ກະຊວງພາຍໃນມອບບັດສະມາຊິກພັກສົມບູນ ຊຸດທີ IV


...

03.10.2019 9:18     

   ກະຊວງພາຍໃນ ໄດ້ຈັດພິທີມອບບັດໃຫ້ສະມາຊິກພັກສົມບູນທີ່ຂຶ້ນກັບອົງຄະນະພັກກະຊວງພາຍໃນ ຊຸດທີ IV ໃນວັນທີ 2 ຕຸລານີ້ ທີ່ຫ້ອງປະຊຸມຂອງກົມແຜນທີ່ກະຊວງດັ່ງກ່າວ ເປັນກຽດໃນພິທີ ສະຫາຍ ສີພຸກ ວົງພັກດີ ຄະນະພັກກະຊວງ ຮອງລັດຖະມົນຕີກະຊວງພາຍໃນ, ທ່ານ ນາງ ທອງຈັນ ແກ້ວແສນຫອມ ກໍາມະການຄະນະບໍລິຫານງານພັກກະຊວງພາຍ ໃນ, ມີບັນດາຄະນະນໍາກະຊວງ, ຕາງໜ້າໜ່ວຍພັກ - ຕາງໜ້າ 3 ອົງການຈັດຕັ້ງເຂົ້າຮ່ວມຢ່າງພ້ອມພຽງ.
    ສະຫາຍ ສີພຸກ ວົງພັກດີ ກ່າວວ່າ: ພັກປະຊາຊົນ ປະຕິ ວັດລາວ ນັບແຕ່ໄດ້ຮັບການສ້າງ ຕັ້ງຂຶ້ນເປັນຕົ້ນມາ, ໄດ້ທຸ້ມເທ ສະຕິປັນຍາເຂົ້າໃນການນໍາພາປະຊາຊົນລາວບັນດາເຜົ່າປະ ຕິບັດ 2 ໜ້າທີ່ຍຸດທະສາດທີ່ສໍາຄັນຄື: ປົກປັກຮັກສາ ແລະ ສ້າງສາປະເທດຊາດຈົນສາ ມາດເຮັດສໍາເລັດພາລະກິດປົດ ປ່ອຍຊາດ ແລະ ຍັງສືບຕໍ່ດໍາເນີນພາລະກິດປ່ຽນແປງໃໝ່ຢ່າງຮອບດ້ານ, ພັກຍາມໃດກໍຢຶດໝັ້ນລັກສະນະຊົນຊັ້ນ, ເຄົາລົບ ແລະ ປະຕິບັດບັນດາຫຼັກການທິດນໍາກໍ່ສ້າງພັກທີ່ໄດ້ກໍານົດໄວ້ຢ່າງເຂັ້ມງວດ, ຍົກສູງຄວາມສາມາດນໍາພາ ແລະ ລັກສະນະນໍາໜ້າຂອງພັກ,ເພີ່ມທະວີຄວາມສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຢ່າງຮອບດ້ານ. ສະຫາຍ ສີພຸກ ວົງພັກດີ ຍັງກ່າວຕື່ມວ່າ: ການມອບບັດສະມາຊິກພັກສົມບູນ ຍັງເປັນການຄຸ້ມຄອງສະມາຊິກພັກ ທາງດ້ານຈໍານວນ ແລະ ຄຸນນະພາບ ໃຫ້ເປັນເອກະພາບໃນທົ່ວພັກ ເຮັດໃຫ້ອົງຄະນະພັກກະຊວງສາມາດຕິດຕາມກວດກາສະມາຊິກພັກໄດ້ສະ ດວກ, ຄຸ້ມຄອງການຈັດຕັ້ງພັກ ແລະ ປ້ອງກັນພັກໃຫ້ດີຂຶ້ນ, ສະ ກັດກັ້ນບໍ່ໃຫ້ກຸ່ມຄົນບໍ່ດີສວຍໃຊ້ໂອກາດປອມແປງ, ເລັດລອດເຂົ້າໃນຖັນແຖວສະມາຊິກພັກ ແລະ ອົງການນໍາຂອງພັກ. ຈໍານວນສະມາຊິກພັກສົມບູນທີ່ໄດ້ຮັບບັດໃນຄັ້ງນີ້ມີຈໍານວນທັງໝົດ 29 ສະຫາຍ ຍິງ 7 ສະຫາຍ.
(ຂ່າວ: ແສງຈັນ)