ກອງປະຊຸມໃຫຍ່ຜູ້ແທນຄະນະຊາວໜຸ່ມ ກະຊວງ ປທສ ຄັ້ງທີ II


...

17.10.2019 10:05     

   ກອງປະຊຸມໃຫຍ່ຜູ້ແທນຄະນະຊາວໜຸ່ມ ປະຊາຊົນ ປະ ຕິວັດລາວ ກະຊວງໄປສະນີ, ໂທ ລະຄົມມະນາຄົມ ແລະ ການສື່ສານ (ປທສ) ຄັ້ງທີ II ໄດ້ເປີດຂຶ້ນເມື່ອບໍ່ດົນມານີ້ ທີ່ຫ້ອງປະ ຊຸມໃຫຍ່ ສຳນັກງານໃຫຍ່ບໍລິ ສັດລັດວິສາຫະກິດລາວໂທລະຄົມມະນາຄົມ ມະຫາຊົນ ໂດຍການເປັນປະທານຮ່ວມຂອງ ສະຫາຍ ທັນສະໄໝ ກົມມະສິດ ກໍາມະການສູນກາງພັກ ເລຂາຄະນະພັກກະຊວງ ລັດຖະມົນ ຕີກະຊວງ ປທສ ແລະ ສະຫາຍ ອາລຸນໄຊ ສູນນະລາດ ກຳມະ ການສຳຮອງສູນກາງພັກ ເລຂາຄະນະພັກ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ສະມາຊິກສະພາ ແຫ່ງຊາດ ຊຸດທີ VIII ພ້ອມດ້ວຍ ແຂກທີ່ຖືກເຊີນຈາກໜ່ວຍຊາວ ໜຸ່ມຮາກຖານອ້ອມຂ້າງກະ ຊວງ, ອົງການຈັດຕັ້ງແມ່ຍິງ, ກຳ ມະບານ ແລະ ສະມາຊິກຊາວໜຸ່ມບັນດາຮາກຖານເຂົ້າຮ່ວມທັງໝົດ 320 ສະຫາຍ. ກອງປະຊຸມໄດ້ຮັບຮອງເອົາບົດລາຍງານການເມືອງ ແລະ ທິດທາງແຜນການແຕ່ນີ້ ຮອດປີ 2024 ແລະ ບົດສຳຫຼວດການນຳພາຂອງຄະນະບໍລິຫານງານຊາວໜຸ່ມ ປປລ ໃນໄລຍະທີ່ຜ່ານມາ ສະເໜີໂດຍສະຫາຍ ແກ້ວວິສຸກ ໂສລະພົມ ເລຂາຄະນະບໍລິຫານງານຊາວໜຸ່ມ ປປລ ກະຊວງ ປທສ ຊຶ່ງໄດ້ຕີ ລາຄາສູງເຖິງຜົນງານຂອງການ ຈັດຕັ້ງປະຕິບັດວຽກງານຊາວ ໜຸ່ມ ໃນໄລຍະຜ່ານມາ ພ້ອມກັນນັ້ນ, ສະຫາຍໄດ້ຍົກໃຫ້ເຫັນ ດ້ານດີ, ດ້ານອ່ອນ, ຂໍ້ຄົງຄ້າງທີ່ຕ້ອງໄດ້ສືບຕໍ່ປັບປຸງແກ້ໄຂໃນ ຕໍ່ໜ້າ, ຊອກໃຫ້ເຫັນສາເຫດ ຕ່າງໆ ແລະ ສະຫຼຸບສັງລວມ ຖອດເປັນບົດຮຽນໃຫ້ແກ່ການນຳພາຂອງຄະນະບໍລິຫານງານຊາວໜຸ່ມ ປປລ. ໃນຕອນທ້າຍ ສະຫາຍ ທັນສະໄໝ ກົມມະສິດ ໄດ້ໃຫ້ກຽດໂອ້ລົມຕໍ່ກອງປະຊຸມ ຊຶ່ງກ່ອນອື່ນໝົດ ທ່ານໄດ້ຊົມເຊີຍຕໍ່ຜົນສຳເລັດທີ່ທາງຄະນະບໍ ລິຫານງານຊາວໜຸ່ມ ປປລ ກະ ຊວງ ປທສ ຍາດມາໄດ້ ໃນໄລ ຍະທີ່ຜ່ານມາ ຊຶ່ງເປັນຜົນງານອັນໃຫຍ່ຫຼວງ ແລະ ເປັນພື້ນ ຖານອັນສຳຄັນໃຫ້ແກ່ການສືບ ຕໍ່ກ້າວຂຶ້ນສູ່ຄວາມສີວິໄລ ແລະ ຫັນເປັນທັນສະໄໝ ໃນຂົງເຂດວຽກງານຂອງກະຊວງ ປທສ. ພ້ອມນີ້, ສະຫາຍໄດ້ເນັ້ນໜັກ ຕື່ມກ່ຽວກັບການຈັດຕັ້ງປະຕິບັດ ຂໍ້ແຂ່ງຂັນ 4 ບຸກ ທີ່ທາງກອງປະຊຸມໃຫຍ່ຜູ້ແທນຊາວລາວທົ່ວທັງປະເທດ ຄັ້ງທີ 7 ກຳນົດໄວ້, ເອົາໃຈໃສ່ຕັ້ງໜ້າຜັນຂະ ຫຍາຍເນື້ອໃນດັ່ງກ່າວໃຫ້ຕິດພັນກັບໜ້າທີ່ວິຊາສະເພາະຂອງ ຕົນ ແລະ ຕ້ອງເຮັດໃຫ້ເປັນລະ ບົບຢ່າງຕໍ່ເນື່ອງ ເພື່ອເຮັດໃຫ້ ການຈັດຕັ້ງປະຕິບັດໄດ້ຮັບໝາກຜົນ ແລະ ປະກົດຜົນເປັນຈິງຫຼາຍທີ່ສຸດໃຫ້ສົມຄູ່ກັບຄຳ ຂວັນທີ່ວ່າ: ''ຊາວໜຸ່ມລາວ ແມ່ນແຂນຂວາຂອງພັກ''. ນໍາ ເອົາຂະບວນການ 4 ບຸກ ເປັນ ການສົ່ງເສີມສະຕິປັນຍາ, ຫົວ ຄິດປະດິດສ້າງເປັນເວທີແຫ່ງການສະແດງຄວາມຮູ້-ຄວາມສາມາດຂອງຄະນະຊາວໜຸ່ມ, ສະມາຊິກຊາວໜຸ່ມ ແລະ ເປັນ ບ່ອນເຕົ້າໂຮມຄວາມສາມັກຄີ, ແຂ່ງຂັນກັນສ້າງຜົນງານ, ປະສານສົມທົບທີ່ດີລະຫວ່າງສະມາຊິກຊາວໝຸ່ມກັບອົງການຈັດ ຕັ້ງຕ່າງໆໃຫ້ມີຄວາມຄ່ອງຕົວຍິ່ງຂຶ້ນ ຄຽງຄູ່ກັບການເອົາໃຈ ໃສ່ຄົ້ນຄວ້າວຽກງານວິຊາສະ ເພາະຂອງຕົນ ເປັນຕົ້ນການປະ ຕິບັດໜ້າທີ່ເປັນເສນາທິການ ໃຫ້ຄະນະພັກ, ຄະນະນໍາຂອງກະຊວງ ປທສ ຕາມພາລະບົດ ບາດ ໜ້າທີ່ຂອງຕົນທີ່ໄດ້ຮັບການມອບໝາຍຢ່າງຕັ້ງໜ້າ. (ຂ່າວ: ຄະນະບໍລິຫານງານຊາວໜຸ່ມກະຊວງ ປທສ)