ໜ່ວຍພັກຈັດຕັ້ງ-ບໍລິຫານ ແລະ ກວດກາ ຍທຂ ສາລະວັນ ສຳເລັດກອງປະຊຸມໃຫຍ່ ຄັ້ງທີ II

25.11.2019 10:51     

  ໜ່ວຍພັກຈັດຕັ້ງ-ບໍລິຫານ ແລະ ກວດກາ ພະແນກໂຍທາທິການ ແລະ ຂົນສົ່ງ (ຍທຂ) ແຂວງສາລະວັນ ຄັ້ງທີ II ໄດ້ສຳເລັດ ໃນວັນທີ 14 ພະຈິກ ຜ່ານມາ ທີ່ຫ້ອງປະຊຸມພະແນກ ຍທຂ ໂດຍການເປັນປະທານຂອງສະຫາຍ ນາງ ວຽງໄຊ ເດດມຸງຄຸນ ຮອງເລ ຂາໜ່ວຍພັກຈັດຕັ້ງບໍລິຫານ ແລະ ກວດກາ. ສະຫາຍ ສຸດທິຍາ ສີປະ ເສີດ ສະມາຊິກໜ່ວຍພັກຈັດຕັ້ງ-ບໍລິຫານ ແລະ ກວດກາ ໄດ້ຜ່ານບົດລາຍງານການເມືອງ ແລະ ວາງທິດທາງ 5 ປີຕໍ່ໜ້າ ຊຶ່ງຜ່ານມາໜວ່ຍພັກຈັດຕັ້ງ-ບໍລິຫານ ແລະ ກວດກາແຂວງສາລະວັນ ກໍແມ່ນໜ່ວຍພັກໜຶ່ງ ທີ່ນອນໃນຄວາມຮັບຜິດຊອບພາຍໃຕ້ການຊີ້ນຳໆພາຂອງຄະນະພັກຮາກຖານພະແນກ ຍທຂ ແຂວງ ຊຶ່ງມີສະມາຊິກພັກທັງໝົດ 11 ສະຫາຍ ຍິງ 5 ສະຫາຍ ໃນໄລຍະຜ່ານມາ ໄດ້ເອົາໃຈໃສ່ປະຕິບັດໃນການ ຊີ້ນຳໆພາສຶກສາອົບຮົມການ ເມືອງແນວຄິດໃຫ້ແກ່ພະນັກ ງານສະມາຊິກພັກ, ພະນັກງານລັດຖະກອນຢ່າງເປັນປົກກະ ຕິ, ເຜີຍແຜ່ເຊື່ອມຊຶມ, ມະຕິ, ຄຳສັ່ງ, ລະບຽບການຕ່າງໆຂອງພັກ-ລັດວາງອອກ. ນອກຈາກນັ້ນກໍໄດ້ເອົາໃຈໃສ່ປັບປຸງກົງຈັກ ການຈັດຕັ້ງໃຫ້ສອດຄ່ອງກັບ ໜ້າທີ່ວຽກງານ, ເອົາໃຈໃສ່ວຽກ ງານວິຊາສະເພາະຂອງຕົນ, ວຽກງານອົງການຈັດຕັ້ງ, ວຽກ ງານເສດຖະກິດ ແລະ ວັດທະ ນະທຳ-ສັງຄົມ, ຜ່ານການຈັດ ຕັ້ງປະຕິບັດວຽກງານວິຊາສະ ເພາະຄື: ໄດ້ເອົາໃຈໃສ່ເຜີຍແຜ່ ເຊື່ອມຊຶມບັນດານິຕິກຳຕ່າງໆ ທີ່ສຳຄັນຂອງພັກ-ລັດໃຫ້ແກ່ສະ ມາຊິກພັກພະນັກງານ ລັດຖະ ກອນ, ໄດ້ມີການປັບປຸງແບບ ແຜນວິທີເຮັດວຽກ, ເອົາໃຈໃສ່ພັດທະນາບຸກຄະລາກອນ ເພື່ອສືບທອດໃນຮຸ່ນຕໍ່ໄປ, ຄົ້ນຄວ້າສົ່ງເສີມພະນັກງານໄປຮຽນທິດ ສະດີການເມືອງທັງໝົດ 11 ສະ ຫາຍ ຍິງ 2 ສະຫາຍ, ເອົາໃຈໃສ່ຕິດຕາມກວດກາການປະຕິບັດແຜນການເຄື່ອນໄຫວຕາມພາ ລະບາດບາດ, ສິດ ແລະ ໜ້າທີ່ ສຳລັບທິດທາງຕໍ່ໜ້າເພີ່ມທະວີບົດບາດ ແລະ ຍົກສູງຄວາມສາມາດນຳພາຂອງພັກ, ປັບປຸງການຈັດຕັ້ງຂອງໜ່ວຍພັກໃຫ້ປອດໃສ, ເຂັ້ມແຂງ ແລະ ໜັກ ແໜ້ນ, ສືບຕໍ່ເອົາໃຈໃສ່ຈັດຕັ້ງ, ເຜີຍແຜ່, ເຊື່ອມຊຶມ, ມະຕິ, ຄຳສັ່ງ ແລະ ເອກະສານສຳຄັນຕ່າງໆໃຫ້ໄດ້ 40 ຄັ້ງ ແລະ ວຽກງານອື່ນໆ. ຈາກນັ້ນ, ຜູ້ແທນກອງປະຊຸມກໍໄດ້ປະກອບຄຳຄິດຄຳເຫັນໃສ່ຮ່າງບົດລາຍ ງານການເມືອງ ພ້ອມທັງປ່ອນບັດຄັດເລືອກເອົາເລຂາໜ່ວຍພັກຊຸດໃໝ່ ຊຶ່ງມີຜູ້ສະໝັກທັງໝົດ 5 ສະຫາຍ, ເລືອກເອົາ 3 ສະຫາຍ. ກອງປະຊຸມຄັ້ງປະຖົມມະລືກໄດ້ເຫັນດີຕົກລົງແຕ່ງຕັ້ງ ສະຫາຍ ນາງ ວຽງໄຊ ເດດມຸງຄຸນ ເປັນເລຂາໜ່ວຍພັກຊຸດໃໝ່, ໄດ້ແຕ່ງຕັ້ງສະຫາຍ ລິນທອງ ແສງອາລຸນ ເປັນຮອງເລຂາໜ່ວຍ ແລະ ສະຫາຍ ສຸດທິຍາ ສີປະເສີດ ຄະນະໜ່ວຍທັງເປັນປະທານກວດກາ. (ພາບ-ຂ່າວ: ທິດລານີ ໂຄດໂຍທາ)