ຊາວໜຸ່ມ ເມືອງຮ່ົມ ຮັບທຸງໄຊນຳໜ້າ 4 ບຸກ

04.11.2019 9:26     

  ເມືອງຮົ່ມ ແຂວງໄຊສົມ ບູນໄດ້ຈັດພິທີຮັບທຸງໄຊນຳໜ້າ 4 ບຸກຂອງຊາວໜຸ່ມ ຂຶ້ນຫວ່າງບໍ່ດົນຜ່ານມາ ທີ່ສະໂມສອນເມືອງດັ່ງກ່າວ ໂດຍການເປັນປະທານຂອງສະຫາຍ ບົວພັນ ວັນດາວົງ ເລຂາຄະນະບໍລິ ຫານງານພັກເມືອງ ເຈົ້າເມືອງໆ ຮົ່ມ, ມີສະຫາຍ ສົມດີ ຈັນທະວົງ ເລຂາຄະນະບໍລິຫານງານຊາວໜຸ່ມແຂວງໄຊສົມບູນ ເລຂາໜ່ວຍຊາວໜຸ່ມອ້ອມຂ້າງຂອງເມືອງເຂົ້າຮ່ວມ. ໃນພິທີໄດ້ຮັບຟັງການ ລາຍງານສະພາບການເຄື່ອນ ໄຫວວຽກງານຊາວໜຸ່ມຕະ ຫຼອດໄລຍະຜ່ານມາຈາກສະ ຫາຍ ສຸກສາຄອນ ພົມວິໄສຊົ່ງ ຄະນະບໍລິຫານງານຊາວໜຸ່ມແຂວງ ເລຂາຄະນະບໍລິຫານງານຊາວໜຸ່ມເມືອງຮົ່ມ ຊຶ່ງສະ ຫາຍໄດ້ຍົກໃຫ້ເຫັນບາງຈຸດທີ່ສຳຄັນ ເປັນຕົ້ນແມ່ນສຶກສາອົບຮົມການເມືອງແນວຄິດໃຫ້ຄະນະຊາວໜຸ່ມ-ສະມາຊິກຊາວໜຸ່ມປະຊາຊົນປະຕິວັດລາວ ໃນທົ່ວເມືອງໃຫ້ມີແນວຄິດຮັກຊາດ, ຮັກລະບອບໃໝ່, ມີຈິນຕະນາການໃໝ່, ມີວິໃສທັດເບິ່ງກວ້າງມອງໄກ, ມີແບບ ແຜນການຈັດຕັ້ງປະຕິບັດ, ມີແນວຄິດເອກະພາບຕໍ່ແນວທາງນະໂຍບາຍຂອງພັກ, ມີສະຕິເຄົາລົບ ແລະ ປະຕິບັດກົດ ໝາຍ, ປົດປ່ອຍແນວຄິດຈຸ້ມເຈື້ອເຊື້ອ ສາຍ, ຊົນເຜົ່າ, ຮັກສາເດີມ ແລະ ແນວຄິດເອື່ອຍອີງ ພ້ອມທັງເຕົ້າໂຮມຄວາມສາມັກຄີ ແລະ ສ້າງສະມາຊິກຊາວໜຸ່ມໃຫ້ເປັນໜຶ່ງດຽວເຂົ້າຢູ່ໃນວົງການຈັດຕັ້ງ, ຖືຄວາມສາມັກຄີເປັນໃຈກາງ ແນໃສ່ນຳໃຊ້ກໍາລັງແຮງຂອງເຂົາເຈົ້າເຂົ້າໃນ ການພັດທະນາປະເທດຊາດ ແລະ ເປັນກ້ອນກຳລັງທີ່ບໍ່ບົກແຫ້ງ, ເອົາໃຈໃສ່ຊຸກຍູ້ສົ່ງເສີມສະມາຊິກຊາວໜຸ່ມຜູ້ດ້ອຍໂອ ກາດໄດ້ເຂົ້າຝຶກອົບຮົມວິຊາອາ ຊີບຕ່າງໆໃຫ້ມີວຽກເຮັດງານທຳດ້ວຍຕົນເອງ. ສະຫາຍ ສົມດີ ຈັນທະວົງ ໄດ້ມອບທຸງໄຊນຳໜ້າ 4 ບຸກ ໃຫ້ຊາວໝຸ່ມເມືອງຮົ່ມ ແລະ ຮັບໂດຍ ສະຫາຍ ສຸກສາຄອນ ພົມວິໄສຊົ່ງ ໃນໂອກາດນີ້, ສະ ຫາຍ ສົມດີ ຈັນທະວົງ ໄດ້ສະ ແດງຄວາມຍ້ອງຍໍຊົມເຊີຍຜົນ ງານທີ່ຍາດມາໄດ້ ໃນໄລຍະຜ່ານມາ ແລະ ສະຫາຍໄດ້ກ່າວໃຫ້ຮູ້ວ່າ: ການທີ່ໄດ້ຮັບທຸງໄຊ ນັ້ນເປັນຜົນງານແຫ່ງປະຫວັດ ສາດອັນໃຫຍ່ຫຼວງທີ່ໄດ້ສູ້ຊົນ ຢ່າງເນື່ອງນິດລຽນຕິດ ຕະຫຼອດ ມາ, ສະນັ້ນ, ສະຫາຍ ຈຶ່ງໄດ້ ຮຽກຮ້ອງໃຫ້ເລຂາຄະນະຊາວໜຸ່ມກໍຄືສະມາຊິກຊາວໜຸ່ມທົ່ວ ເມືອງ ຈົ່ງຮັກສາມູນເຊື້ອອັນ ດີງາມຂອງຊາວໜຸ່ມຝຶກຝົນຫຼໍ່ ຫຼອມຕົນເອງຕໍ່ໄປ ເປັນຕົ້ນແມ່ນຝຶກຝົນຫຼໍ່ຫຼອມດ້ານວິຊາອາຊີບ, ດ້ານວິທະຍາສາດເຕັກ ໂນໂລຊີ ແລະ ພາສາຕ່າງປະ ເທດ ໂດຍຕິດພັນກັບພຶດຕິກຳຕົວຈິງໃຫ້ດີຂຶ້ນກວ່າເກົ່າ. (ຂ່າວ-ພາບ: ເມືອງຮົ່ມ)