ສັງເກດຕີລາຄາການຈັດຕັ້ງປະຕິບັດພາລະບົດບາດ ສິດ ໜ້າທີ່ຂອງ ກວທສ


...

17.10.2019 10:27     

   (ສພຊ) ໃນລະຫວ່າງວັນທີ 15-17 ຕຸລາ ກໍາມາທິການວັດທະນະທໍາ-ສັງຄົມ (ກວທສ) ສະພາແຫ່ງຊາດ (ສພຊ) ໄດ້ຈັດກອງປະຊຸມຄົບຄະນະປະຈໍາປີ 2019 ຂຶ້ນທີ່ສູນ ICTC ໂດຍການເປັນປະທານຂອງທ່ານ ສົມພູ ດວງສະຫວັນ ປະທານ ກວທສ, ມີບັນດາທ່ານຮອງປະທານ ກວທສ, ຮອງປະທານກໍາມາທິການ, ເລຂາທິການສະ ພາແຫ່ງຊາດ, ບັນດາຮອງລັດຖະມົນຕີຈາກກະຊວງທີ່ກ່ຽວ ຂ້ອງ, ສະມາຊິກສະພາແຫ່ງຊາດທີ່ເປັນຄະນະກໍາມະການຂອງກໍາມາທິການ, ພະນັກງານ-ລັດຖະກອນທີ່ຮັບຜິດຊອບວຽກງານວັດທະນະທໍາ-ສັງຄົມ ແລະ ບັນດາແຂກທີ່ຖືກເຊີນເຂົ້າຮ່ວມ.
ຈຸດປະສົງຂອງການປະ ຊຸມໃນຄັ້ງນີ້ ເພື່ອສະຫຼຸບຕີລາຄາ ແລະ ຖອດຖອນບົດຮຽນກ່ຽວ ກັບການຈັດຕັ້ງປະຕິບັດພາລະບົດບາດ, ສິດ ແລະ ໜ້າທີ່ຂອງ ກວທສ ປະຈໍາປີ 2019 ແລະ ກໍານົດທິດທາງແຜນການເຄື່ອນ ໄຫວ 2020; ສ້າງຄວາມເຂັ້ມ ແຂງໃຫ້ແກ່ສະມາຊິກສະພາແຫ່ງ ຊາດທີ່ເປັນ ກໍາມະການຂອງສະມາຄົມສະ ມາຊິກສະພາແຫ່ງຊາດ ເພື່ອສົ່ງເສີມວຽກງານປະຊາກອນ ແລະ ການພັດທະນາກ່ຽວກັບ ວຽກງານໂພຊະນາການ ແລະ ປຶກສາຫາລື ແລະ ສ້າງຄວາມ ເປັນເອກະພາບ ໃນການກະ ກຽມເນື້ອໃນບັນດາຄາດໝາຍຂອງຂະແໜງການທີ່ກ່ຽວຂ້ອງທັງສູນກາງ ແລະ ທ້ອງຖິ່ນທີ່ຈະນໍາເຂົ້າໃນກອງປະຊຸມຄະນະປະຈໍາສະພາແຫ່ງຊາດ, ກອງປະຊຸມຮ່ວມລະຫວ່າງສະພາແຫ່ງຊາດ ກັບລັດຖະບານ ແລະ ກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດຊຸດທີ VIII ທີ່ຈະເປີດຂຶ້ນໃນທ້າຍປີ 2019.
ກອງປະຊຸມໄດ້ຮັບຟັງ ການສະຫຼຸບຕີລາຄາການ ເຄື່ອນໄຫວວຽກງານປີ 2019 ແລະ ກໍານົດທິດທາງແຜນ ການເຄື່ອນໄຫວປີ 2020 ຂອງກໍາມາທິການວັດທະນະທໍາ-ສັງຄົມ; ລາຍງານການຕິດຕາມກວດກາຂອງກຳມາທິການວັດທະນະທໍາ-ສັງຄົມ, ງົບປະມານ, ການຈັດຕັ້ງປະຕິບັດບັນດາມະ ຕິຕ່າງໆຂອງສະພາແຫ່ງຊາດໃນປີ 2019; ຮັບຟັງການລາຍງານຂອງບັນດາຂະແໜງການທີ່ກ່ຽວຂ້ອງກ່ຽວກັບສະພາບການຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມ, ແຜນງົບປະມານແຫ່ງລັດກໍຄື ບັນດາຄາດໝາຍສູ້ຊົນຕາມມະຕິຂອງສະພາແຫ່ງຊາດ ປີ 2019 ແລະ ທິດທາງແຜນການໃນປີ 2020; ທາບທາມ 4 ຮ່າງກົດໝາຍທີ່ຈະນໍາເຂົ້າກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດ ຊຸດທີ VIII ຄື: ຮ່າງກົດໝາຍວ່າດ້ວຍຮູບເງົາ, ຮ່າງກົດໝາຍວ່າ ດ້ວຍກິລາ-ກາຍະກໍາ, ຮ່າງກົດໝາຍວ່າດ້ວຍການອະນາໄມ, ກັນພະຍາດ ແລະ ສົ່ງເສີມສຸ ຂະພາບ ແລະ ຮ່າງກົດໝາຍວ່າດ້ວຍບົດບາດ ຍິງ-ຊາຍ, ຮັບຟັງການສະເໜີຜົນການຕິດຕາມກວດກາ ການຈັດຕັ້ງປະຕິບັດກົດໝາຍທີ່ພົວພັນ ແລະ ຜູ້ແທນ ກອງປະຊຸມຍັງໄດ້ຮ່ວມກັນ ປະກອບຄໍາຄິດຄໍາເຫັນໃສ່ບົດລາຍງານດັ່ງກ່າວ. ທ່ານ ສົມພູ ດວງສະຫວັນ ໄດ້ກ່າວໃນກອງປະຊຸມຄັ້ງນີ້ວ່າ: ໃນໄລຍະໜຶ່ງປີ ຜ່ານມາ ກວທສ ໄດ້ປະຕິບັດພາລະບົດບາດ, ສິດ ແລະ ໜ້າ ທີ່ຂອງຕົນຢ່າງຈິງຈັງ ແລະ ໄດ້ ຮ່ວມກັບບັນດາກໍາມາທິການ, ຂະແໜງການ, ອົງການກ່ຽວຂ້ອງ ໃນການເປັນ ເສນາທິການໃຫ້ຄະນະປະຈໍາ ແລະ ສະພາແຫ່ງຊາດໃນ ການ ຈັດຕັ້ງປະຕິບັດສາມພາລະບົດ ບາດຂອງຕົນຄື: ດ້ານນິຕິບັນຍັດ ດ້ານການຕົົກລົງບັນຫາສໍາຄັນພື້ນຖານຂອງຊາດ ແລະ ດ້ານການຕິດຕາມກວດກາ ໃນນີ້ກໍາມາທິການວັດທະນະທໍາ-ສັງຄົມໄດ້ຮັບການມອບໝາຍໃນຂອບເຂດການຈັດຕັ້ງປະຕິບັດລັດຖະທໍາມະນູນ, ກົດໝາຍ, ນິຕິກໍາໃຕ້ກົດໝາຍ, ແຜນພັດທະນາເສດຖະກິດ-ສັງຄົມ, ແຜນງົບ ປະມານໃນຂົງເຂດວັດທະນະ ທໍາ-ສັງຄົມທີ່ຕິດພັນກັບຂະ ແໜງການທີ່ກ່ຽວຂ້ອງ ໂດຍສະ ເພາະວຽກງານແຮງງານ ແລະ ສະຫວັດດີການສັງຄົມ, ສາທາ ລະນະສຸກ, ສຶກສາທິການ ແລະ ກິລາ, ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.
(ຂ່າວ: ສອນສັກ ວັນວິໄຊ)