ປທສ ປິດຊຸດອົບຮົມທິດສະດີການເມືອງ ແລະ ການປົກຄອງ 45 ວັນຊຸດທີ V


...

16.10.2019 9:48     

   ກະຊວງໄປສະນີ, ໂທລະຄົມມະນາຄົມ ແລະ ການສື່ ສານ (ປທສ) ໄດ້ຈັດພິທີປິດຊຸດຝຶກອົບຮົມທິດສະດີການເມືອງແລະການປົກຄອງໄລຍະສັ້ນ 45 ວັນຊຸດທີ V ຂອງກະຊວງປທສ ຂຶ້ນໃນວັນທີ 11 ຕຸ ລາຜ່ານມາ ທີ່ສະຖາບັນເຕັກ ໂນໂລຊີສື່ສານຂໍ້ ມູນຂ່າວສານ. ໂດຍການເປັນປະທານຂອງ ທ່ານ ທອງໃສ ຊານໄຊຍະ ຮອງເລຂາຄະນະພັກ ຮອງລັດ ຖະມົນຕີກະຊວງ ປທສ ແລະ ໃຫ້ກຽດມອບໃບຢັ້ງຢືນໂດຍທ່ານ ສະໝຸດທອງ ສົມພານິດ ຄະນະພັກ ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດມີຄະນະພັກກະຊວງ, ຄະນະໜ່ວຍພັກ, ບັນດາກົມ-ທຽບເທົ່າ, ຄະນະພັກຮາກຖານ ບໍລິສັດ ລັດວິສາຫະກິດໄປສະນີ, ໂທລະຄົມມະນາຄົມ ພ້ອມດ້ວຍສໍາມະນາກອນເຂົ້າຮ່ວມ.
     ການຝຶກອົບຮົມທິດສະດີ ການເມືອງ ແລະ ການປົກຄອງຄັ້ງນີ້, ໄດ້ສົມທົບກັບສະຖາບັນ ການເມືອງ ແລະ ການປົກຄອງແຫ່ງຊາດທາງດ້ານເນື້ອໃນຫຼັກ ສູດ ແລະ ອາຈານສອນ ຊຶ່ງຕາມໂຄງການຫຼັກສູດ ມີທັງໝົດ 5 ພາກ ແລະ 37 ບົດ; ໃນນັ້ນຂຶ້ນຫ້ອງຮັບຟັງບັນຍາຍ 33 ວັນ, ຄົ້ນຄວ້າ ແລະ ແກ້ຂໍ້ຂ້ອງໃຈ 9 ວັນ, ທັດສະນະສຶກສາ 1 ວັນ, ຂຽນ ແລະ ຜ່ານບົດເກັບກ່ຽວ 1 ວັນ, ເນື້ອແທ້ແມ່ນການຄົ້ນຄວ້າຮຽນຮູ້ກ່ຽວກັບທິດສະດີມາກ - ເລນິນ, ພາກວິຊາປັດຊະຍາ, ເສດຖະສາດການເມືອງ, ລັດທິສັງຄົມນິຍົມວິທະຍາສາດ, ບໍລິຫານສາດ ແລະ ການກໍ່ສ້າງພັກ, ທັງໝົດເຫຼົ່ານັ້ນປະກອບເປັນຄວາມຮູ້ພື້ນຖານໃຫ້ແກ່ພະນັກງານນຳພາ - ຄຸ້ມຄອງຫຼັກແຫຼ່ງ ແລະ ພະນັກງານສືບທອດປ່ຽນແທນຂອງກະຊວງ ປທສ ໃນການຊີ້ນຳ-ນຳພາ, ການຄົ້ນຄວ້າ, ເຊື່ອມຊຶມ ແລະຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກເວົ້າລວມ, ເວົ້າສະເພາະມະຕິກອງປະຊຸມໃຫຍ່ ຄັ້ງທີ I ຂອງອົງຄະນະພັກກະຊວງ ປທສແລະ ທິດທາງແຜນການວິໄສທັດຮອດປີ 2030, ຍຸດທະສາດໄລຍະ 10 ປີ (2016-2025) ແລະ ແຜນພັດທະນາ 5 ປີ ຄັ້ງທີ II (2016-2020) ຂອງຂະແໜງໄປສະນີໂທລະຄົມມະນາຄົມແລະ ການສື່ສານ.
   ສະຫາຍ ທອງໃສ ຊານໄຊຍະ ໄດ້ກ່າວວ່າ: ການຝຶກອົບ ຮົມທິດສະດີການເມືອງ-ການປົກຄອງແມ່ນມີຄວາມສຳຄັນ ແລະ ຈຳເປັນພາວະວິໄສສຳລັບພະນັກງານນຳພາ-ຄຸ້ມຄອງຫຼັກ ແຫຼ່ງ, ພະນັກງານສືບທອດ ເພື່ອທົດແທນກໍຄືພະນັກງານສະມາຊິກພັກຂອງພວກເຮົາທີ່ຈະຕ້ອງໄດ້ເອົາໃຈໃສ່ຄົ້ນຄວ້າຮ່ຳຮຽນໃຫ້ມີຄວາມຮັບຮູ້ເຂົ້າ ໃຈຢ່າງເລິກເຊິ່ງ ເພື່ອນຳເອົາບົດຮຽນທາງດ້ານທິດສະດີໄປ ໝູນໃຊ້ເຂົ້າໃນວຽກງານຕົວ ຈິງ ເພື່ອເຮັດໃຫ້ວຽກງານທີ່ຕົນຮັບຜິດຊອບປະສົບຜົນສໍາເລັດດ້ວຍຄຸນນະພາບສູງ ແນໃສ່ສ້າງພະນັກງານທີ່ມີຄຸນ ນະພາບດ້ານການນຳພາ, ດ້ານ ຄວາມຮູ້ຄວາມສາມາດ, ປະ ສົບການດ້ານວິຊາສະເພາະໃຫ້ແທດເໝາະກັບວຽກງານ ICT ໃນໄລຍະໃໝ່, ໃນນີ້ແນໃສ່ຍົກ ສູງຄວາມສາມາດນຳພາ ແລະ ລັກສະນະນຳໜ້າຂອງພັກ ເພີ່ມທະວີຄວາມສາມັກຄີທົ່ວປວງຊົນທັງຊາດ, ຢຶດໝັ້ນແນວ ທາງປ່ຽນແປງໃໝ່ ຮອບດ້ານ ແລະ ມີຫຼັກການຂອງພັກ, ປົກປັກຮັກສາ ແລະ ພັດທະນາປະເທດຊາດຕາມທິດຍືນຍົງສູ່ຈຸດໝາຍສັງຄົມນິຍົມຢ່າງ ໜັກແໜ້ນ. ພ້ອມນັ້ນ, ສະຫາຍ ຍັງໄດ້ເນັ້ນໜັກໃຫ້ສໍາມະນາ ກອນທຸກສະຫາຍເພີ່ມທະວີຄວາມຮັບຜິດຊອບ ແລະເອົາ ໃຈໃສ່ຄົ້ນຄວ້າເນື້ອໃນ ເອກະ ສານການຜ່ານການຝຶກອົບ ຮົມຄັ້ງນີ້ໃຫ້ມີຄວາມຮັບຮູ້ເຂົ້າ ໃຈຢ່າງເລິກເຊິ່ງ, ເພື່ອນຳ ໄປ ຈັດຕັ້ງຜັນຂະຫຍາຍເຂົ້າໃນໜ້າທີ່ການເມືອງ ແລະ ຄວາມຮັບຜິດຊອບຂອງຕົນ.
(ຂ່າວ: ກົມຈັດຕັ້ງ-ພະນັກ ງານ, ປທສ)