ພຊສ ໄຊຍະບູລີ ສຳເລັດຝຶກອົບຮົມທິດສະດີການເມືອງ ແລະ ການປົກຄອງ 45 ວັນ


...

03.10.2019 9:16     

   ຊຸດຝຶກອົບຮົມທິດສະດີການເມືອງ ແລະ ການປົກຄອງໄລຍະສັ້ນ 45 ວັນ ຊຸດທີ I ຂອງພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ (ພຊສ) ແລະ ພະແນກການອ້ອມຂ້າງແຂວງໄຊຍະບູລີ ຈໍານວນ 63 ຄົນ ໄດ້ສຳເລັດແລະ ມອບໃບຢັ້ງຢືນເມື່ອບໍ່ດົນຜ່ານມາທີ່ໂຮງຮຽນການເມືອງ ແລະການປົກຄອງແຂວງ, ປະກອບມີ 5 ວິຊາຮຽນຄື: ວິຊາປັດຊະຍາ, ເສດຖະສາດການເມືອງ, ລັດທິສັງຄົມນິຍົມວິທະຍາສາດ, ບໍລິຫານສາດ ແລະ ກໍ່ສ້າງພັກ, ໂດຍເປັນກຽດເຂົ້າຮ່ວມຂອງ ສະຫາຍ ບຸນລັບ ແສງອາພອນ ກຳມະການພັກແຂວງ ເລຂາຄະນະພັກຮາກຖານພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ແຂວງໄຊຍະບູລີ, ສະຫາຍ ສີສອນພັນ ບຸນສີ ຫົວໜ້າໂຮງຮຽນການເມືອງ-ການປົກຄອງແຂວງ, ມີຕາງໜ້າຄະນະພັກ, ຕາງໜ້າພະແນກການ, ກົມກອງ, ສະ ມາຊິກພັກ-ພະນັກງານ, ນັກຝຶກອົບຮົມ, ຄູ-ອາຈານ ແລະ ແຂກຖືກເຊີນເຂົ້າຮ່ວມ.
    ຈຸດປະສົງຂອງການຮໍ່າຮຽນທິດສະດີຄັ້ງນີ້ ແມ່ນເພື່ອຍົກລະດັບຄວາມຮູ້ທາງດ້ານທິດສະດີການເມືອງເປັນຕົ້ນແມ່ນຫຼັກມູນພື້ນຖານຂອງທິດສະດີມາກ-ເລນິນ ໃນເງື່ອນໄຂ ໃໝ່ຍົກລະດັບຄວາມຮູ້ທາງ ດ້ານນະໂຍບາຍຂອງພັກກົດ ໝາຍຂອງລັດທັງເປັນການສ້າງພະນັກງານທາງທັດສະນະຫຼັກ ໝັ້ນ ຄຸນສົມບັດສິນທຳປະຕິ ວັດເສີມຂະຫຍາຍຈິດໃຈຮັກຊາດຮັກລະບອບໃໝ່ກຳແໜ້ນ ແນວທາງປ່ຽນແປງໃໝ່ຮອບ ດ້ານ ແລະ ມີຫຼັກການຂອງພັກ. ຕອນທ້າຍ ສະຫາຍ ບຸນລັບ ແສງອາພອນ ກໍໄດ້ໃຫ້ກຽດມອບໃບຢັ້ງຢືນນັກຝຶກອົບຮົມ ພ້ອມທັງໂອ້ລົມ ແລະ ກ່າວປິດຊຸດຝຶກອົບຮົມຢ່າງເປັນທາງການ. (ຂ່າວ: ມະໄລວັນ)