5 ປີຜ່ານມາ ພະແນກສືບສວນ-ສອບສວນ ດຳເນີນຄະດີໄດ້ທັງໝົດ 306 ເລ່ືອງ

04.11.2019 9:25     

  ກອງປະຊຸມໃຫຍ່ ຄັ້ງທີ III ຂອງໜ່ວຍພັກພະແນກສືບ ສວນ-ສອບສວນ ຄະນະພັກຮາກຖານຫ້ອງຕໍາຫຼວດກອງບັນຊາການ ປກສ ແຂວງໄຊຍະບູລີ ໄດ້ຈັດຂຶ້ນຫວ່າງແລ້ວນີ້ ທີ່ສະໂມສອນກອງບັນຊາການ ປກສ ແຂວງ ໂດຍການເປັນປະທານຂອງສະຫາຍ ພັທ ຍົມ ດວງດີ ເລຂາໜ່ວຍພັກ, ເປັນກຽດເຂົ້າຮ່ວມຂອງສະຫາຍ ພັທ ບຸນທັນ ທິບພະວົງ ຄະນະພັກຮອງຫົວໜ້າກອງບັນຊາການ ປກສ ແຂວງ, ສະ ຫາຍ ພັທ ເຂັມເພັດ ວັນນະລາດ ຄະນະພັກ ກອງບັນຊາການ ປກສ ແຂວງ ຫົວໜ້າຫ້ອງຕໍາຫຼວດ, ມີແຂກທີ່ຖືກເຊີນ ພ້ອມດ້ວຍຜູ້ແທນກອງປະຊຸມເຂົ້າຮ່ວມ. ກອງປະຊຸມໄດ້ເປັນເອ ກະສັນກັນຮັບຮອງເອົາຮ່າງລາຍງານການເມືອງ ແລະ ບົດ ສຳຫຼວດການນຳພາຂອງຄະ ນະໜ່ວຍພັກ ຊຶ່ງໄດ້ສັງເກດຕີລາຄາດ້ານດີຜົນງານທີ່ຍາດມາໄດ້, ດ້ານອ່ອນຂໍ້ຄົງຄ້າງ ໃນການເຄື່ອນໄຫວຊີ້ນຳ-ນຳພາຂອງຄະນະໜ່ວຍພັກຕະຫຼອດໄລຍະ 5 ປີຜ່ານມາ ພ້ອມທັງຮັບຮອງເອົາທິດທາງແຜນການຄາດໝາຍສູ້ຊົນ ແຕ່ນີ້ເຖິງປີ 2024. ຕະຫຼອດໄລຍະການນໍາພາຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ II ໄລຍະ 5 ປີຜ່ານມາແມ່ນປະສົບຜົນສໍາເລັດຫຼາຍດ້ານ ໂດຍໄດ້ຖືເອົາວຽກງານສຶກສາອົບຮົມການ ເມືອງແນວຄິດ ຕິດພັນກັບການປະຕິບັດໜ້າທີ່ວຽກງານວິຊາສະເພາະເປັນເສນາທິການໃຫ້ ແກ່ຄະນະພັກ-ຄະນະບັນຊາ ຄະນະພັກຮາກຖານຂອງຕົນ ພ້ອມກັນຍົກສູງຄວາມຮັບຜິດ ຊອບ ໃນການລົງກໍ່ສ້າງຮາກຖານການເມືອງ, ສົມທົບກັບບັນດາເມືອງ ແລະ ກຸ່ມບ້ານ ຊອກຮູ້ການເຄື່ອນໄຫວຂອງເປົ້າໝາຍ ແລະ ກຸ່ມຄົນບໍ່ດີ ເພື່ອສ້າງເປັນແຜນສະກັດກັ້ນແກ້ໄຂຕາມວິຊາສະເພາະ ແລະ ກົດໝາຍ ຊຶ່ງສະແດງອອກ 5 ປີຜ່ານມາ ສາມາດດໍາເນີນຄະ ດີໄດ້ທັງໝົດ 306 ເລື່ອງ ກັກຕົວຜູ້ຖືກຫາໄດ້ 455 ຄົນ ຍິງ 77 ຄົນ, ຜົນເສຍຫາຍມີເງິນກີບ 537.000.000 ກວ່າກີບ, ເງິນຢວນ 34.500 ຢວນ, ເງິນບາດ 1.300.000 ກວ່າບາດ, ເງິນດົງ 400.000 ດົງ, ເງິນໂດລາ 442 ໂດລາ, ຄໍາຮູບປະພັນ ນໍ້າໜັກ 110 ບາດ 2 ສະຫຼຶງ, ສາຍຄໍຝັງເພັດ 1 ເສັ້ນ, ລົດຈັກ 132 ຄັນ, ໂທລະສັບ 60 ເຄື່ອງ, ຄອມພິວເຕີ 12 ຊຸດ, ງົວ 59 ໂຕ, ຄວາຍ 15 ໂຕ , ແບ້ 72 ໂຕ, ບັດເຕີມມູນຄ່າໂທ ລວມມູນຄ່າ 13.800.000 ກວ່າກີບ ແລະ ຊັບສິນອື່ນໆອີກຈໍານວນໜຶ່ງ ພ້ອມກັນນັ້ນຄະນະໜ່ວຍພັກໄດ້ເອົາໃຈໃສ່ວຽກງານປັບປຸງກໍ່ສ້າງຂະຫຍາຍພັກ ສາມາດສ້າງໄດ້ມະຫາຊົນຜູ້ທີ່ ມີຄວາມກ້າວໜ້າເຂົ້າເປັນສະ ມາຊິກພັກໄດ້ 3 ສະຫາຍ, ຮຽນສະໜັບສະໜູນ 2 ສະຫາຍ ແລະ ຮຽນລະບຽບພັກ 2 ສະຫາຍ. ຜົນການກວດກາຕີລາຄາ ແບ່ງປະເພດສະມາຊິກພັກ, ໜ່ວຍພັກຕາມ 2 ມາດຖານ ສະມາຊິກພັກໄດ້ປະເພດແຂງ 20 ສະຫາຍ ຍິງ 2 ສະຫາຍ, ມະຫາຊົນໄດ້ປະເພດດີ 7 ສະ ຫາຍ ຍິງ 2 ສະຫາຍ, ປະເພດໜ່ວຍພັກໄດ້ໜ່ວຍພັກປອດໃສ ເຂັ້ມແຂງ ແລະ ໜັກແໜ້ນ. ກອງປະຊຸມໄດ້ໃຊ້ສິດປະ ຊາທິປະໄຕ ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ ຊຶ່ງມີຜູ້ສະໝັກ 5 ສະຫາຍ, ເລືອກເອົາ 3 ສະຫາຍ ໂດຍກອງປະ ຊຸມຄັ້ງປະຖົມມະລືກໄດ້ເປັນເອກະສັນເລືອກເອົາສະຫາຍ ພັຕ ກອງໄຈ ສຸດແກ້ວ ເປັນເລຂາ, ພັທ ນັນທະລາດ ຂັນທະວົງ ເປັນຮອງເລຂາ. (ຂ່າວ-ພາບ: ສາຄອນ ໄຊສົມຮັກສາ)