ພະແນກ ຍທຂ ຜົ້ງສາລີ ປະກາດເປັນຄະນະພັກຮາກຖານ


...

25.09.2019 9:14     

   ພິທີປະກາດກົງຈັກການ ຈັດຕັ້ງຄະນະພັກຮາກຖານພະແນກໂຍທາທິການ ແລະ ຂົນສົ່ງ(ຍທຂ)ແຂວງ ໄດ້ຈັດຂຶ້ນໃນວັນທີ 20 ກັນຍາຜ່ານມາ ທີ່ຫ້ອງປະຊຸມພະແນກດັ່ງກ່າວ ໂດຍການເປັນປະທານຂອງສະຫາຍ ແພງ ລີລາວົງ ຮອງເລຂາພັກແຂວງ ຮອງເຈົ້າແຂວງຜົ້ງສາລີ ຫົວຫນ້າຄະນະຮັບຜິດຊອບປັບປຸງກົງຈັກການຈັດຕັ້ງຂັ້ນແຂວງ, ມີສະຫາຍ ສັນຕິ ແກ້ວຍະສານ ກຳມະການປະຈຳພັກແຂວງ ຫົວໜ້າຄະນະຈັດຕັ້ງແຂວງ, ມີພາກສ່ວນກ່ຽວຂ້ອງເຂົ້າຮ່ວມ.
ໃນພິທີມີສະຫາຍ ບຸນທະວີ ສໍສຸກັນ ກຳມະການພັກແຂວງ ເລຂາໜ່ວຍພັກ ຫົວໜ້າພະແນກ ຍທຂ ແຂວງ ໄດ້ຂຶ້ນຜ່ານບົດສະຫຼຸບຕີລາຄາການເຄື່ອນໄຫວຊີ້ນຳໆພາຂອງໜ່ວຍພັກພະແນກ ຍທຂ ແຂວງ ສະໄໝທີ XIII ໄລຍະ 5 ປີຜ່ານມາ; ຜ່ານບົດສຳຫຼວດການນຳພາລວມຂອງໜ່ວຍພັກພະແນກ ຍທຂ ແຂວງ; ຈາກນັ້ນຕາງໜ້າຄະນະຈັດຕັ້ງ ແລະ ຄະນະກວດກາແຂວງ ໄດ້ຜ່ານມະຕິຕົກລົງຂອງຄະນະປະຈຳພັກແຂວງເຊັ່ນ: ມະຕິຕົກລົງວ່າດ້ວຍການແຍກໜ່ວຍພັກ, ມະຕິຕົກລົງການສ້າງຕັ້ງຄະນະພັກ, ມະຕິຕົກລົງວ່າດ້ວຍການສ້າງຕັ້ງ 4 ໜ່ວຍພັກຄື: ໜ່ວຍພັກຂະແໜງຂົນສົ່ງ ແລະ ແຜນການ - ສະຖິຕິ; ໜ່ວຍພັກຂະແໜງຂົວທາງ; ໜ່ວຍພັກຂະແໜງເຄຫາ ແລະ ຜັງເມືອງ - ລັດວິສາຫະກິດນໍ້າປະປາ; ໜ່ວຍພັກຂະແໜງຈັດຕັ້ງ-ບໍລິຫານ ແລະ ການເງິນ, ຂະແໜງກວດກາ; ຜ່ານມະຕິຕົກລົງວ່າດ້ວຍການບົ່ງຕົວແຕ່ງຕັ້ງຄະນະພັກຮາກຖານພະແນກ ຍທຂ ແຂວງ, ມະຕິຕົກລົງວ່າດ້ວຍການບົ່ງຕົວແຕ່ງຕັ້ງຄະນະໜ່ວຍພັກທີ່ຂຶ້ນກັບຄະນະພັກຮາກຖານພະແນກ ຍທຂ ແຂວງ, ໃນນັ້ນຕົກລົງແຕ່ງຕັ້ງສະຫາຍ ບຸນທະວີ ສໍສຸກັນ ເປັນເລຂາຄະນະພັກຮາກຖານພະແນກ ຍທຂ ແຂວງ, ສະຫາຍ ສີສຸພັນ ຈັນສະຫວັດ ເປັນຮອງ, ສະຫາຍ ບຸນພານິດ ແກ້ວຮຸ່ງ, ສະຫາຍ ສົມເພັດ ສີສັງວອນ ແລະ ສະຫາຍ ບົວຄຳ ອິນດາວົງ ເປັນກຳມະການໜ່ວຍພັກ ແລະ ແຕ່ງຕັ້ງຄະນະທັງ 4 ໜ່ວຍພັກຄື: ໜ່ວຍພັກຂະແໜງຂົນສົ່ງ ແລະ ແຜນການ-ສະຖິຕິ ແມ່ນແຕ່ງຕັ້ງ ສະຫາຍ ບຸນພານິດ ແກ້ວຮຸ່ງ ເປັນເລຂາໜ່ວຍພັກ, ສະຫາຍ ສຸກທະພັນ ພິພັດເສລີ ເປັນຮອງ, ສະຫາຍ ທະນົນໄຊ ຄຳອ່ອນ ເປັນກຳມະການໜ່ວຍພັກ; ໜ່ວຍພັກຂະແໜງ ຂົວທາງແຕ່ງຕັ້ງສະຫາຍ ສີສຸພັນ ຈັນສະຫວັດ ເປັນເລຂາ, ສະຫາຍ ໄຊສົມເພັດ ສີພັນ ເປັນຮອງ, ສະຫາຍ ຊາຍທອງ ສຸວັນນາ ເປັນກຳມະການ; ໜ່ວຍພັກຂະແໜ່ງເຄຫາ- ຜັງເມືອງ ແລະ ລັດວິສາຫະກິດນໍ້າປະປາແຕ່ງຕັ້ງສະຫາຍ ສົມເພັດ ສີສັງວອນ ເປັນເລຂາ, ສະຫາຍ ພອນ ແກ້ວພິລາ ເປັນຮອງ, ສະຫາຍ ພອນໄຊ ຈອມແກ້ວ ເປັນກຳມະການ; ໜ່ວຍພັກ ຂະແໜງຈັດຕັ້ງ-ບໍລິຫານ, ການເງິນ ແລະ ກວດກາແຕ່ງຕັ້ງສະຫາຍ ນາງ ບົວຄຳ ອິນດາວົງ ເປັນເລຂາ, ສະຫາຍ ຄຳໃບ ວັນນະແສນແພງ ເປັນຮອງ, ສະຫາຍ ນາງ ບົວ ວັນສີ ເປັນກຳມະການ ແລະ ຜ່ານມະຕິຕົກລົງວ່າດ້ວຍການແຕ່ງຕັ້ງຄະນະກວດກາຄະນະພັກຮາກຖານ ແລະ ຄະນະກວດກາຂອງແຕ່ລະໜ່ວຍພັກຕື່ມອີກ.
(ຂ່າວ-ພາບ : ສົມຄິດ ແກ້ວນວນລາ)