ເມືອງປາກກະດິງ ເຜີຍແຜ່ເຊື່ອມຊຶມເອກະສານສະກັດກັ້ນ ແລະ ຕ້ານການສໍ້ລາດບັງຫຼວງ


03.10.2019 9:16     

   ເມືອງປາກກະດິງ ເຜີຍແຜ່ ເຊື່ອມຊຶມເອກະສານ ສະກັດກັ້ນ ແລະ ຕ້ານການສໍ້ລາດບັງ ຫຼວງເມື່ອບໍ່ດົນຜ່ານມາ ຢູ່ທີ່ຫ້ອງປະຊຸມກຸ່ມເສດຖະກິດເມືອງປາກກະດິງ ແຂວງບໍລິຄຳໄຊ ໄດ້ຈັດຕັ້ງເຜີຍແຜ່ ເຊື່ອມຊຶມເອກະສານເດັດດ່ຽວສະກັດກັ້ນ ແລະ ຕ້ານການສໍ້ລາດບັງຫຼວງ. ເຜີຍແຜ່ເອກະສານໂດຍທ່ານ ສາຍຄຳ ວົງຄຳທອງ ຮອງປະທານຄະນະກວດກາພັກ ຮອງປະທານອົງການກວດກາລັດ-ຕ້ານການສໍ້ລາດບັງຫຼວງ ແຂວງບໍລິຄຳໄຊ, ມີຄະນະປະຈຳ-ກຳມະການພັກເມືອງ, ຫົວໜ້າ-ຄະນະຫ້ອງການ, ຫົວໜ້າ-ຄະນະໜ່ວຍງານ, ກຳລັງ ປກຊ-ປກສ ແລະ ຄະນະບ້ານໆເທດສະບານເມືອງເຂົ້າຮ່ວມ ການເຜີຍແຜ່ ເຊື່ອມຊຶມຄັ້ງນີ້ທ່ານຮອງປະທານຄະນະກວດກາພັກ, ຮອງປະທານອົງການກວດກາລັດ-ຕ້ານການສໍ້ລາດບັງຫຼວງແຂວງ ໄດ້ຍົກໃຫ້ເຫັນຍຸດທະສາດຕ້ານການສໍ້ລາດບັງຫຼວງ ແຕ່ນີ້ຮອດປີ 2020 ເລກທີ 02/ນຍ ລົງວັນທີ 4 ທັນວາ 2012. ກົດໝາຍ ວ່າດ້ວຍການຕ້ານການສໍ້ລາດບັງຫຼວງ ສະບັບເລກທີ 27/ສພຊ, ລົງວັນທີ 18 ທັນວາ 2012. ມະ ຕິຂອງຄະນະບໍລິຫານງານສູນກາງພັກ ເລກທີ 022/ຄບສພ ລົງວັນທີ 13 ມັງກອນ 2017 ວ່າດ້ວຍການແກ້ໄຂປະກົດການອາດຍາສິດ, ສະກັດກັ້ນ ແລະ ຕ້ານການສໍ້ລາດບັງຫຼວງ. ດຳລັດສະບັບເລກທີ 159/ລບ ລົງວັນທີ 4 ມິຖຸນາ 2013 ວ່າດ້ວຍການແຈ້ງຊັບສິນ. ດໍາລັດສະບັບເລກທີ 01/ລບ ລົງວັນທີ 6 ມັງກອນ 2015 ວ່າດ້ວຍການກວດກາ ໂຄງການລົງທຶນຂອງລັດເລີ່ມແຕ່ຫົວທີ ແລະ ຍົກໃຫ້ເຫັນ 14 ຫົວຂໍ້: ເດັດດ່ຽວສະກັດກັ້ນ ແລະ ຕ້ານການສໍ້ລາດບັງຫຼວງ ໂດຍສະເພາະແມ່ນສະພາບການສໍ້ລາດບັງຫຼວງໃນປັດຈຸບັນ, ການແກ້ໄຂ ແລະ ມາດຕະການຕໍ່ຜູ້ລະເມີດ. ເພື່ອເຮັດໃຫ້ພະນັກງານນຳພາ ຄຸ້ມຄອງ, ພະນັກງານ-ລັດຖະ ກອນ, ກຳລັງປະກອບອາວຸດ, ພະນັກງານລັດວິສາຫະກິດ, ນັກ ຮຽນຮູ້ - ນັກສຶກສາ ປັນຍາຊົນ ຕະຫຼອດຮອດພໍ່ແມ່ປະຊາຊົນບັນດາຊັ້ນຄົນໄດ້ຮັບຮູ້, ເຂົ້າໃຈ ແລະ ກຳໄດ້ເນື້ອໃນວຽກງານສະກັດກັ້ນ ແລະ ຕ້ານການສໍ້ລາດບັງຫຼວງ ທັງເປັນເຈົ້້າການໃນການສະກັດກັ້ນ-ຕ້ານການສໍ້ລາດບັງຫຼວງ. ເພື່ອເຮັດໃຫ້ການຈັດຕັ້ງປະຕິບັດໜ້າທີ່ວຽກງານຂອງພະນັກງານ-ລັດຖະກອນ ມີຄວາມໂປ່ງໃສ, ເຂັ້ມແຂງ, ໜັກແໜ້ນສ້າງ ຄວາມເຊື່ອໝັ້ນໃນການບໍລິການຮັບໃຊ້ປະຊາຊົນ, ຕີຖອຍ ແລະ ຈຳກັດປະກົດການຫຍໍ້ທໍ້ຕ່າງໆໃຫ້ຫຼຸດໜ້ອຍຖອຍລົງເທື່ອລະກ້າວ.
(ຂ່າວ: ແສງທອງ )