ກອງປະຊຸມໃຫຍ່ ຄັ້ງທີ II ຂອງສະຫະພັນແມ່ຍິງກະຊວງ ປທສ

31.10.2019 10:36     

  ກອງປະ-ຊຸມໃຫຍ່ຜູ້ແທນ ສະ-ຫະ-ພັນແມ່-ຍິງ ກະ-ຊວງໄປ -ສະ-ນີ ໂທ-ລະຄົມ-ມະ-ນາ-ຄົມ ແລະ ການສື່-ສານ ຄັ້ງທີ II (ປທສ) ໄດ້ເປີດຂຶ້ນເມື່ອບໍ່ດົນມານີ້ ທີ່ຫ້ອງປະ-ຊຸມໃຫຍ່ ສໍານັກງານບໍ-ລິ -ສັດ ລາວໂທ-ລະຄົມ-ມະ-ນາ-ຄົມ ມະ-ຫາຊົນ, ເປັນກຽດເຂົ້າຮ່ວມເປັນປະ-ທານຂອງ ທ່ານ ນາງ ອິນລາວັນ ແກ້ວບຸນພັນ ກໍາມະການສູນກາງພັກ ປະ-ທານສູນກາງສະ-ຫະ-ພັນແມ່-ຍິງລາວ, ທ່ານ ບຸນສະ-ເຫຼີມໄຊ ເຄນນາວົງ ຮອງເລ-ຂາຄະ-ນະພັກກະ -ຊວງ ຮອງລັດ-ຖະ-ມົນ-ຕີກະ-ຊວງ ປທສ, ມີບັນ-ດາຄະ-ນະພັກຮາກຖານ, ຄະ-ນະໜ່ວຍພັກ, ຕາງ -ໜ້າອົງການຈັດຕັ້ງມະ-ຫາ-ຊົນ ອ້ອມຂ້າງກະ-ຊວງ ຕະ-ຫຼອດຮອດແຂກ ແລະ ຜູ້ແທນສົມ-ບູນເຂົ້າຮ່ວມ.
ທ່ານ ນາງ ເກ-ສອນ ສຸລິວົງ ປະ-ທານສະ-ຫະ-ພັນແມ່-ຍິງກະຊວງ ປທສ ໄດ້ຂຶ້ນຜ່ານບົດລາຍງານການ-ເມືອງ ຊຶ່ງໄດ້ສະ-ຫຼຸບຕີລາ-ຄາຜົນການ-ຈັດ-ຕັ້ງປະ-ຕິ-ບັດວຽກງານໃນໄລ-ຍະ 5 ປີ (2014-2019) ແລະ ທິດທາງແຜນການທີ່ຈະຕ້ອງສຸມໃສ່ຈັດຕັ້ງປະຕິ-ບັດໃນ 5 ປີຕໍ່-ໜ້າ (2019-2024) ຊຶ່ງໃນໄລ-ຍະຜ່ານມາ ສາ-ມາດຍາດໄດ້ຜົນສໍາເລັດໃນຫຼາຍດ້ານເຊັ່ນ: ການ ປັບ-ປຸງ ແລະ ຂະ-ຫຍາຍການຈັດ -ຕັ້ງສະ-ຫະ-ພັນແມ່-ຍິງລາວ, ການກໍ່-ສ້າງພະ-ນັກ-ງານເພດຍິງ ຊຶ່ງໄດ້ເອົາ-ໃຈ-ໃສ່ປະ-ສານສົມ-ທົບກັບພາກ-ສ່ວນກ່ຽວ-ຂ້ອງເພື່ອກໍ່-ສ້າງ ບຳ-ລຸງສະ-ມາ-ຊິກສະ-ຫະ-ພັນແມ່-ຍິງ ໂດຍອີງຕາມແຜນ-ການກໍ່-ສ້າງ ພະ-ນັກ-ງານ 3 ປະ-ເພດ (ພະ -ນັກງານນໍາພາ, ພະ-ນັກ-ງານຄຸ້ມຄອງ ແລະ ພະ-ນັກ-ງານວິ-ຊາການ) ຂອງກະ-ຊວງ ປທສ ວາງອອກ, ວຽກງານປົກປ້ອງສິດ-ຜົນ-ປະ-ໂຫຍດຂອງແມ່ຍິງ-ເດັກ-ນ້ອຍ, ການສົ່ງ-ເສີມຄວາມກ້າວ-ໜ້າຂອງແມ່-ຍິງ, ແມ່ ແລະ ເດັກ ແລະ ການສົ່ງ-ເສີມຄວາມສະ-ເໝີ-ພາບຍິງ-ຊາຍ, ວຽກງານພັດ-ທະ-ນາຊີ-ວິດການເປັນຢູ່ແກ້ໄຂຄວາມ-ທຸກຍາກໃຫ້ແກ່ແມ່-ຍິງ ແລະ ຄອບ-ຄົວ ໂດຍປະ-ຕິ-ບັດຕາມນະ-ໂຍ-ບາຍຂອງພັກ ໃນການຍົກສູງນ້ຳ-ໃຈເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມ-ແຂງດ້ວຍຕົນເອງເທື່ອລະກ້າວ, ຄະ-ນະສະ-ຫະ -ພັນແມ່-ຍິງກະ-ຊວງ ປທສ ໄດ້ເອົາ-ໃຈ-ໃສ່ຢ່າງຕັ້ງ-ໜ້າໃນການສຶກ-ສາອົບ-ຮົມແນວຄິດໃຫ້ແກ່ເອື້ອຍນ້ອງແມ່-ຍິງ ໃຫ້ມີຄວາມປະຢັດມັດ-ທະ-ຍັດ ບໍ່ໃຊ້ຈ່າຍຟຸມ-ເຟືອຍ ໂດຍການແນະ-ນຳໃຫ້ສ້າງປື້ມຕິດ-ຕາມລາຍຮັບ-ລາຍຈ່າຍໃນຄົວເຮືອນ ສ້າງເງື່ອນ-ໄຂໃຫ້ໜ່ວຍສະ-ຫະ-ພັນແມ່-ຍິງແຕ່ລະຮາກຖານ ໄດ້ຊອກຊ່ອງທາງ ເພື່ອໃຫ້ມີລາຍຮັບເຂົ້າຄັງ ພ້ອມນີ້, ຄະ-ນະສະ-ຫະ-ພັນແມ່-ຍິງ ໄດ້ປຸກ-ລະ -ດົມ ຊຸກ-ຍູ້ພະ-ນັກ-ງານເພດຍິງໃຫ້ມີຄວາມພະ-ຍາ-ຍາມບຸກບືນສູ້ຊົນ ຍົກລະ-ດັບເພື່ອພັດ-ທະ -ນາຕົນເອງຢ່າງ-ຮອບ-ດ້ານ ຊຶ່ງເຮັດໃຫ້ພະ-ນັກ-ງານເພດຍິງໄດ້ ກາຍ-ເປັນພະ-ນັກງານນໍາພາ ວຽກງານຂອງພັກ, ວຽກງານຂອງລັດ ໃນແຕ່ລະຂັ້ນນັບມື້ນັບຫຼາຍຂຶ້ນ.
ກອງປະ-ຊຸມໄດ້ດໍາເນີນການລົງຄະ-ແນນສຽງເລືອກຕັ້ງເອົາຄະ-ນະບໍ-ລິ-ຫານງານສະ -ຫະ-ພັນແມ່-ຍິງ ກະ-ຊວງ ໄປ-ສະ-ນີ ໂທ-ລະຄົມ-ມະ-ນາ-ຄົມ ແລະ ການສື່-ສານ ຊຸດໃໝ່ ຕາມກົດລະ-ບຽບຂອງສະ-ຫະ-ພັນແມ່-ຍິງລາວວາງອອກ ຊຶ່ງໄດ້ຮັບ-ຮອງຈາກກອງປະ-ຊຸມຄັ້ງປະ-ຖົມມະ-ລືກ ຈໍານວນ 13 ທ່ານ ເພື່ອເປັນຕົວແທນໃນການຊີ້ນໍາ-ນໍາພາ ຢູ່ແຕ່ລະຂົງ-ເຂດວຽກງານ.
ໃນຕອນທ້າຍ ທ່ານ ນາງ ອິນລາວັນ ແກ້ວບຸນພັນ ໄດ້ໃຫ້ກຽດໂອ້ລົມຕໍ່ກອງປະ-ຊຸມ ຊຶ່ງກ່ອນອື່ນໝົດທ່ານໄດ້ສະ -ແດງຄວາມຊົມ-ເຊີຍຕໍ່ຜົນສໍາເລັດການ-ເຄື່ອນ-ໄຫວຊີ້ນໍາວຽກງານຮອບ-ດ້ານ ຂອງສະ-ຫະ-ພັນແມ່-ຍິງ ກະ-ຊວງ ປທສ ໃນ 5 ປີ ຜ່ານມາ. ໃນໂອ-ກາດດຽວກັນ, ທ່ານຍັງໃຫ້ທິດຊີ້ນໍາໃນການ-ຈັດ-ຕັ້ງປະ-ຕິ-ບັດວຽກງານໃນ-ຕໍ່-ໜ້າ ໂດຍທ່ານໄດ້ເນັ້ນໜັກໃຫ້ຄະ-ນະສະ-ຫະ-ພັນແມ່-ຍິງຊຸດໃໝ່ ຈະຕ້ອງໄດ້ສູ້ຊົນ ຜັນຂະ -ຫຍາຍມະ-ຕິກອງປະ-ຊຸມໃຫຍ່ ຄັ້ງທີ II ໃຫ້ເປັນໂຄງ-ການ, ແຜນງານ ເຂົ້າໃນໜ້າ-ທີ່ວຽກງານຕົວຈິງໃນແຕ່ລະຂົງ-ເຂດທີ່ຕົນຮັບຜິດຊອບ. ສຸມສະ-ຕິ-ປັນ-ຍາ, ກໍາລັງວັງ-ຊາ, ຄວາມສາ-ມັກ-ຄີ ເປັນຈິດໜຶ່ງໃຈດຽວ ເພື່ອແບກຫາບພາ-ລະ-ກິດອັນສູງສົ່ງ ແລະ ໜັກ-ໜ່ວງທີ່ກອງປະ-ຊຸມໃຫຍ່ຄັ້ງນີ້ໄດ້ມອບໝາຍໃຫ້ປະ-ສົບຜົນສໍາເລັດຢ່າງຈົບງາມ.
(ຂ່າວ: ພະແນກເລ-ຂານຸການ-ພິ-ທີການ)