ປທສ ເຜີຍແຜ່ຄຳແນະນຳຂອງອະນຸກຳມະການ ກົດລະບຽບ ແລະ ບຸກຄະລາກອນ

18.11.2019 14:16     

  ກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຈັດກອງປະຊຸມເຜີຍ ແຜ່ ຄຳແນະນຳຂອງ ອະນຸກຳ ມະການກົດລະບຽບ ແລະ ບຸກ ຄະລາກອນ ກອງປະຊຸມໃຫຍ່ ຄັ້ງທີ XI ຂອງພັກ ສະບັບເລກທີ 13/ອກ-ບຄ, ກ່ຽວກັບການສະ ຫຼຸບຕີລາຄາການຈັດຕັ້ງປະຕິ ບັດກົດລະບຽບພັກ ສະໄໝທີ X ໃນທົ່ວອົງຄະນະພັກ ແລະ ມະຕິຂອງກົມການເມືອງສູນກາງພັກ ສະບັບເລກທີ 061/ກມສພ, ວ່າດ້ວຍການກະກຽມ ແລະ ດຳເນີນກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ; ເມື່ອອາທິດຜ່ານມາ ໃຫ້ກຽດເປັນປະທານຊີ້ນຳກອງປະຊຸມຂອງ ສະຫາຍ ທັນສະໄໝ ກົມມະສິດ ກຳມະ ການສູນກາງພັກ ເລຂາຄະນະ ພັກ ລັດຖະມົນຕີກະຊວງ ປທສ ໂດຍການເຜີຍແຜ່ ແລະ ແນະນຳເອກະສານ ຈາກ ສະຫາຍ ທອງໃສ ຊານໄຊຍະ ຮອງເລຂາຄະນະພັກ ຮອງລັດຖະ ມົນຕີກະຊວງ ປທສ, ມີບັນດາສະຫາຍຄະນະປະຈຳພັກ, ຄະນະພັກກະຊວງ, ຄະນະພັກຮາກຖານ, ຄະນະໜ່ວຍພັກ ແລະ ສະມາຊິກພັກ ອ້ອມຂ້າງກະຊວງເຂົ້າຮ່ວມ. ສະຫາຍ ທັນສະໄໝ ກົມມະສິດ ກ່າວວ່າ: ການເຜີຍແຜ່ເອກະສານຄັ້ງນີ້ ເພື່ອເປັນທິດຊີ້ນຳໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ X ຂອງພັກ, ສ້າງຂະບວນການຂໍ່ານັບຮັບຕ້ອນ ແລະ ການດຳເນີນກອງປະຊຸມໃຫຍ່ ຄັ້ງທີ XI ຂອງພັກໃຫ້ຟົດຟື້ນ, ແຂງແຮງຕໍ່ ເນື່ອງ; ຮັບປະກັນການກະກຽມດຳເນີນໄປຖືກຕ້ອງຕາມກົດລະບຽບຂອງພັກ ກໍຄື ແຜນດຳເນີນງານຂອງສູນກາງພັກ ສະໄໝທີ X ໃຫ້ມີເນື້ອໃນເລິກ ເຊິ່ງ, ຄົບຖ້ວນ, ພາວະວິໄສ ແລະ ແທດເໝາະກັບສະພາບຕົວຈິງ; ເພື່ອປະກອບຂໍ້ມູນທີ່ເປັນພື້ນຖານ ໃຫ້ແກ່ການຄົ້ນຄວ້າ, ປັບປຸງ, ດັດແປງກົດລະບຽບພັກ ທີ່ຈະສະເໜີຜ່ານກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XI ຂອງພັກ; ສ່ອງແສງເຖິງສະພາວະຄວາມເປັນຈິງດ້ານການຈັດຕັ້ງ ແລະ ການເຄື່ອນໄຫວຂອງລະບົບການຈັດຕັ້ງພັກ ແລະ ສະມາຊິກພັກ ໃນເງື່ອນໄຂໃໝ່. ເພື່ອສ້າງຄວາມເຊື່ອໝັ້ນອັນໜັກແໜ້ນທົ່ວສັງຄົມ ຕໍ່ພາລະກິດປ່ຽນແປງໃໝ່ ພາຍໃຕ້ການນຳພາຂອງພັກ, ເຂົ້າຮ່ວມຂະບວນການຂ່ຳນັບຮັບຕ້ອນກອງປະຊຸມໃຫຍ່ ຄັ້ງທີ XI ຂອງພັກຢ່າງກວ້າງຂວາງ ແລະ ຟົດຟື້ນ. ພ້ອມນີ້, ຍັງໄດ້ກ່າວຕື່ມອີກວ່າ: ເພື່ອເປັນບ່ອນອີງ ພື້ນຖານໃຫ້ແກ່ການກະກຽມດຳເນີນກອງປະຊຸມໃຫຍ່ ທົ່ວອົງຄະນະພັກຂອງຕົນ ແຕ່ລະຂັ້ນໃຫ້ດຳເນີນໄປຢ່າງຖືກຕ້ອງ ຕາມກົດລະບຽບຂອງພັກ, ຮັບປະກັນການຊີ້ນຳ-ນຳພາ ແລະ ມີຄວາມເປັນເອກະພາບໃນທົ່ວພັກ, ຮັບປະກັນການຄົ້ນຄວ້າເລືອກເຟັ້ນ ບຸກຄະລາກອນປະກອບເຂົ້າໃນຄະນະພັກແຕ່ລະຂັ້ນ ໃຫ້ຖືກຕ້ອງຕາມມາດຖານ, ເງື່ອນໄຂທີ່ກຳນົດໄວ້. (ຂ່າວ: ກົມຈັດຕັ້ງ-ພະນັກງານ, ປທສ).