ກະຊວງຍຸຕິທຳ ເຊື່ອມຊຶມມະຕິກົມການເມືອງ ສູນກາງພັກ


...

18.10.2019 10:28     

   ຄະນະພັກກະຊວງຍຸຕິທຳໄດ້ຈັດກອງປະຊຸມເຊື່ອມຊຶມມະຕິກົມການເມືອງສູນກາງພັກ ວ່າດ້ວຍການຄົ້ນຄວ້າແນວຄິດໄກສອນ ພົມວິຫານ ແລະ ມະຕິວ່າດ້ວຍການປັບປຸງການແບ່ງຂັ້ນຄຸ້ມຄອງ ເພື່ອສ້າງຄວາມເຂັ້ມແຂງຂອງລະບົບບໍລິຫານລັດໃນໄລຍະໃໝ່ຂຶ້ນ ໃນວັນທີ 17 ຕຸລານີ້ ທີ່ກະຊວງດັ່ງກ່າວ ເຜີຍແຜ່ໂດຍທ່ານ ເສີມສຸກ ສິມພະວົງ ຮອງລັດຖະມົນຕີກະຊວງຍຸຕິທຳ, ມີບັນດາຄະນະບໍລິຫານງານພັກກະຊວງ, ສະມາຊິກພັກ, ພະນັກງານ-ລັດຖະກອນເຂົ້າຮ່ວມ.
    ກອງປະຊຸມຄັ້ງນີ້ ເພື່ອສ້າງຄວາມຮັບຮູ້ເຂົ້າໃຈ ແລະກຳແໜ້ນຄວາມຈຳເປັນ, ທັດ ສະນະຊີ້ນຳ, ວຽກງານຈຸດສຸມ ແລະ ວິທີການດຳເນີນການຄົ້ນຄວ້າແນວຄິດ ໄກສອນ ພົມວິຫານ, ບົນພື້ນຖານຍົກສູງຄວາມເປັນເຈົ້າການ, ຄວາມຮັບຜິດຊອບຂອງຄະນະພັກແຕ່ລະຂັ້ນ, ສະມາຊິກພັກພະ ນັກງານໃນການເກັບກຳ, ສັງລວມຂໍ້ມູນທີ່ເປັນແນວຄິດ ໄກ ສອນ ພົມວິຫານ ເພື່ອເປັນການສຶກສາອົບຮົມສະມາຊິກພັກ,ພະນັກງານ ໃຫ້ເດີນຕາມແນວຄິດດັ່ງກ່າວ ພ້ອມກັນນັ້ນກໍເພື່ອໃຫ້ຄະນະພັກແຕ່ລະຂັ້ນສະມາຊິກພັກ, ພະນັກງານເຫັນໄດ້ສະພາບການແບ່ງຂັ້ນຄຸ້ມຄອງໃນໄລຍະຜ່ານມາ, ກຳແໜ້ນທັດສະນະຊີ້ນຳ, ທິດທາງໃນການປັບປຸງແບ່ງຂັ້ນຄຸ້ມຄອງເພື່ອສ້າງຄວາມເຂັ້ມແຂງຂອງລະບົບບໍລິຫານລັດໃນໄລຍະໃໝ່, ທັງຍົກສູງຄວາມເປັນເຈົ້າການຂອງຄະນະພັກແຕ່ລະຂັ້ນໃນການຊີ້ນໍາໆພາການປັບປຸງນິຕິກຳຂອງຂະແໜງການຕົນຕາມທິດຂັ້ນສູນກາງປະຕິບັດພາລະບົດບາດຄຸ້ມຄອງມະຫາພາກ, ຫັນກຳລັງ ແລະ ງົບປະມານ ເພື່ອສ້າງຄວາມເຂັ້ມແຂງໃຫ້ຂັ້ນທ້ອງຖິ່ນຫຼາຍຂຶ້ນ.
(ຂ່າວ-ພາບ: ພູວັນ)