ກອງປະຊຸມໃຫຍ່ຄັ້ງທີ II ໜ່ວຍພັກ ສະຖາບັນ ເຕັກໂນໂລຊີຄອມພິວເຕີ ແລະ ເອເລັກໂຕຣນິກ

21.11.2019 9:48     

  ກອງປະຊຸມໃຫຍ່ ຄັ້ງ ທີ II ຂອງໜ່ວຍພັກສະຖາ ບັນເຕັກໂນໂລຊີ ຄອມພິວເຕີ ແລະ ເອເລັກໂຕຣນິກ ກະຊວງວິທະຍາສາດ ແລະ ເຕັກໂນໂລຊີ ໄດ້ຈັດຂຶ້ນໃນວັນທີ 18 ພະຈິກຜ່ານມາ ໂດຍການເຂົ້າຮ່ວມຂອງສະຫາຍ ບໍ່ວຽງຄຳ ວົງດາລາ ເລຂາຄະນະພັກ ລັດຖະມົນຕີ ກະຊວງ ວິທະຍາ ສາດ ແລະ ເຕັກໂນໂລຊີ, ສະ ຫາຍ ວິລະສັກ ອິນທະປະຖາ ເລຂາໜ່ວຍພັກ ຫົວໜ້າສະຖາບັນເຕັກໂນໂລຊີ ຄອມພິວເຕີ ແລະ ເອເລັກໂຕຣນິກ ພ້ອມດ້ວຍສະມາຊິກພັກ ແລະ ແຂກຖືກເຊີນເຂົ້າຮ່ວມ. ກອງປະຊຸມ ໄດ້ພ້ອມກັນຄົ້ນຄວ້າ ແລະ ປະກອບຄຳຄິດຄຳເຫັນໃສ່ຮ່າງບົດລາຍງານການເມືອງ ແລະ ບົດສຳຫຼວດການນຳພາລວມ ຂອງຄະນະໜ່ວຍພັກ ພ້ອມນີ້ຍັງໄດ້ເປັນເອກະພາບກັນຕີລາຄາ ດ້ານດີ, ດ້ານອ່ອນ, ຂໍ້ຄົງຄ້າງ, ສາ ເຫດ ແລະ ບົດຮຽນໃນການຊີ້ນໍາ-ນໍາພາ ແລະ ການຈັດຕັ້ງປະ ຕິບັດມະຕິກອງປະຊຸມໃຫຍ່ ໃນໄລຍະ 5 ປີຜ່ານມາ ແລະ ຮັບຮອງເອົາທິດທາງ, ແຜນ ການໜ້າທີ່ຈຸດສຸມໃນການຊີ້ ນໍາ-ນໍາພາຂອງຄະນະໜ່ວຍພັກ 5 ປີ ນັບແຕ່ປີ 2020 ຮອດປີ 2024. ກອງປະຊຸມໄດ້ພ້ອມກັນໃຊ້ສິດ ປະຊາທິປະໄຕ ປ່ອນບັດຄັດເລືອກເອົາຄະນະໜ່ວຍ ພັກຊຸດໃໝ່ ບົນພື້ນຖານຄວາມ ຖືກຕ້ອງສອດຄ່ອງກັບມາດ ຕະຖານ ແລະ ເງື່ອນໄຂທີ່ກໍານົດໄວ້ໂດຍ ກອງປະຊຸມ ໄດ້ເປັນເອກະສັນເລືອກເອົາເລຂາ, ຮອງເລຂາ, ປະທານກວດ ກາໜ່ວຍພັກດັ່ງນີ້: ເລືອກເອົາ ສະ ຫາຍ ວິລະສັກ ອິນທະປະຖາ ເປັນເລຂາໜ່ວຍພັກ, ສະ ຫາຍ ປະລິຕະ ແສງຈັນ ເປັນຮອງ ເລຂາໜ່ວຍພັກ, ສະຫາຍ ໄຊສົງຄາມ ພານຸວົງ ເປັນຄະ ນະໜ່ວຍພັກທັງເປັນປະທານກວດກາ. ນອກນັ້ນ ກອງປະຊຸມໄດ້ພ້ອມກັນໃຊ້ສິດ ປະຊາທິປະໄຕຂອງຕົນ ປ່ອນບັດຄັດເລືອກເອົາ ຜູ້ແທນສົມບູນ ແລະ ສຳຮອງ ເພື່ອເຂົ້າຮ່ວມກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ II ຂອງອົງຄະນະພັກກະຊວງ ວິທະຍາສາດ ແລະ ເຕັກໂນໂລ ຊີ ຊຶ່ງສາມາດຄັດເລືອກໄດ້ຜູ້ ແທນສົມບູນຈຳນວນ 7 ສະ ຫາຍ ແລະ ຜູ້ແທນສຳຮອງ 2 ສະຫາຍ. ໃນໂອກາດເຂົ້າຮ່ວມກອງປະຊຸມດັ່ງກ່າວ, ສະຫາຍ ເລຂາຄະນະພັກກະຊວງ ໄດ້ໂອ້ລົມຕໍ່ກອງປະຊຸມ ຊຶ່ງສະຫາຍໄດ້ ສະແດງຄວາມຍ້ອງຍໍຊົມເຊີຍ ຕໍ່ການຊີ້ນໍາ-ນໍາພາຂອງຄະນະ ໜ່ວຍພັກຊຸດເກົ່າທີ່ໄດ້ຊີ້ນໍາ- ນໍາພາສະມາຊິກພັກ, ພະນັກ ງານປະຕິບັດໜ້າທີ່ການເມືອງຂອງຕົນ ແລະ ຍາດໄດ້ຜົນສໍາເລັດຫຼາຍດ້ານ ພ້ອມກັນນັ້ນ ສະຫາຍຍັງໄດ້ສະແດງຄວາມເປັນຫ່ວງເປັນໄຍຕໍ່ ດ້ານອ່ອນ, ຂໍ້ຄົງຄ້າງ ຊຶ່ງໄດ້ຮຽກຮ້ອງໃຫ້ຄະນະໜ່ວຍພັກຊຸດໃໝ່ຈະຕ້ອງໄດ້ສືບຕໍ່ປັບປຸງແກ້ໄຂ, ຈາກນັ້ນ, ສະຫາຍຍັງໄດ້ໃຫ້ ທິດຊີ້ນໍາວຽກງານແຕ່ລະດ້ານ ເພື່ອນຳມາເປັນບົດຮຽນ ໃນການປັບປຸງແກ້ໄຂໃນຕໍ່ໜ້າໃຫ້ດີຂຶ້ນ ແລະ ມີຄວາມເຊື່ອໝັ້ນຕໍ່ຄະນະໜ່ວຍພັກຊຸດໃໝ່ທີ່ຈະສືບຕໍ່ຊີ້ນໍາ-ນໍາພາຈັດຕັ້ງປະຕິ ບັດມະຕິກອງປະຊຸມໃຫຍ່ ສະມາຊິກພັກ ຄັ້ງທີ II ຂອງໜ່ວຍ ພັກສະຖາບັນເຕັກໂນໂລຊີຄອມພິວເຕີ ແລະ ເອເລັກໂຕຣນິກໃຫ້ຍາດໄດ້ຜົນງານຫຼາຍ ແລະ ມີຜົນສໍາເລັດທີ່ຍິ່ງໃຫຍ່ກວ່າເກົ່າ. (ຂ່າວ-ພາບ: ພູວຽງຄຳ) )