ກອງປະຊຸມໃຫຍ່ ຄັ້ງທີ VII ອົງຄະນະພັກເມືອງຊຽງຮ່ອນ


...

09.10.2019 9:34     

   ກອງປະຊຸມໃຫຍ່ຄັ້ງທີ VII ຂອງຜູ້ແທນອົງຄະນະພັກ ເມືອງ ຊຽງຮ່ອນ ແຂວງໄຊຍະບູລີໄດ້ເປີດຂຶ້ນຢ່າງເປັນທາງການໃນຕອນເຊົ້າວັນທີ 7 ຕຸລາທີ່ ສະໂມສອນໃຫຍ່ຂອງເມືອງດັ່ງກ່າວ ໂດຍການເປັນປະທານຂອງສະຫາຍ ບຸນລ້ວນ ຊົມສີຫາປັນຍາ ກໍາມະການພັກແຂວງ ເລຂາພັກເມືອງ ເຈົ້າເມືອງຊຽງຮ່ອນ, ເຂົ້າຮ່ວມເປັນກຽດຂອງ ສະຫາຍ ພົງສະຫວັນ ສິດທະວົງ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໄຊຍະບູລີ, ມີກຳມະການພັກແຂວງ, ຄະນະປະຈຳພັກເມືອງ, ແຂກຖືກເຊີນຈາກເມືອງອ້ອມຂ້າງ, ຜູ້ແທນສົມບູນທີ່ມາຈາກຄະນະພັກຮາກຖານ ແລະ ໜ່ວຍພັກທົ່ວເມືອງທີ່ເປັນຕົວແທນໃຫ້ແກ່ສະມາຊິກພັກເຂົ້າຮ່ວມ
    ກອງປະຊຸມໃຫຍ່ຜູ້ແທນຄັ້ງນີ້ແມ່ນໄດ້ພ້ອມກັນທົບທວນຕີລາຄາຄືນຜົນງານ ແລະ ໄຊຊະນະທີ່ຍາດມາໄດ້, ຍົກໃຫ້ເຫັນຈຸດອ່ອນຂໍ້ຄົງຄ້າງ ແລະ ສະຫຼຸບຖອດຖອນບົດຮຽນໃນການຈັດຕັ້ງປະຕິບັດແນວທາງນະໂຍບາຍຂອງພັກ ແລະ ມະ ຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກເມືອງໃນໄລຍະ 5 ປີຜ່ານມາ ແລະ ພ້ອມກັນກຳນົດທິດທາງຄາດໝາຍຍຸດທະສາດແຕ່ລະດ້ານໃນ ການປົກປັກຮັກສາ ແລະ ພັດ ທະນາເມືອງຊຽງຮ່ອນແຕ່ນີ້ຮອດປີ 2024 ໂດຍລວມແລ້ວເມືອງ ຊຽງຮ່ອນ ແມ່ນມີການປ່ຽນແປງຢ່າງຕັ້ງໜ້າເປັນຕົ້ນແມ່ນສາມາດຮັກສາສະຖຽນລະພາບທາງດ້ານການເມືອງ, ມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍດ້ານສັງຄົມໂດຍພື້ນຖານ,ເສດ ຖະກິດ, ວັດທະນະທໍາ-ສັງຄົມໄດ້ຮັບການພັດທະນາຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນບັນດາເຜົ່າໄດ້ຮັບ ການຊຸກຍູ້ສົ່ງເສີມນັບມື້ດີຂຶ້ນ, ເສດຖະກິດຂະຫຍາຍຕົວໃນ ລະດັບ 15,33% ຕໍ່ປີລວມຍອດ ມູນຄ່າຜະລິດຕະພັນພາຍໃນບັນລຸ 532,49 ຕື້ກີບ, ສະເລ່ຍໃສ່ຫົວຄົນໜຶ່ງໄດ້ 15,64 ລ້ານກວ່າກີບ, ເທົ່າກັບ 2.058 ໂດລາ ທຽບໃສ່ປີ 2014 ເພີ່ມຂຶ້ນ 789 ໂດລາ, ກະສິກໍາຂະ ຫຍາຍ ຕົວ 12,35%, ອຸດສາຫະກໍາຂະຫຍາຍຕົວ 14,68% ແລະ ການບໍລິການຂະຫຍາຍຕົວ 24,89%, ການສົ່ງອອກສິນ ຄ້າບັນລຸ 9,28 ລ້ານກວ່າໂດ ລາ, ການຊົມໃຊ້ໄຟຟ້າຂອງ ປະຊາຊົນກວມ 100%, ອັດ ຕາເຂົ້າຮຽນຊັ້ນປະຖົມບັນ ລຸ 99,9%, ມັດທະຍົມຕົ້ນ 82,4%, ມັດທະຍົມປາຍ 45,8%, ອັດຕາການຊົມໃຊ້ນ້ຳ ສະອາດກວມເອົາ 83%, ອັດ ຕາການຊົມໃຊ້ວິດຖ່າຍ 94%, ທົ່ວເມືອງມີບ້ານວັດທະນະທຳແລ້ວ 30 ບ້ານ ແລະ 1 ກົມກອງ, ມີແຫຼ່ງທ່ອງທ່ຽວທັງໝົດ 11 ແຫ່ງ, ມີນັກທ່ອງທ່ຽວເຂົ້າມາທ່ຽວຊົມທັງໝົດ 4.092 ຄົນ, ສ້າງບ້ານແບບຢ່າງປະຕິບັດ ກົດໝາຍໄດ້ 41 ບ້ານ, ບ້ານພັດທະນາ ມີ 25 ບ້ານ ແລະ ຮັບຮອງບ້ານແຮງງານ ແລະ ສະຫວັດດີການສັງຄົມ ໄດ້ 2 ບ້ານ, ກອງປະຊຸມຄັ້ງນີ້ຍັງຈະ ໄດ້ປ່ອນບັດເລືອກຕັ້ງເອົາຄະ ນະບໍລິຫານງານພັກເມືອງຊຸດທີ VII, ເລືອກຕັ້ງເອົາຄະນະປະຈໍາພັກເມືອງ, ເລຂາ, ຮອງເລຂາ ແລະ ປະທານ, ຮອງປະທານກວດກາພັກ, ເພື່ອສືບ ຕໍ່ຊີ້ນຳ-ນຳພາເມືອງຊຽງຮ່ອນໃຫ້ກ້າວຂຶ້ນຢ່າງບໍ່ຢຸດຢັ້ງດ້ວຍຜົນງານ ແລະ ໄຊຊະນະໃໝ່ຍິ່ງ ໃຫຍ່ກ່ວາເກົ່າ ພ້ອມທັງດໍາເນີນການປ່ອນບັດຄັດເລືອກເອົາຜູ້ແທນທີ່ເປັນຕົວແທນໃຫ້ແກ່ອົງຄະນະພັກເມືອງໄປຮ່ວມກອງປະຊຸມໃຫຍ່ຄັ້ງທີ VII ຂອງອົງຄະນະພັກແຂວງ, ກອງປະຊຸມຄັ້ງນີ້ ຍັງຈະໄດ້ຮັບຟັງການໂອ້ລົມຂອງ ສະຫາຍ ພົງສະຫວັນ ສິດທະວົງ ແລະ ໄດ້ດຳເນີນໄປເປັນເວລາ 2 ວັນຈຶ່ງສຳເລັດ.
(ຂ່າວ-ພາບ: ອຸ່ນເຮືອນ ໂພທິລັກ)