ໜ່ວຍພັກ ກອງຮ້ອຍເຄ່ືອນທີ່ ຍາດໄດ້ຜົນງານຫຼາຍດ້ານ

08.11.2019 10:30     

  ກອງປະຊຸມໃຫຍ່ ຄັ້ງທີ I ຂອງໜ່ວຍພັກກອງຮ້ອຍເຄື່ອນ ທີ່ຄະນະພັກຮາກຖານກອງພັນປ້ອງກັນເຄື່ອນທີ່ກອງບັນຊາການ ປກສ ແຂວງໄຊຍະບູລີ ໄດ້ເປີດຂຶ້ນ ໃນວັນທີ 1 ພະຈິກ ຜ່ານມາ ຢູ່ສະໂມສອນກົມ ກອງ ດັ່ງກ່າວ ໂດຍການເປັນປະ ທານຂອງສະຫາຍ ພັຕ ຈັນເລີນ ເພັດມະນີ ເລຂາໜ່ວຍພັກ, ເປັນກຽດເຂົ້າຮ່ວມຂອງສະຫາຍ ພັອ ບຸນຫຼ້າ ສຸລິຍາ ຄະນະປະຈໍາພັກ ຮອງຫົວໜ້າກອງບັນຊາການ ປກສ ແຂວງ, ສະຫາຍ ພັທ ສາຍ ຄໍາ ວັນນະໃຈດີ ເລຂາຄະນະພັກຮາກຖານ ຫົວໜ້າກອງ ພັນປ້ອງ ກັນເຄື່ອນທີ່, ມີແຂກທີ່ຖືກເຊີນ ພ້ອມດ້ວຍຜູ້ແທນສົມບູນ, ສຳຮອງເຂົ້າຮ່ວມ. ກອງປະຊຸມໄດ້ພ້ອມກັນຄົ້ນຄວ້າຮັບຮອງເອົາຮ່າງບົດລາຍງານການເມືອງ ແລະ ບົດສຳຫຼວດການນຳພາຂອງຄະນະໜ່ວຍພັກ ໂດຍຍົກໃຫ້ເຫັນດ້ານ ດີ-ດ້ານອ່ອນ, ຂໍ້ຄົງຄ້າງ, ສາ ເຫດ ແລະ ບົດຮຽນໃນການຊີ້ນຳ-ນຳພາ ແລະ ຈັດຕັ້ງປະຕິບັດວຽກງານຂອງໜ່ວຍພັກ ໃນໄລ ຍະ 3 ປີ ຜ່ານມາ ພ້ອມທັງເປັນ ເອກະພາບຮັບຮອງເອົາທິດ ທາງແຜນ 5 ປີຕໍ່ໜ້າ (ແຕ່ປີ 2019 - 2024). ຕະຫຼອດໄລ ຍະ 3 ປີຜ່ານມາ, ຄະນະໜ່ວຍພັກໄດ້ເອົາໃຈໃສ່ຊີ້ນໍາ-ນໍາພາການປະຈໍາການ ປະຕິບັດໜ້າ ທີ່ກຽມພ້ອມສູ້ຮົບຕະຫຼອດ 24 ຊົ່ວໂມງ, ເຄື່ອນໄຫວອອກກວດ ກາລາດຕະເວນກາງຄືນ- ກາງ ເວັນ ຕາມຂອບເຂດເທດສະ ບານເມືອງໄຊຍະບູລີ ຈຸດຫຼໍ່ແຫຼມທີ່ມີຄວາມສ່ຽງ ຕາມເສັ້ນ ທາງແຕ່ລະຈຸດ ສາມາດຕ້ານ ແລະ ສະກັດກັ້ນບັນດາກຸ່ມແກ້ງມົ້ວສຸມຢາເສບຕິດ ແລະ ພວກຄ້າຂາຍຢາເສບຕິດໄດ້ 58 ຄົນ, ທັງເສບ ທັງຂາຍມີ 14 ຄົນ, ສາມາດຢຶດຂອງກາງ ປະເພດຢາບ້າໄດ້ທັງໝົດ 1.022 ເມັດ, ໄດ້ສຶກສາອົບຮົມບັນດາກຸ່ມແກ້ງແຂ່ງລົດ, ຢຶດລົດດັດແປງສະພາບເຕັກນິກທີ່ຜິດກົດລະບຽບຈະລາຈອນໄດ້ທັງໝົດ 23 ຄັນ, ໄດ້ກັກຕົວເຮັດບົດບັນທຶກພາກສ່ວນໃຊ້ໝໍ້ຊັອດປາ ທີ່ຜິດຕໍ່ກົດໝາຍໄດ້ 16 ຄົນ ຢຶດໝໍ້ຊັອດໄດ້ 13 ຊຸດ, ຢຶດປືນແກັບໄດ້ 9 ກະ ບອກ ແລະ ຢຶດຈັກສະຕິນ 3 ເຄື່ອງ, ປືນ 2 ກະບອກ ພ້ອມທັງຝຶກຊ້ອມວຽກງານສະຫຼາຍການຊຸມນຸມ, ຫັດກາຍມວຍ ແລະ ໄດ້ເຂົ້າຮ່ວມບັ້ນຮົບ-ຫັດແອບສ້າງທ່າສະໜາມປ້ອງກັນ ບໍລິເວນເມືອງແກ່ນທ້າວ ເພື່ອຍົກສູງສະຕິກຽມພ້ອມສູ້ຮົບໃຫ້ທັນສະພາບການ, ເຮັດໜ້າທີ່ປ້ອງກັນໂຄງການໄຟຟ້າພະລັງ ຄວາມຮ້ອນເມືອງຫົງສາ, ເຂື່ອນໄຟຟ້ານໍ້າຂອງ, ຈຸດຕະຫຼາດຈີນ, ປ້ອງກັນກອງປະຊຸມຂັ້ນຕ່າງໆ, ວັນສໍາຄັນຂອງພັກ, ຂອງຊາດ ແລະ ວັນບຸນປະເພນີ ມີຄວາມສະຫງົບປອດໄພ 100%. ພ້ອມກັນນັ້ນຄະນະໜ່ວຍ ພັກໄດ້ເອົາໃຈໃສ່ວຽກງານປັບ ປຸງກໍ່ສ້າງຂະຫຍາຍພັກ ສາມາດສ້າງໄດ້ມະຫາຊົນຜູ້ທີ່ມີຄວາມກ້າວໜ້າເຂົ້າເປັນສະມາຊິກພັກ ໄດ້ 12 ສະຫາຍ, ຮຽນສະໜັບ ສະໜູນ 3 ສະຫາຍ, ຮຽນລະ ບຽບພັກ 4 ສະຫາຍ ແລະ ເຂົ້າເປັນສະມາຊິກພັກສໍາຮອງ 2 ສະຫາຍ. ກອງປະຊຸມໄດ້ໃຊ້ສິດປະຊາທິປະໄຕ ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່ ຊຶ່ງມີຜູ້ສະໝັກ 5 ສະຫາຍ, ເລືອກ ເອົາ 3 ສະຫາຍ ໂດຍກອງປະ ຊຸມຄັ້ງປະຖົມມະລືກໄດ້ເປັນ ເອກະສັນກັນເລືອກເອົາສະ ຫາຍ ພັຕ ຈັນເລີນ ເພັດມະນີ ເປັນ ເລຂາ, ສະຫາຍ ຮອ ພອນໄຊ ໄຕມະນິຈັນ ເປັນຮອງເລຂາ ແລະ ສະຫາຍ ຮອ ສົມໄຈ ໄຊສະຫວັດ ເປັນຄະນະ. (ຂ່າວ-ພາບ: ສາຄອນ ໄຊສົມຮັກສາ)