ກອງປະຊຸມຄົບຄະນະບໍລິຫານງານພັກເມືອງຊຽງຮ່ອນ


...

08.10.2019 9:49     

   ກອງປະຊຸມຄົບຄະນະບໍ ລິຫານງານທ້າຍສະໄໝທີ VI ຂອງອົງຄະນະພັກເມືອງຊຽງຮ່ອນ ແຂວງໄຊຍະບູລີ ໄດ້ເປີດ ຂຶ້ນໃນວັນທີ 4 ຕຸລາຜ່ານມາທີ່ຫ້ອງປະຊຸມຫ້ອງວ່າການປົກຄອງເມືອງດັ່ງກ່າວ ໂດຍການເປັນປະທານຂອງ ສະຫາຍ ບຸນລ້ວນ ຊົມສີຫາປັນຍາ ກໍາມະການ ພັກແຂວງ ເລຂາພັກເມືອງເຈົ້າ ເມືອງຊຽງຮ່ອນ, ເຂົ້າຮ່ວມເປັນກຽດໂດຍ ສະຫາຍ ພົງສະຫວັນ ສິດທະວົງ ກໍາມະການສູນກາງພັກ ເລຂາພັກແຂວງ ເຈົ້າແຂວງ ໄຊຍະບູລີ, ມີຄະນະປະຈໍາພັກເມືອງ, ກໍາ ມະການພັກເມືອງ, ມີໜ່ວຍປະຕິບັດງານຈາກແຂວງເຂົ້າຮ່ວມຢ່າງພ້ອມພຽງ.
   ໃນກອງປະຊຸມຄັ້ງນີ້ໄດ້ພ້ອມກັນດໍາເນີນສໍາຫຼວດການນໍາພາລວມຂອງຄະນະບໍລິຫານງານພັກເມືອງໃນໄລ ຍະຜ່ານມາ ພ້ອມທັງດໍາເນີນຊີວິດການເມືອງພາຍໃນຄະນະພັກ, ດໍາເນີນການທາບທາມບຸກຄະລາກອນເຂົ້າໃນຄະນະບໍລິຫານງານພັກເມືອງຮອບທີ 3, ທາບທາມຄະນະປະຈໍາພັກເມືອງ, ເລຂາ, ຮອງເລຂາ, ປະທານ, ຮອງປະທານກວດກາພັກເມືອງຮອບ 2, ຜ່ານຮ່າງລາຍງານການເມືອງ, ແຜນພັດທະນາເສດຖະກິດ-ສັງຄົມໂດຍຫຍໍ້ ແລະ ຮ່າງບົດສໍາຫຼວດ ການນໍາພາລວມຂອງຄະນະບໍລິຫານງານພັກເມືອງ ທັງເປັນການສໍາຫຼວດຕີລາຄາຕະ ຫຼອດໄລຍະແຫ່ງການຊີ້ນໍາ-ນໍາພາຂອງຄະນະບໍລິຫານງານ ພັກເມືອງສະໄໝທີ VI ໃນການຈັດຕັ້ງປະຕິບັດບັນດານິ ຕິກໍາຕ່າງໆລົງສູ່ສັງຄົມທີ່ໄດ້ຮັບຜົນສໍາເລັດ ພ້ອມນີ້ຈະໄດ້ດໍາເນີນຊີວິດການເມືອງນັບແຕ່ຄະນະປະຈໍາພັກເມືອງ, ເລ ຂາ, ຮອງເລຂາ ແລະ ຄະນະບໍລິຫານງານພັກເມືອງທັງໝົດ 22 ສະຫາຍ ຍິງ 3 ສະຫາຍ ທັງໝົດນັ້ນເພື່ອເປັນພື້ນຖານ ແລະ ສ້າງເງື່ອນໄຂອັນຄົບຖ້ວນໃຫ້ແກ່ການດໍາເນີນກອງປະຊຸມໃຫຍ່ຜູ້ແທນອົງຄະນະພັກເມືອງທີ່ຈະເປີດຂຶ້ນໃນມໍ່ໆນີ້, ຈາກນັ້ນ ສະຫາຍ ພົງສະຫວັນ ສິດທະວົງ ໄດ້ເນັ້ນໜັກໃຫ້ຄະນະບໍລິຫານງານພັກຈົ່ງເອົາໃຈໃສ່ ສຸມສະຕິປັນຍາເຂົ້າໃນການປະ ກອບຄໍາຄິດຄໍາເຫັນໃສ່ຮ່າງລາຍງານການເມືອງ, ແຜນພັດ ທະນາເສດຖະກິດ-ສັງຄົມ ແລະ ຮ່າງບົດສໍາຫຼວດການນໍາພາລວມ, ຊອກໃຫ້ເຫັນໄດ້ຈຸດດີ, ຈຸດອ່ອນ, ຂໍ້ຄົງຄ້າງ ແລະ ບົດ ຮຽນທີ່ຖອດຖອນໄດ້ຈາກການ ປະຕິບັດໜ້າທີ່ໄລຍະ 5 ປີຜ່ານມາ, ຈິງໃຈ ແລະ ກ້າຕໍານິສົ່ງຂ່າວ ຊຶ່ງກັນ ແລະ ກັນ ເພື່ອປັບປຸງແກ້ໄຂຈຸດອ່ອນຂໍ້ຄົງຄ້າງຂອງແຕ່ລະສະຫາຍໃນຄະນະບໍລິຫານງານພັກເມືອງ ພ້ອມນີ້ກໍເອົາໃຈໃສ່ໃນການຄັດເລືອກ ເອົາຄະນະບໍລິຫານງານພັກເມືອງຊຸດໃໝ່, ເລືອກໃຫ້ໄດ້ ບຸກຄະລາກອນທີ່ມີຄຸນທາດການເມືອງໜັກແໜ້ນ, ມີຄຸນ ສົມບັດສິນທຳປະຕິວັດ ເປັນບຸກຄົນທີ່ໄດ້ຜ່ານການທົດສອບ, ຝຶກຝົນຫຼໍ່ຫຼອມໃນຂະບວນການປະຕິວັດແຕ່ຮາກຖານບ້ານຂຶ້ນມາ, ເປັນຜູ້ທີ່ມີປະສົບການສູງ ປະກອບດ້ວຍຫຼາຍຂົງເຂດ, ມີເພດ, ມີເຜົ່າ ແລະ ຮາກຖານບ້ານ, ກອງປະຊຸມດັ່ງກ່າວຍັງໄດ້ຜ່ານ ຂໍ້ຕົກລົງຂອງທ່ານເຈົ້າແຂວງໄຊຍະບູລີ, ສະບັບເລກທີ 113/ ຈຂ,ຊຍ, ລົງວັນທີ 23 ກັນຍາ 2019 ວ່າດ້ວຍການຍົກຍ້າຍ ພະນັກງານໄປຮັບໜ້າທີ່ໃໝ່ຢູ່ ຂັ້ນແຂວງ, ຕົກລົງຍົກຍ້າຍທ່ານ ນາງ ວັນນາ ພົມວິສອນ ຄະນະ ປະຈໍາພັກເມືອງ ຮອງເຈົ້າເມືອງ ຊຽງຮ່ອນ, ສະມາຊິກສະພາປະ ຊາຊົນແຂວງ ໄປຮັບໜ້າທີ່ໃໝ່ ເປັນຮອງຫົວໜ້າຄະນະໂຄສະ ນາອົບຮົມແຂວງໄຊຍະບູລີກອງ ປະຊຸມແມ່ນໄດ້ດໍາເນີນໄປເປັນເວລາ 2 ວັນ ຈຶ່ງສໍາເລັດ.
(ໂດຍ: ອຸ່ນເຮືອນ ໂພທິລັກ)