ເມືອງສາລະວັນ ສຳເລັດກອງປະຊຸມໃຫຍ່ຜູ້ແທນຊາວໜຸ່ມທ່ົວເມືອງ ຄັ້ງທີ V

22.11.2019 9:33     

  ເມືອງສາລະວັນ ແຂວງ ສາລະວັນໄດ້ສຳເລັດກອງປະ ຊຸມໃຫຍ່ຜູ້ແທນຊາວໜຸ່ມທົ່ວ ເມືອງ ຄັ້ງທີ V ເມື່ອບໍ່ດົນຜ່ານມາ ທີ່ສະໂມສອນໃຫຍ່ຂອງເມືອງ ພາຍໃຕ້ການເປັນປະ ທານຂອງສະຫາຍ ກໍ່າສະໄໝ ແສນແທຫຼວງ ຄະນະບໍລິຫານງານຊາວໜຸ່ມແຂວງ ເລຂາຄະນະບໍລິຫານງານຊາວໜຸ່ມເມືອງ. ສະຫາຍ ກ່ຳສະໄໝ ແສນແທຫຼວງ ໄດ້ລາຍງານໂດຍຫຍໍ້ ຊຶ່ງໃນໄລຍະຜ່ານມາ ຄະນະບໍ ລິຫານງານຊາວໜຸ່ມເມືອງໄດ້ເອົາໃຈໃສ່ເຜີຍແຜ່ເອກະສານ ແລະ ເຊື່ອມຊຶມແນວທາງນະ ໂຍບາຍຂອງພັກ-ລັດ ແລະ ຍຸດ ທະສາດຂອງຄະນະບໍລິຫານງານຊາວໜຸ່ມວາງອອກ ໃນແຕ່ລະຂັ້ນ, ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ຖັນແຖວພະນັກງານສະມາຊິກຊາວໜຸ່ມ, ເຍົາວະຊົນລາວໄດ້ຮັບຮູ້ເຂົ້າໃຈຢ່າງເລິກເຊິ່ງຕໍ່ ແນວທາງນະໂຍບາຍຂອງພັກ, ລະບຽບກົດໝາຍຂອງລັດ, ມູນ ເຊື້ອອັນດີງາມຂອງຊາດ ແລະ ຄຸນສົມບັດສິນທໍາປະຕິວັດແບບ ແຜນວີທີເຮັດວຽກຕ່າງໆ, ເອົາ ໃຈໃສ່ປັບປຸງກໍ່ສ້າງການ ຈັດຕັ້ງຕ່າງໆ ແລະ ວຽກງານປົກປ້ອງສິດຜົນປະໂຫຍດອັນຊອບທຳຂອງຊາວໜຸ່ມ ພ້ອມດ້ວຍເອກະສານສໍາຄັນ ແລະ ມະຕິຕ່າງໆ ເປັນຕົ້ນກໍແມ່ນມະຕິ VIII ຂອງອົງຄະນະພັກເມືອງ, ມະຕິ VII ຂອງຜູ້ແທນຊາວໜຸ່ມທົ່ວປະເທດ ແລະ ມະຕິ VI ຂອງຊາວໜຸ່ມທົ່ວແຂວງ ພ້ອມດ້ວຍມະຕິ IV ຂອງຜູ້ແທນຊາວໜຸ່ມທົ່ວເມືອງ, ປັດຈຸບັນທົ່ວເມືອງ ມີສະມາຊິກຊາວໜຸ່ມທັງໝົດ 5.690 ຄົນ ເພີ່ມຂຶ້ນ 40%, ມີໜ່ວຍຮາກຖານຊາວໜຸ່ມທັງໝົດ 170 ໜ່ວຍ ເພີ່ມຂຶ້ນ 14 ໜ່ວຍ, ມີສະມາຊິກເຍົາວະຊົນ ທັນວາ 8.913 ຄົນ ເພີ່ມ ຂຶ້ນ 26% ແລະ ມີກອງເຍົາວະຊົນ ທັນວາ 78 ກອງເພີ່ມຂຶ້ນ 10 ກອງ. ທິດທາງຕໍ່ໜ້າສືບຕໍ່ເອົາ ໃຈໃສ່ສຶກສາອົບຮົມການເມືອງ ແນວຄິດ, ສ້າງຊາວໜຸ່ມ-ເຍົາ ວະຊົນໃຫ້ມີນ້ຳໃຈຮັກຊາດ, ເຊື່ອໝັ້ນຕໍ່ການນຳພາຂອງພັກ, ມີຄຸນທາດການເມືອງສູງ, ເສີມ ຂະຫຍາຍຮີດຄອງປະເພນີອັນ ດີງາມ ແລະ ຄວາມສາມັກ ຄີໃຫ້ເປັນປຶກແຜ່ນແໜ້ນໜາ, ປັບປຸງການຈັດຕັ້ງຊາວໜຸ່ມ-ເຍົາວະຊົນໃຫ້ໜັກແໜ້ນເຂັ້ມແຂງ, ຈັດ ຕັ້ງຜັນຂະຫຍາຍຂະບວນການ ຕ່າງໆ ເປັນຕົ້ນຂະບວນການ ແຂ່ງຂັນຮັກຊາດ ແລະ ພັດທະ ນາ, ຂະບວນການ 4 ບຸກ ແລະ 3 ດີ 4 ຮູ້ໃຫ້ໄດ້ 98%. ຈາກນັ້ນ, ໃນພິທີຜູ້ແທນສົມບູນ 125 ສະຫາຍ ກໍໄດ້ໃຊ້ ສິດປະຊາທິປະໄຕປ່ອນບັດຄັດ ເລືອກເອົາເລຂາຄະນະບໍລິຫານ ງານຊຸດໃໝ່ ຊຶ່ງມີຜູ້ສະໝັກທັງໝົດ 29 ສະຫາຍ, ເລືອກເອົາ 25 ສະຫາຍ, ຜ່ານການ ປ່ອນບັດຄັດເລືອກເຫັນດີຕົກ ລົງແຕ່ງຕັ້ງສະຫາຍ ກໍ່າສະໄໝ ແສນແທຫຼວງ ເປັນເລຂາຄະ ນະບໍລິຫານງານເມືອງຊຸດໃໝ່, ໄດ້ແຕ່ງຕັ້ງສະຫາຍ ບົວທອງ ບຸນທິສານ ແລະ ສະຫາຍ ນາງ ສຸດາວັນ ຈັນທະວົງ ເປັນຮອງເລຂາຄະນະບໍລິຫານງານຊາວໜຸ່ມຊຸດ ໃໝ່ຂອງເມືອງ ພ້ອມທັງແຕ່ງຕັ້ງສະຫາຍ ນາງ ສຸດາວັນ ຈັນທະວົງ ເປັນປະທານກວດກາ ແລະ ກອງປະຊຸມຍັງໄດ້ຕົກລົງເຫັນດີເລືອກເອົາຄະນະປະຈຳ ຄະນະບໍລິຫານງານຊາວໜຸ່ມເມືອງ ຈຳນວນ 7 ສະຫາຍ ຍິງ 2 ສະຫາຍ, ເລືອກເອົາຜູ້ແທນສົມບູນ ແລະ ສຳຮອງໄປຮ່ວມກອງປະຊຸມໃຫຍ່ຜູ້ແທນຊາວໜຸ່ມທົ່ວແຂວງ 14 ສະຫາຍ ຍິງ 3 ສະຫາຍຕື່ມອີກ. (ຂ່າວ-ພາບ: ສິດຕາ ເພັດວົງສາ)