ເມືອງຕຸ້ມລານ ປະກາດແຕ່ງຕັ້ງຮອງເຈົ້າເມືອງຄົນໃໝ່

25.11.2019 10:50     

  ຫ້ອງວ່າການປົກຄອງເມືອງຕຸ້ມລານ ແຂວງສາລະວັນ ໄດ້ຈັດພິທີປະກາດແຕ່ງຕັ້ງຮອງເຈົ້າເມືອງຕຸ້ມລານ ແລະ ມອບ-ຮັບໜ້າທີ່ ຂຶ້ນໃນວັນທີ 20 ພະຈິກຜ່ານມາ ພາຍໃຕ້ການເປັນປະທານຂອງ ທ່ານ ສົມຄິດ ກອງໄຊສະຫວັດ ຮອງເລຂາພັກເມືອງ ຜູ້ຊີ້ນຳວຽກງານການເມືອງ-ແນວຄິດ, ພັກ-ພະ ນັກງານ, ເຂົ້າຮ່ວມມີ ທ່ານ ອູ່ທອງ ມູນລາສີ ຮອງຫົວໜ້າຫ້ອງວ່າການປົກຄອງແຂວງ, ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າຫ້ອງ ການ, ຮອງຫ້ອງການເຂົ້າຮ່ວມ. ທ່ານ ນາງ ສົມຈິດ ຈະເລີນສຸກ ຮອງຫົວໜ້າຄະນະຈັດຕັ້ງເມືອງ ໄດ້ຜ່ານຂໍ້ຕົກລົງຂອງທ່ານເຈົ້າແຂວງສາລະວັນ ສະບັບເລກທີ 695/ຈຂ.ສວ ລົງວັນທີ 11 ພະຈິກ 2019 ວ່າດ້ວຍການແຕ່ງຕັ້ງຮອງເຈົ້າເມືອງຕຸ້ມລານ ໂດຍແຕ່ງຕັ້ງ ທ່ານ ວັນເພັງ ອິນທະສອນ ຄະນະປະຈຳພັກເມືອງ ເປັນຮອງເຈົ້າເມືອງຕຸ້ມລານ ແລະ ແຕ່ງ ຕັ້ງ ທ່ານ ແສງອາລຸນ ອຸ່ນຄຳມະນີ ກຳມະການພັກເມືອງ ເປັນຮອງເຈົ້າເມືອງຕຸ້ມລານ ແລະ ປະຕິບັດຕາມຂໍ້ຕົກລົງຂອງທ່ານເຈົ້າເມືອງຕຸ້ມລານ ວ່າດ້ວຍການແຕ່ງຕັ້ງຫົວໜ້າຫ້ອງການອ້ອມຂ້າງເມືອງ ເປັນຕົ້ນໄດ້ແຕ່ງຕັ້ງ ທ່ານ ທອງດຳ ຫຼວງແສງ ກຳມະການພັກເມືອງ ເປັນຫົວໜ້າຫ້ອງວ່າການປົກຄອງເມືອງ, ແຕ່ງຕັ້ງ ທ່ານ ນາງ ປັ່ນ ແກ້ວເຮືອງສີ ກຳມະການພັກເມືອງ ເປັນປະ ທານສະຫະພັນກຳມະບານເມືອງ, ແຕ່ງຕັ້ງ ທ່ານ ຄຳໝອກ ໄຊຍະບຸດ ກຳມະການພັກເມືອງ ເປັນຫົວໜ້າຫ້ອງການພາຍໃນເມືອງ ແລະ ແຕ່ງຕັ້ງ ທ່ານ ນາງ ແກ່ນຈັນ ຈັນທະສອນ ກຳມະການພັກເມືອງ ເປັນຫົວໜ້າຄະນະໂຄສະນາ-ອົບຮົມເມືອງ ພ້ອມທັງມີການເຊັ່ນບົດບັນທຶກມອບ-ຮັບວຽກງານ ຕື່ມອີກ. (ຂ່າວ-ພາບ: ວຽງສະຫວັນ ແສນຄຳ)