ອົບຮົມວຽກງານຊົນເຜົ່າໃຫ້ພະນັກງານຫຼັກແຫຼ່ງແຂວງຊຽງຂວາງ


...

02.10.2019 9:37     

   ຄະນະກໍາມະການສູນກາງແນວລາວສ້າງຊາດ ແລະ ຄະນະກໍາມະການຊົນເຜົ່າແຫ່ງ ລັດຖະບານ ສສ ຫວຽດນາມ ໄດ້ຈັດຊຸດຝຶກອົບຮົມວຽກງານ ຊົນເຜົ່າໃຫ້ພະນັກງານຫຼັກແຫຼ່ງ ແຂວງຊຽງຂວາງຂຶ້ນເມື່ອບໍ່ດົນ ຜ່ານມາທີ່ແຂວງຊຽງຂວາງ ໂດຍການເຂົ້າຮ່ວມຂອງທ່ານ ຄໍາໃບ ດໍາລັດ ກໍາມະການສູນກາງພັກ ຮອງປະທານສູນກາງແນວລາວສ້າງຊາດ, ທ່ານ ບຸຍ ວັນ ລິກ ຫົວໜ້າກົມນະໂຍບາຍຊົນເຜົ່າ ຄະນະກໍາມະການ ຊົນເຜົ່າແຫ່ງລັດຖະບານ ສສ ຫວຽດນາມ, ມີພະນັກງານ-ລັດຖະກອນທີ່ຮັບຜິດຊອບວຽກງານຊົນເຜົ່າຂອງແນວລາວສ້າງຊາດແຂວງ, ເມືອງ 7 ເມືອງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ວຽກງານຊົນເຜົ່າຂອງແນວລາວສ້າງຊາດ ແມ່ນການສຶກສາອົບຮົມການເມືອງ-ແນວຄິດ, ປຸກລະດົມຂົນຂວາຍ ແນໃສ່ເຮັດໃຫ້ບັນດາຊົນເຜົ່າມີຄວາມສາມັກຄີ, ມີຄວາມເອກ ອ້າງທະນົງໃຈໃນຄວາມເປັນຊາດ, ເປັນຊົນເຜົ່າຂອງຕົນ, ມີ ຄວາມກະຕືລືລົ້ນໃນການພັດ ທະນາປະເທດຊາດ ຊຶ່ງເລີ່ມແຕ່ການພັດທະນາຕົນເອງ, ບັນດາການເຄື່ອນໄຫວປົກປ້ອງ ສົ່ງເສີມສິດຜົນປະໂຫຍດຂອງບັນດາຊົນເຜົ່າໃນຂອບເຂດທົ່ວປະເທດ. ໃນນີ້, ຜູ້ເຂົ້າຮ່ວມກອງປະຊຸມໄດ້ຮັບຟັງກ່ຽວກັບເອກະສານສໍາຄັນຕໍ່ວຽກງານດັ່ງກ່າວຈາກຊ່ຽວຊານ ສສ ຫວຽດນາມ ທີ່ຮັບຜິດຊອບວຽກງານຊົນເຜົ່າມາເປັນວິທະຍາກອນເປັນຕົ້ນ: ເອກະສານກ່ຽວກັບນະໂຍບາຍຊົນເຜົ່າ ແລະ ການປະຕິບັດນະໂຍບາຍຊົນເຜົ່າ ຢູ່ ສສ ຫວຽດນາມ; ທັດສະນະຄະຕິພັກກອມມູນິດ ສສ ຫວຽດ ນາມ ກ່ຽວກັບວຽກງານຊົນເຜົ່າ; ຄວາມຮູ້ກ່ຽວກັບວຽກງານການ ຕ່າງປະເທດ ກົມພົວພັນຕ່າງ ປະເທດ ຄະນະກໍາມະການຊົນ ເຜົ່າ ສສ ຫວຽດນາມ ແລະ ເອກະສານກ່ຽວກັບການເສີມຂະ ຫຍາຍບົດບາດຂອງຜູ້ມີອິດທິ ພົນໃນວົງສາຄະນາຍາດຊົນ ເຜົ່າສ່ວນໜ້ອຍຢູ່ ສສ ຫວຽດ ນາມ. ນອກຈາກນັ້ນຜູ້ເຂົ້າຮ່ວມຍັງໄດ້ປະກອບຄໍາເຫັນ, ແລກປ່ຽນບົດຮຽນບາງບັນຫາທີ່ມີຄວາມສົນໃຈ ຢ່າງກົງໄປກົງມາ ເພື່ອໃຫ້ແນວລາວສ້າງຊາດແຂວງ, ເມືອງ ແລະ ພາກສ່ວນທີ່ກ່ຽວຂ້ອງມີຄວາມຮູ້, ຄວາມເຂົ້າໃຈຢ່າງເລິກເຊິ່ງຕໍ່ວຽກງານຊົນເຜົ່າທີ່ຕົນຮັບຜິດຊອບຢູ່ນັ້ນ ເພື່ອພ້ອມກັນຜັນຂະຫຍາຍເນື້ອໃນເຂົ້າສູ່ວຽກງານຕົວຈິງ ຢູ່ໃນທ້ອງຖິ່ນຕົນໃຫ້ໄດ້ຮັບຜົນດີ.
ໃນຕອນທ້າຍ ທ່ານ ຄໍາໃບ ດໍາລັດ ໄດ້ມີຄໍາເຫັນຕໍ່ຊຸດອົບ ຮົມຄັ້ງນີ້ວ່າ: ການສຳມະນາດັ່ງ ກ່າວສຸດທີ່ມີຄວາມໝາຍສໍາ ຄັນຫຼາຍເພາະມັນແມ່ນໜ້າທີ່, ພາລະບົດບາດຂອງອົງ ການພວກເຮົາ ທັງແມ່ນຄວາມຮັບຜິດຊອບຂອງຄະນະພັກ, ພະນັກງານຫຼັກແຫຼ່ງ, ຜູ້ຊົງຄຸນວຸດທິ, ພະນັກງານປະຕິວັດອົງ ການປົກຄອງທຸກຂັ້ນຕໍ່ການເຕົ້າໂຮມຄວາມສາມັກຄີປະ ຊາຊົນລາວບັນດາເຜົ່າເປັນປຶກແຜ່ນ. ຄຽງຄູ່ກັນນັ້ນ ຕ້ອງມີສະຕິລະວັງຕົວຕໍ່ການເຄື່ອນໄຫວຂອງກຸ່ມຄົນທີ່ບໍ່ຫວັງດີສວຍໃຊ້ວຽກງານຊົນເຜົ່າ ເພື່ອແບ່ງ ແຍກຄວາມສາມັກຄີໃນສັງ ຄົມ, ກໍຄືການເຄື່ອນໄຫວປັ່ນປ່ວນ, ຜິດກັບຮີດຄອງປະເພນີອັນດີງາມຂອງຊາດ ແລະ ລະ ບຽບກົດໝາຍ, ແນວທາງນະ ໂຍບາຍຂອງພັກ ແລະ ລັດ, ສະກັດກັ້ນ ແລະ ຕອບຕ້ານ, ຕີຖອຍກົນອຸບາຍຂອງສັດຕູທີ່ສວຍໃຊ້ບັນຫາຊົນເຜົ່າ ເພື່ອມ້າງເພລະບອບໃໝ່ຢ່າງທັນການພ້ອມດຽວກັນນັ້ນໃຫ້ເອົາ ໃຈໃສ່ຕໍ່ການສ້າງພະນັກງານຫຼັກແຫຼ່ງ ແລະ ພະນັກງານວິ ຊາການຂອງຊົນເຜົ່າຕ່າງໆ, ສືບຕໍ່ສົ່ງເສີມບົດບາດຂອງຜູ້ຊົງຄຸນວຸດທິ ແລະ ຕັ້ງໜ້າປຸກລະ ດົມຂົນຂວາຍປະຊາຊົນລາວບັນດາເຜົ່າ ໃນການເຂົ້າຮ່ວມ ຂະບວນການຕ່າງໆທີ່ສຳຄັນ ຂອງຊາດ ແລະ ປະ ກອບສ່ວນ ຢ່າງຕັ້ງໜ້າຈັດຕັ້ງແຜນພັດ ທະນາເສດຖະກິດ-ສັງຄົມ ຂອງແຂວງໃຫ້ບັນລຸຕາມຄາດ ໝາຍ ກໍຄືວຽກງານແນວລາວສ້າງຊາດໃຫ້ມີການປ່ຽນແປງໃໝ່ທີ່ຕັ້ງໜ້າ ແລະ ນັບມື້ດີຂຶ້ນເທື່ອລະກ້າວ.
(ຂ່າວ-ພາບ: ສນຊ)