ກອງປະຊຸມໃຫຍ່ ຄັ້ງທີ III ໜ່ວຍພັກຄະນະເຕັກນິກການແພດ


...

08.10.2019 9:59     

   ກອງປະຊຸມໃຫຍ່ຄັ້ງທີ III ໜ່ວຍພັກຄະນະເຕັກນິກການ ແພດ ມະຫາວິທະຍາໄລວິທະ ຍາສາດສຸຂະພາບ (ມວສ) ໄດ້ ຈັດຂຶ້ນໃນວັນທີ 3 ຕຸລາຜ່ານມາທີ່ຫ້ອງປະຊຸມຄະນະເພສັຊ ສາດ, ພາຍໃຕ້ການເປັນປະທານ ຂອງ ສະຫາຍ ຄຳພອນ ພຸດທະວົງ ເລຂາຄະນະພັກກະຊວງ ຮອງລັດຖະມົນຕີກະຊວງສາ ທາລະນະສຸກ ຊຶ່ງມີຄະນະພັກ, ບັນດາຄະນະໜ່ວຍພັກທີ່ຂຶ້ນກັບຮາກຖານ ມວສ ເຂົ້າຮ່ວມ.
    ສະຫາຍ ເພັດລາວັນ ສີນຸວົງ ຄະນະໜ່ວຍພັກຄະນະເຕັກນິກການແພດໄດ້ຂຶ້ນຜ່ານຮ່າງບົດລາຍງານການເມືອງສະ ຫຼຸບຕີລາຄາການຈັດຕັ້ງປະຕິ ບັດວຽກງານໄລຍະ 5 ປີຜ່ານມາ (2014-2019) ຊຶ່ງຍົກໃຫ້ເຫັນດ້ານດີ, ດ້ານອ່ອນ, ຂໍ້ຂາດ ຕົກບົກຜ່ອງ, ບົດຮຽນທີ່ຖອດ ຖອນ ໄດ້ພ້ອມທັງວາງແຜນ ການໃນຕໍ່ໜ້າ (2020-2024). ຕະຫຼອດໄລຍະ 5 ປີທີ່ຜ່ານມາເຫັນວ່າພະນັກງານສະມາຊິກພັກມີຄວາມອຸ່ນອ່ຽນທຸ່ນທຽງ, ມີທັດສະນະຫຼັກໝັ້ນຕໍ່ການນຳຂອງພັກໄດ້ຊີ້ນຳ ນຳພາວຽກງານຕ່າງໆພາຍໃນຄະນະວິຊາຈົນສາມາດຍາດໄດ້ຜົນສຳ ເລັດຫຼາຍດ້ານເປັນຕົ້ນແມ່ນວຽກງານການພັດທະນາຊັບ ພະຍາກອນມະນຸດໃນການກໍ່ ສ້າງນັກສຶກສາເຕັກນິກການແພດໃຫ້ມີຄວາມຮູ້ຄວາມສາ ມາດ, ມີຈັນຍາບັນ-ຈັນຍາທຳອອກຮັບໃຊ້ສັງຄົມ, ນອກນີ້ຍັງສຳເລັດໃນການສ້າງຫັຼກສູດຊ່ຽວຊານເລືອດວິທະຍາ ແລະ ຈະເປີດການຮຽນການສອນໃນສົກນີ້ ແລະ ພ້ອມດຽວກໍມີການສ້າງ, ປັບປຸງຫຼັກສູດໃນຄະນະເຕັກນິກການແພດໃຫ້ແທດເໝາະກັບສະພາບເສດຖະກິດ-ສັງຄົມໃນປັດຈຸບັນ.
    ກອງປະຊຸມຍັງໄດ້ປ່ອນບັດ ຄັດເລືອກເອົາຄະນະໜ່ວຍ ພັກຊຸດໃໝ່ຂອງໜ່ວຍພັກຄະ ນະເຕັກນິກການແພດ ແລະ ປ່ອນບັດຄັດເລືອກເອົາຜູ້ແທນສົມບູນ ແລະ ສຳຮອງໄປຮ່ວມ ກອງປະຊຸມໃຫຍ່ຄັ້ງທີ 9 ຂອງ ອົງຄະນະພັກກະຊວງສາທາ ລະນະສຸກອີກດ້ວຍ.
(ຂ່າວ-ພາບ: ເຕັກນິກການແພດ)