ແຕ່ງຕັ້ງ ເຈົ້າເມືອງໆຄົງເຊໂດນ ຄົນໃໝ່

26.11.2019 11:35     

  ທ້າຍອາທິດຜ່ານມາ ເມືອງ ຄົງເຊໂດນ ແຂວງສາລະວັນ ໄດ້ຈັດພິທີມອບ-ຮັບຕໍາແໜ່ງ ເຈົ້າເມືອງຄົງເຊໂດນ ຜູ້ເກົ່າ ແລະ ຜູ້ໃໝ່ ໂດຍເຂົ້າຮ່ວມມີສະ ຫາຍ ບົວທອງ ຄຸນຍອດປັນຍາ ຮອງເລຂາພັກແຂວງ ຮອງເຈົ້າ ແຂວງສາລະວັນ ພ້ອມດ້ວຍ ແຂກຖືກເຊີນເຂົ້າຮ່ວມ. ໂດຍປະຕິບັດຕາມມະຕິຕົກລົງຂອງຄະນະເລຂາທິການ ສູນກາງພັກ ເລກທີ 114/ຄລ ສພ, ລົງວັນທີ 14 ມິຖຸນາ 2019 ວ່າ ດ້ວຍການອະນຸມັດໃຫ້ພະນັກ ງານອອກພັກການ-ຮັບອຸດໜູນ ບໍານານຕົກລົງໃຫ້ສະຫາຍ ບຸນປອນ ອາສາພິທັກ ກຳມະ ການພັກແຂວງ ເລຂາພັກເມືອງ ຄົງເຊໂດນ, ອອກພັກການຮັບ ອຸດໜູນບໍານານ ແລະ ປະຕິ ບັດຕາມຂໍ້ຕົກລົງຄະນະປະຈໍາ ພັກ ແຂວງສາລະວັນ ເລກທີ 425/ຄຈພຂ.ສວ, ລົງວັນທີ 11 ພະຈິກ 2019 ວ່າດ້ວຍການ ແຕ່ງຕັ້ງເລຂາພັກເມືອງຄົງເຊ ໂດນ ແລະ ຂໍ້ຕົກລົງຂອງທ່ານ ເຈົ້າແຂວງສາລະວັນ ສະບັບ ເລກທີ 708/ຈຂ,ສວ, ລົງວັນທີ 11 ພະຈິກ 2019 ວ່າດ້ວຍການ ແຕ່ງຕັ້ງສະຫາຍ ແຫວນເພັດ ລັດດາວົງ ກຳມະການພັກ ແຂວງ ເປັນເຈົ້າເມືອງຄົງເຊ ໂດນຜູ້ໃໝ່, ຈາກນັ້ນ ສະຫາຍ ບຸນປອນ ອາສາພິທັກ ເຈົ້າ ເມືອງຄົງເຊໂດນຜູ້ເກົ່າກໍໄດ້ ຂຶ້ນຜ່ານບົດສະຫຼຸບຕີລາຄາ ການຊີ້ນຳໆພາຂອງຄະນະບໍລິ ຫານງານພັກເມືອງ 5 ປີ ສະ ໄໝທີ VII ຊຶ່ງມີຜົນສໍາເລັດ ຫຼາຍດ້ານມີທັງດ້ານດີ, ດ້ານ ອ່ອນ ແລະ ຂໍ້ຄົງຄ້າງວຽກງານ ທີ່ຈະສືບຕໍ່ປະຕິບັດ ໃນໄລຍະ ຕໍ່ໜ້າ ເພື່ອໃຫ້ຜູ້ມາຮັບໜ້າທີ່ ໃໝ່ໄດ້ຮັບຮູ້ເຂົ້າໃຈ, ສະຫາຍ ແຫວນເພັດ ລັດດາວົງ ກໍໄດ້ ຂຶ້ນຮັບໜ້າທີ່ ພ້ອມທັງໃຫ້ຄໍາ ໝັ້ນສັນຍາວ່າຈະສືບຕໍ່ຈັດຕັ້ງ ປະຕິບັດ ແລະ ຊີ້ນໍາໆພາ, ຊຸກ ຍູ້ການພັດທະນາໃຫ້ເມືອງຄົງ ເຊໂດນກ້າວໄກຂຶ້ນໄປ ເລື້ອຍໆ. (ພາບ-ຂ່າວ: ກິນດາວັນ)