ທາ​ບ​ທາມ​ຜູ້​ສະ­ໝັກ ເລືອກ​ຕັ້ງ​ເປັນ​ຄະ­ນະ​ພັກ ເມືອງ​ເງິນ ຮອບ​ທີ ຮຮ

21.10.2019 10:18     

  ກອງ​ປະຊຸມ​ທາ​ບ​ທາມ​ບຸກ​ຄະລາ​ກອນ​ຜູ້​ສະໝັກເລືອກ​ຕັ້ງ​ເປັນ​ຄະນະ​ພັກ​ເມືອງ ຮອບ​ທີ II ເພື່ອ​ກະກຽມ​ໃຫ້​ແກ່​ການ​ດໍາ​ເນີນກອງ​ປະຊຸມ​ໃຫຍ່ ຄັ້ງ​ທີ V ຂອງ​ອົງຄະ​ນະ​ພັກເມືອງ​ເງິນໄດ້​ຈັດ​ຂຶ້ນ​ໃນ​ວັນ​ທີ 17 ຕຸລາ ຜ່ານ​ມາ ຢູ່​​ສະໂມສອນໃຫຍ່ເມືອງ​ເງິນ ແຂວງໄຊ​ຍະ​ບູ​ລີ ເຂົ້າ​ຮ່ວມ​ເປັນ​ກຽດມີ ສະ​ຫາຍ ດວງ​ຕາ ໄຊ​ວຸດ ຄະນະ​ປະຈຳ​ພັກ​ແຂວງ ຫົວໜ້າ​ຄະນະ​ຈັດ​ຕັ້ງ ແຂວງໄຊ​ຍະ​ບູ​ລີ, ມີ​ຄະນະປະ ຈຳ​ພັກ​ເມືອງ, ກຳມະການ​ພັກ​ເມືອງ, ຄະນະພັກຮາກຖານ, ເລ​ຂາ​-​ຮອງ​ເລຂາ​ໜ່ວຍພັກ, ຫົວ​ໜ້າ​-​ຮອງ​ຫົວໜ້າ​ຫ້ອງການ, ອົງການ, ກົມ​ກອງ, ໂຮງຮຽນ, ໂຮງໝໍ, ດ່ານ​ສາກົນ​ນ້ຳ​ເງິນ, ເລ​ ຂາ​-​ຮອງ​ເລຂາ​ໜ່ວຍ​ພັກ​ນາຍ ບ້ານເຂົ້າ​ຮ່ວມ.

  ສະ​ຫາຍ ດວງ​ຕາ ໄຊ​ວຸດ ໄດ້​ຂຶ້ນ​ຜ່ານ​ມາດຖານ​ເງື່ອນ ໄຂຂອງ​ຄະນະ​ບໍລິຫານ​ງານ​ພັກ​ເມືອງ​ຊຸດ​ທີ V ພ້ອມ​ທັງ​ທາ​ບ​ທາມ​ບຸກ​ຄະ​ລາ​ກອນ​ຜູ້​ສະໝັກ ເລືອກ​ຕັ້ງ​ເປັນ​ຄະນະ​ພັກ​ເມືອງ ຮອບ​ທີ II ຈາກ​ນັ້ນກໍໄດ້​ຮັບ​ຟັງຮ່າງ​ລາຍ​ງານ​ການເມືອງ ການ​ຕີ​ລາຄາ​ການ​ຊີ້​ນຳ​-​ນຳພາ ການຈັດຕັ້ງ​ປະຕິບັດມະຕິ​ກອງ​ປະຊຸມ​ໃຫຍ່ ຄັ້ງ​ທີ IV, ຮ່າງ​ບົດ​ ສະຫຼຸບ​ການຈັດຕັ້ງ​ປະຕິບັດ ແຜນ​ພັດທະນາ​ເສດຖະກິດ-​ສັງຄົມ, ຮ່າງບົດ​ສຳຫຼວດການ​ ນຳພາ​ລວມຂອງ​ຄະນະ​ບໍລິ ຫານ​ງານ​ພັກ​ເມືອງ ​ຄັ້ງ​ທີ IV ໃນ​ໄລຍະ 5 ປີ​ຜ່ານ​ມາ. ຈາກ​ນັ້ນ ກໍໄດ້​ແບ່ງ​ກຸ່ມ​ຄົ້ນຄວ້າ ແລະ ປະກອບ​ຄຳ​ຄິດ​ເຫັນໃສ່​ຮ່າງ​ລາຍ​ງານ​ການເມືອງ, ແຜນພັດ ທະນາ​ເສດຖະກິດ​-ສັງຄົມ, ບົດ​ສຳຫຼວດ​ການ​ນຳພາ​ລວມ ໂດຍ​ຍົກ​ໃຫ້​ເຫັນ​ດ້ານ​ອ່ອນ, ຂໍ້ຄົງຄ້າງ ແລະ ບົດຮຽນໃນ​ການ​ຈັດ​ຕັັັັ້ງ​ປະຕິບັດມະຕິ​ກອງ​ປະຊຸມ​ໃຫຍ່ ຄັ້ງ​ທີ IV.

  ຕອນ​ທ້າຍ​ຄະນະ​ປະທານ ໄດ້​ສະຫຼຸບ​ການ​ປະກອບ​ຄຳ​ຄິດ​ເຫັນ​ຂອງ​ແຕ່​ລະ​ຂົງເຂດ​ວຽກ​ງານ ແລະ ຮຽກຮ້ອງ​ໃຫ້​ແຕ່​ລະອະ​ນຸ​ກຳມະການ ໂດຍ​ສະເພາະ​ອະ​ນຸ​ກຳມະການ​ເນື້ອ​ໃນ ເອົາໃຈໃສ່​ປັບປຸງ ບັນດາ​ຄຳ​ສັບ, ຄຳ​ເວົ້າໃຫ້​ແທດເໝາະ ກັບ​ຄວາມ​ເປັນ​ຈິງ ໂດຍ​ສະເພາະ ແມ່​ນໂຕ​ເລກໃຫ້​ລະອຽດ​ຊັດ​ເຈນ.
(ຂ່າວ-ພາບ: ສຸລິຍາ ແສງ​ເດືອນ)