື່ນ 79 ສະຫາຍ; ຍົກຍ້າຍພະນັກງານໄປຮັບໜ້າ ທີ່ໃໝ່ 25 ສະຫາຍ ແລະ ຄົ້ນຄວ້າການສະເໜີຂໍອອກຈາກການເປັນລັດຖະກອນ ຈໍານວນ 21 ສະຫາຍ; ເປັນເຈົ້າການໃນການ ຈັດຕັ້ງການຄັດເລືອກ ແລະບັນ ຈຸສັບຊ້ອນພະນັກງານ-ລັດຖະ ກອນໃໝ່ໄດ້ທັງໝົດ 195 ຄົນ, ໃນນີ້ ບັນຈຸຢູ່ຂັ້ນສູນກາງ 119 ຄົນ, ຂັ້ນທ້ອງຖິ່ນ ແລະ ພະແນກ ວິທະຍາສາດ ແລະ ເຕັກໂນໂລ ຊີແຂວງ-ນະຄອນຫຼວງ 76 ຄົນ; ໄດ້ສໍາເລັດການສ້າງແຜນກໍານົດພະນັກງານນໍາພາ-ຄຸ້ມ ຄອງຂັ້ນສູນກາງຄຸ້ມຄອງ ແຕ່ປີ 2016-2020 ພ້ອມທັງໄດ້ ຕິດຕາມການກໍ່ສ້າງສັບຊ້ອນ ພະນັກງານຂອງບັນດາຫ້ອງ ການ, ກົມ, ສະຖາບັນ ແລະ ພະແນກວິທະຍາສາດ ແລະ ເຕັກໂນໂລຊີ ແຂວງ-ນະ ຄອນ ຫຼວງ; ຄົ້ນຄວ້າ ແລະ ນໍາສະເໜີອະນຸມັດໃຫ້ພະນັກງານພາຍໃນກະຊວງໄປປະຊຸມ, ສໍາມະ ນາ-ຝຶກອົບຮົມຢູ່ພາຍໃນ ແລະ ຕ່າງປະເທດ ຈໍານວນ 1.437 ເທື່ອຄົນ; ໄດ້ຄົ້ນຄວ້ານໍາສະເໜີ ຄະນະນໍາກະຊວງອະນຸມັດນໍາສົ່ງພະນັກງານທົ່ວກະຊວງໄປຍົກລະດັບວິຊາສະເພາະ ປະລິນ ຍາຕີ 36 ສະຫາຍ, ປະລິນຍາໂທ 110 ສະຫາຍ, ປະລິນຍາເອກ 13 ສະຫາຍ ແລະ ໄດ້ສໍາ ເລັດການຈັດຕັ້ງຝຶກອົບຮົມການປະເມີນຜົນ ຊຶ່ງຈະໃຫ້ສາມາດຈັດຕັ້ງປະຕິບັດ ໃນປີ 2019. ກອງປະຊຸມຍັງໄດ້ມີການປ່ອນບັດເລືອກເອົາຄະນະໜ່ວຍພັກ ຊຸດໃໝ່ ຊຶ່ງໄດ້ເລືອກເອົາສະ ຫາຍ ບຸນປອນ ບົວແພງ ເປັນເລຂາຄະນະໜ່ວຍພັກ ກົມຈັດ ຕັ້ງ-ພະນັກງານ, ສະຫາຍນາງ ສຸພາລັກ ສີລາເພັດ ເປັນຮອງເລຂາຄະນະໜ່ວຍພັກ ທັງເປັນປະທານກວດກາພັກ ແລະ ເລືອກ ເອົາສະຫາຍ ມະໂນທອງ ວົງລໍຄໍາ ເປັນຄະນະໜ່ວຍພັກ. (ຂ່າວ: ແສງຈັນ)