ກອງປະຊຸມໃຫຍ່ ຄັ້ງທີ VIII ຂອງໜ່ວຍພັກ ຫ້ອງການ ສນຊ

26.11.2019 10:50     

  ໜ່ວຍພັກຫ້ອງການສູນກາງແນວລາວສ້າງຊາດ (ສນຊ) ໄດ້ເປີດກອງປະຊຸມໃຫຍ່ ຄັ້ງທີ VIII ຂອງໜ່ວຍພັກຂຶ້ນ ໃນວັນທີ 21 ພະຈິກຜ່ານມາ ທີ່ ສນຊ ໂດຍການເຂົ້າຮ່ວມຂອງສະຫາຍ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ເລຂາຄະນະພັກ ປະທານ ສນຊ, ມີບັນດາຜູ້ຕາງໜ້າໜ່ວຍພັກກົມອ້ອມຂ້າງ, ສະມາຊິກພັກອາວຸໂສ-ບຳນານ, ຜູ້ຕາງໜ້າອົງການຈັດຕັ້ງມະຫາຊົນ ແລະ ສະມາຊິກພັກພາຍໃນໜ່ວຍ ພັກເຂົ້າຮ່ວມ. ໃນພິທີພາຍຫຼັງ ສະຫາຍ ຈັນເພັງ ສຸດທິວົງ ເລຂາໜ່ວຍພັກຫ້ອງການ ສນຊ ໄດ້ຜ່ານຮ່າງບົດລາຍງານການ ເມືອງຂອງໜ່ວຍພັກຫ້ອງການສູນກາງແນວລາວສ້າງຊາດໃນ ໄລຍະ 5 ປີ ຜ່ານມາ ແລະ ທິດ ທາງແຜນການ 5 ປີ ຕໍ່ໜ້າແລ້ວ ຜູ້ເຂົ້າຮ່ວມຍັງໄດ້ຮັບຟັງບົດສຳ ຫຼວດການນຳພາຂອງຄະນະ ໜ່ວຍພັກໄລຍະ 5 ປີຜ່ານມາ. ຈາກນັ້ນ, ກອງປະຊຸມໄດ້ໃຊ້ ສິດປະຊາທິປະໄຕປ່ອນບັດ ເລືອກເອົາຄະນະພັກຊຸດໃໝ່ ໂດຍກອງປະຊຸມໄດ້ເຫັນດີເປັນເອກະພາບເລືອກເອົາສະຫາຍ ຈັນເພັງ ສຸດທິວົງ ເປັນເລຂາໜ່ວຍພັກ, ສະຫາຍ ສົມປະສົງ ເວດສະພົງ ເປັນຮອງເລຂາໜ່ວຍພັກ ທັງເປັນປະທານກວດ ກາພັກ, ສະຫາຍ ຄໍາສະໄໝ ສາມາວົງ ເປັນຮອງເລຂາ ໜ່ວຍພັກ, ສະຫາຍ ນາງ ໄຊທິດາ ພົມວິຫານ ເປັນກໍາມະການ ແລະ ສະຫາຍ ທິດສະຫວັນ ວົງພັກດີ ເປັນກໍາມະການ. ໃນໂອກາດນີ້, ສະຫາຍ ໄຊສົມພອນ ພົມວິຫານ ໄດ້ເນັ້ນ ໃຫ້ຄະນະພັກຊຸດໃໝ່ຕ້ອງເອົາ ໃຈໃສ່ຢ່າງຫ້າວຫັນສືບຕໍ່ ປັບປຸງແບບແຜນວິທີເຮັດວຽກ, ແກ້ໄຂບັນດາຈຸດອ່ອນ, ຂໍ້ຄົງຄ້າງໃຫ້ຕົກໄປ ແລະ ເຊື່ອໝັ້ນວ່າ ຄະນະໜ່ວຍພັກຊຸດໃໝ່ຈະສືບຕໍ່ຊີ້ນໍາໆພາຈັດຕັ້ງປະຕິບັດມະຕິກອງປະຊຸມໃຫຍ່ຂອງໜ່ວຍພັກຫ້ອງການສ້າງໃຫ້ໄດ້ຜົນງານ ແລະ ຜົນສໍາເລັດທີ່ຍິ່ງໃຫຍ່ກວ່າ ເກົ່າ ພ້ອມທັງຮຽກຮ້ອງມາຍັງສະມາຊິກພັກທຸກສະຫາຍກໍຄືຜູ້ແທນກອງປະຊຸມ ຈົ່ງໄດ້ເຊີດຊູສະຕິ ແລະ ຄວາມຮັບຜິດຊອບການເມືອງຂອງຕົນໃຫ້ສູງຂຶ້ນເລື້ອຍໆ ເຮັດໃຫ້ວຽກງານແນວລາວສ້າງຊາດມີການຫັນປ່ຽນທີ່ຕັ້ງໜ້າ ແລະ ສືບຕໍ່ຮັກສານາມ ມະຍົດເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ຈົ່ງຮ່ວມແຮງຮ່ວມໃຈກັນຈັດຕັ້ງປະ ຕິບັດທິດທາງໜ້າທີ່ຂອງກອງປະຊຸມຄັ້ງນີ້ວາງອອກໃຫ້ໄດ້ຮັບຜົນສໍາເລັດຢ່າງຈົບງາມ. (ຂ່າວ-ພາບ: ສນຊ)