ສຳ­ເລັດ​ກອງ​ປະ­ຊຸມ​ໃຫຍ່​ຜູ້​ແທນ​ອົງ­ຄະ​ນະ​ພັກ ເມືອງ​ຫຼວງ​ນ້ຳ​ທາ ຄັ້ງ​ທີ x

22.10.2019 9:10     

  ກອງ​ປະຊຸມ​ໃຫຍ່​ຜູ້​ແທນ​ອົງຄະ​ນະ​ພັກ ​ເມືອງຫຼວງ​ນໍ້າ​ທາ ຄັ້ງ​ທີ X ໄດ້​ດຳເນີນ​ເປັນເວ ລາ 2 ວັນ ໃນ​ລະຫວ່າງ​ວັນທີ 17-18 ຕຸລາຜ່ານມາ ທີ່​ສະໂມ ສອນ​ແຂວງ, ມີ​ຜູ້​ແທນ​ເຂົ້າຮ່ວມ​ ທັງ​ໝົດ 176 ສະຫາຍ ຍິງ 18 ສະຫາຍ, ຜູ້​ແທນ​ສົມບູນ 137 ສະຫາຍ ຍິງ 13 ສະຫາຍ ໂດຍ​ການ​ເປັນ​ປະທານ​ຂອງ​ສະຫາຍ ຫຼ້າ​ປະເສີດ ສີ​ປະເສີດ ກໍາ​ມະ​ການ​ພັກ​ແຂວງ ເຈົ້າເມືອງຫຼວງ ​ນໍ້າ​ທາ ໃຫ້ກຽດເຂົ້າ​ຮ່ວມ​ຂອງ​ສະຫາຍ ບຸນ​ຍີ່ ແກ້ວ​ຄຸນ​ເມືອງ ຮອງ​ເລຂາ​ພັກ​ແຂວງ ຮອງ​ເຈົ້າ ແຂວງ​ຫຼວງ​ນໍ້າ​ທາ, ມີຄະນະປະ ​ຈໍາ​ພັກ​ແຂວງ, ກໍາມະ​ການພັກ ​ແຂວງ, ຄະນະປະຈໍາ​ພັກເມືອງ, ກໍາ​ມະ​ການພັກເມືອງ, ພະນັກ ງານ​ອາ​ວຸ​ໂສ​-ບໍາ​ນານ, ສອງ​ກໍາ​ລັງ​ປ້ອງ​ກັນ​ຊາດ​-​ປ້ອງກັນ ​ຄວາມ​ສະຫງົບ​ຕະຫຼອດຮອດ ​ແຂກ​ຖືກ​ເຊີນ​ເຂົ້າ​ຮ່ວມ.

  ກອງ​ປະຊຸມ​ໃຫຍ່​ຜູ້​ແທນ​ອົງຄະ​ນະ​ພັກ​ ເມືອງ​ຫຼວງ​ນ້ຳ​ທາ ​ຄັ້ງ​ທີ X ໄດ້​ເປັນ​ເອກະສັນ​ຮັບຮອງ​ເອົາ​ບົດ​ລາຍ​ງານ​ການ ເມືອງ​ຂອງ​ຄະນະ​ບໍລິຫານ​ງານ​ພັກ​ເມືອງ​ສະໄໝ​ທີ 9 ທີ່​ສະເໜີ​ຕໍ່​ກອງ​ປະຊຸມ​ໃຫຍ່​ ຄັ້ງທີ X ແລະ ຜົນງານ​ທີ່​ພົ້ນ​ເດັ່ນ​ທີ່​ຍາດ​ມາ​ໄດ້​ ໃນ​ຂົງເຂດ​ວຽກ​ງານປ້ອງ​ ກັນ​ຊາດ​-​ປ້ອງ​ກັນ​ຄວາມ​ສະ ຫງົບ, ຂົງເຂດ​ເສດຖະກິດ, ວັດ ທະນະທຳ​-ສັງຄົມ, ຂົງເຂດ​ສະພາ, ຕຸລາການ ແລະ ຍຸຕິ​ທຳ, ແນວ ​ລາວ​ສ້າງ​ຊາດ, ອົງການຈັດ​ຕັ້ງ​ມະຫາຊົນ ແລະ ສະຫະພັນ​ນັກ ຮົບ​ເກົ່າ, ວຽກ​ງານກໍ່ສ້າງພັກ​-​ພະນັກງານ ແລະ ການປັບປຸງກົງ ຈັກ​ ໃນ​ລະບົບ​ການເມືອງ, ວຽກງານ ພົວພັນ​ຮ່ວມມື​ກັບ​ຕ່າງປະເທດ, ບັນດາ​ຜົນງານ​ທີ່​ ຍາດ​ມາ​ໄດ້​ໃນ 5 ປີຜ່ານມາ, ໄດ້ສ້າງ​ພື້ນຖານສຳ ຄັນ​ເຮັດ​ໃຫ້ເມືອງຫຼວງ​ນ້ຳທາ​ ມີ​ຄວາມໜັກແໜ້ນ​ທາງ​ດ້ານ ​ການເມືອງ, ເສດຖະກິດ​ໄດ້ຮັບ ການ​ພັດທະນາ, ສັງຄົມ​ມີ​ຄວາມ ​ສະຫງົບ ແລະ ເປັນ​ລະບຽບ​ຮຽບຮ້ອຍໂດຍ​ສະເພາະ​ແມ່ນ​ແນໃສ່​ປັບ ປຸງ​ລະບົບ​ການເມືອງ​ແຕ່​ລະ​ຂັ້ນ​ໃຫ້​ໜັກ​ແໜ້ນ​ເຂັ້ມແຂງ, ກໍ່ສ້າງ ແລະ ຂະຫຍາຍ​ພັກ, ສູ້​ຊົນ​ສ້າງ​ໜ່ວຍ​ພັກ​ປອດ​ໃສ​ເຂັ້ມແຂງ​ໜັກ​ແໜ້ນ​ໃຫ້​ໄດ້ 95% ຂຶ້ນ​ໄປ, ຄຸ້ມ​ຄອງ​ການ​ບໍລິ​ຫານ​ລັດ​-​ສັງຄົມ​ໃຫ້​ມີ​ປະ ສິດທິພາບ ແລະ ມີ​ຄວາມສັກ ສິດ​ຕາມ​ທິດ​ການ​ຄຸ້ມ​ຄອງລັດ​ ແຫ່ງ​ກົດໝາຍ, ບຳລຸງ​ສ້າງ​ຊັບພະຍາກອນ​ມະນຸດ​ໃຫ້​ມີ​ຄວາມ​ຮູ້​ຄວາມ​ສາມາດ, ມີຄຸນ ສົມບັດ​ສິນ​ທຳ​ປະຕິວັດ, ສ້າງ ​ແຜນ​ກຳນົດ​ພະນັກງານນຳພາ​ -​ຄຸ້ມ​ຄອງ ແລະ ສືບ​ທອດ​ປ່ຽນ​ ແທນ​ໃຫ້​ເປັນ​ລະບົບ​ຕໍ່​ເນື່ອງ, ກອງ​ປະຊຸມ​ໄດ້​ຮັບ​ເອົາ​ຂໍ້​ສະ​ຫຼຸບ 4 ປະການ ທີ່​ເປັນ​ບົດຮຽນ​ຖອດ​ຖອນ​ໄດ້​ຈາກ​ພຶດຕິ​ກຳ​ແຫ່ງ​ການ​ຊີ້ນຳ-​ນຳພາ ແລະ ປະ ຕິບັດ​ມະຕິ​ກອງ​ປະຊຸມ​ໃຫຍ່​ ຄັ້ງ​ທີ 9 ຂອງ​ອົງຄະນະພັກ​ ເມືອງ​ຫຼວງ​ນ້ຳ​ທາ​ ເພື່ອ​ກຳນົດ​ທິດ​ທາງ, ໜ້າທີ່ ແລະ ຄາດໝາຍ​ສູ້​ຊົນ​ການ​ຊີ້​ນຳໆ​ພາ ແລະ ຈັດ​ຕັ້ງ​ປະຕິບັດ​ໃນ 5 ປີ​ຕໍ່ໜ້າ, ສູ້​ຊົນ​ເຮັດ​ໃຫ້​ເສດຖະກິດ​ຂະຫຍາຍຕົວ​ຢ່າງ​ຕໍ່​ເນື່ອງ ແລະ ຖືກ​ທິດສະ ເລ່ຍ ​ໃນ​ລະດັບ 8,17% ຕໍ່​ປີ ຮອດ​ປີ 2024 ລວມ​ຍອດ​ຜະ ລິດ​ຕະ​ພັນ​ພາຍ​ໃນ​ບັນລຸ​ໄດ້ 1,503 ຕື້​ກີບ ສະເລ່ຍ​ລາຍ​ຮັບ​ຕໍ່​ຫົວ​ຄົນ 23 ລ້ານ​ກວ່າ​ກີບ​ຕໍ່​ຄົນ, ຍົກ​ສູງ​ຄຸນ​ນະ​ພາບ​ການ​ສຶກສາ, ສາທາລະນະ​ສຸກ, ເຮັດ​ໃຫ້​ເດັກ​ເກນ​ອາຍຸ​ໄດ້​ເຂົ້າ​ໂຮງຮຽນ 100%. ໄດ້​ຮັບຮອງ​ເອົາ​ບົດສຳ ຫຼວດ​ການ​ນຳພາ​ລວມ​ຂອງ ຄະນະ​ບໍລິຫານ​ງານ​ພັກ​ເມືອງ​ສະໄໝ​ທີ 9, ໄດ້ຮັບ​ຟັງ​ການ​ລາຍ​ງານ ແລະ ປະກອບ​ຄຳ​ຄິດ​ຄຳ​ເຫັນ​ຈາກ​ຕາງໜ້າອົງການ​ຈັດ​ຕັ້ງ​ພັກ​-​ລັດ ໃນຂົງເຂດ​ຕ່າງໆ, ຄອບຄົວ​ຕົວ​ແບບ, ບ້ານ​ຕົວ​ແບບ, ໜ່ວຍ​ພັກ​ແບບຢ່າງ ແລະ ການ​ປະກອບ​ຄຳ​ເຫັນ​ຂອງ​ບັນດາ​ເມືອງ​ອັນ​ເປັນ​ການ​ເສີມ​ສ້າງ​ໃຫ້​ກອງ​ປະຊຸມ​ມີ​ສີສັນ ແລະ ມີ​ເນື້ອ​ໃນ​ອຸດົມ​ສົມ​ບູນ. ກອງ​ປະຊຸມ​ຍັງ​ໄດ້ປ່ອນ​ບັດ​ຄັດ​ເລືອກ​ເອົາ​ຄະນະ​ບໍລິຫານ​ງານ​ພັກ​ເມືອງ​ ຊຸດ​ທີ 10 ຊຶ່ງ​ມີ​ຜູ້​ສະ ໝັກ​ທັງ​ໝົດ 27 ສະຫາຍ ຍິງ 5 ສະຫາຍ ຄັດ​ເອົາ 23 ສະຫາຍ ຍິງ 5 ສະຫາຍ, ຄັດ​ເລືອກເອົາ ​ຄະນະປະຈຳ​ພັກເມືອງ 7 ສະ ຫາຍ, ຍິງ 1 ສະຫາຍ, ກອງ​ປະ ຊຸມ​ໄດ້​ເປັນ​ເອກະພາບ​ເລືອກເອົາ ສະຫາຍ ຫຼ້າ​ປະເສີດ ສີ​ປະເສີດ ກຳມະການ​ພັກ​ແຂວງ ເປັນເລ ຂາ​ຄະນະ​ບໍລິຫານ​ງານພັກ​ເມືອງ ​ເຈົ້າເມືອງຫຼວງນໍ້າທາ, ເລືອກ​ເອົາສະຫາຍ ບຸນຄົງ ພີ​ມ​ມະ​ສອນ ແລະ ສະຫາຍ ພັທ ຄຳ​ຫຼ້າ ແຫຼ່ງ​ໄຊ​ຍະ​ທຳ ເປັນ​ຮອງ​ເລຂາ​ຄະນະບໍລິຫານງານ​ພັກ​ເມືອງ ​ທັງເປັນ​ປະທານ​ກວດກາ​ພັກ ແລະ ສະຫາຍ ນາງ ຈັນ​ຫອມ ປ້ານ​ບຸນ​ທັນ ກຳມະການພັກ​ເມືອງ ແລະ ສະຫາຍ ຫຼ້າ​ມາ ນາ​ບຸນ​ແພງ ເປັນ​ຮອງປະທານ​ກວດກາ​ພັກ ພ້ອມທັງ​ປ່ອນບັດ​ຄັດ​ເລືອກ​ເອົາ​ຜູ້​ແທນ​ສົມບູນ ​ເພື່ອ​ເຂົ້າ​ຮ່ວມ​ກອງ​ປະຊຸມ​ໃຫຍ່​ອົງຄະ​ນະ​ພັກ ​ແຂວງ​ສະໄໝ​ທີ 8 ຈຳນວນ 24 ສະຫາຍ ຍິງ 4 ສະ​ຫາຍ. ໂອກາດ​ນີ້ກໍໄດ້​ຮັບ​ຟັງ​ການ​ໂອ້​ລົມ​ຂອງ​ສະຫາຍ ບຸນ​ຍີ່ ແກ້ວ​ຄຸນ​ເມືອງ ຊຶ່ງທ່ານ​ກໍໄດ້​ຍ້ອງຍໍ​ຕໍ່​ຜົນງານ​ທີ່​ຍາດມາ​ໄດ້​ໃນ​ໄລຍະ 5 ປີຜ່ານມາ ແລະ ໄດ້​ຮຽກຮ້ອງ​ມາ​ຍັງ​ຄະນະ​ພັກ, ສະມາຊິກ​ພັກ​ທຸກ​ສະຫາຍ ​ຈົ່ງ​ເຊີດ​ຊູ​ຄວາມ​ເປັນ​ແບບຢ່າງ​ນຳ ​ໜ້າທີ່​ດີ​ ໃນ​ທຸກ​ດ້ານ, ນຳພາປະ ຕິບັດ​ມະຕິກອງ​ປະຊຸມ​ໃຫຍ່​ ຄັ້ງ​ນີ້​ ໃຫ້​ປະກົດ​ຜົນ​ເປັນຈິງ, ຈົ່ງ​ຮັກສາ​ມູນເຊື້ອ​ຄວາມ​ສາມັກ ຄີ​ໃຫ້​ເປັນ​ປຶກ​ແຜ່ນ​ແໜ້ນ​ໜ້າ, ເຊີດ​ຊູ​ນ້ຳໃຈ​ຮັກ​ຊາດ, ຮັກລະ ບອບ​ປະຊາທິປະໄຕ ​ປະຊາຊົນ, ຕັດສິນ​ໃຈ​ຜ່ານ​​ຜ່າຄວາມຫຍຸ້ງ ຍາກ ແລະ ການ​ນຳ​ໃຊ້​ທຸກ​ທ່າ ແຮງ​ບົ່ມ​ຊ້ອນ​ຢ່າງ​ມີ​ປະສິດ​ທິ​ຜົນ.
(ຂ່າວ: ກິ່ນ​ນາ​ລົມ)