ມອບ-ຮັບ ໜ້າທີ່ ແລະ ແຕ່ງຕັ້ງຕຳແໜ່ງ ບໍລິຫານພະນັກງານກະຊວງການຕ່າງປະເທດ

28.11.2019 10:15     

  ທີ່ກະຊວງການຕ່າງປະ ເທດໄດ້ຈັດຕັ້ງພິທີມອບ-ຮັບໜ້າທີ່ ລະຫວ່າງ ຫົວໜ້າຫ້ອງ ການຄະນະກຳມະການຊາຍແດນແຫ່ງຊາດ ແລະ ຫົວໜ້າກົມອົງການຈັດຕັ້ງສາກົນ ຜູ້ເກົ່າ ແລະ ຜູ້ໃໝ່ ພ້ອມທັງປະກາດການແຕ່ງຕັ້ງຮອງຫົວໜ້າກົມ 3 ທ່ານ, ຫົວໜ້າພະແນກ 4 ທ່ານ, ຮອງຫົວໜ້າພະແນກ 8 ທ່ານ ຂຶ້ນເມື່ອບໍ່ດົນມານີ້ ໂດຍໃຫ້ກຽດເຂົ້າຮ່ວມເປັນສັກຂີພິຍານຂອງທ່ານ ສະເຫຼີມໄຊ ກົມມະສິດ ກຳມະການສູນກາງພັກ ເລຂາຄະນະບໍລິຫານງານພັກກະຊວງ ລັດຖະມົນຕີກະຊວງການຕ່າງປະເທດ, ບັນດາຮອງລັດຖະມົນຕີ, ຫົວ ໜ້າຫ້ອງການ, ຫົວໜ້າກົມ ແລະ ຮອງຫົວໜ້າກົມຂອງກະຊວງການຕ່າງປະເທດ. ໃນພີທີໄດ້ປະກາດການແຕ່ງຕັ້ງ ທ່ານ ອານຸສິນ ຂັດຕິຍະລາດ ຮອງຫົວໜ້າຫ້ອງການຄະນະກຳມະການຊາຍແດນແຫ່ງຊາດ ເປັນຫົວໜ້າຫ້ອງການຄະນະກຳມະການຊາຍແດນແຫ່ງຊາດ ຕາມດຳລັດ ວ່າດ້ວຍການແຕ່ງຕັ້ງຫົວໜ້າຫ້ອງການຄະນະກຳມະການຊາຍແດນແຫ່ງຊາດ ກະຊວງການຕ່າງປະ ເທດ, ສະບັບເລກທີ 124/ນຍ, ລົງວັນທີ 29 ເມສາ 2019 ແລະ ປະກາດການແຕ່ງຕັ້ງທ່ານ ໄມທອງ ທໍາມະວົງສາ ຮອງ ຫົວໜ້າກົມອົງການຈັດຕັ້ງສາ ກົນ ເປັນຫົວໜ້າກົມອົງການຈັດຕັ້ງສາກົນ ຕາມດຳລັດວ່າດ້ວຍການແຕ່ງຕັ້ງຫົວໜ້າກົມອົງການຈັດຕັ້ງສາກົນ, ກະຊວງການຕ່າງປະເທດ, ສະບັບເລກ ທີ 229/ນຍ, ລົງວັນທີ 25 ກໍລະກົດ 2019 ພ້ອມດຽວກັນ ກໍໄດ້ປະກາດຕຳແໜ່ງບໍລິຫານຂັ້ນຮອງຫົວໜ້າກົມ ແລະ ຂັ້ນພະແນກຈຳນວນໜຶ່ງຂອງກະ ຊວງການຕ່າງປະເທດຄື: ຮອງ ຫົວໜ້າກົມຈັດຕັ້ງ ແລະ ພະ ນັກງານ 1 ທ່ານ, ຮອງຫົວໜ້າກົມການເງິນ 1 ທ່ານ, ຮອງຫົວ ໜ້າກົມສົນທິສັນຍາ ແລະ ກົດ ໝາຍ 1 ທ່ານ, ຫົວໜ້າພະແນກ ຫ້ອງການບໍລິການສະຖານທູດ 1 ທ່ານ, ຫົວໜ້າພະແນກກົມອາຊຽນ 1 ທ່ານ, ຫົວໜ້າພະແນກ ກົມພິທີການທູດ 1 ທ່ານ, ຫົວໜ້າພະແນກຫ້ອງການຄະນະກໍາມະການຊາຍແດນແຫ່ງຊາດ 1 ທ່ານ, ຮອງຫົວໜ້າພະແນກກົມເອີຣົບ ແລະ ອາເມຣິກາ 1 ທ່ານ, ຮອງຫົວໜ້າພະແນກ ກົມການເງິນ 2 ທ່ານ, ຮອງຫົວໜ້າພະແນກ ກົມອົງການຈັດຕັ້ງສາກົນ 1 ທ່ານ, ຮອງຫົວໜ້າພະແນກ ສະຖາບັນການຕ່າງປະເທດ 2 ທ່ານ ແລະ ຮອງຫົວໜ້າພະແນກ ກົມການຂ່າວ 2 ທ່ານ. ພິທີລົງນາມ ມອບ-ຮັບໜ້າທີ່ ໃນຄັ້ງນີ້ ໂດຍແມ່ນທ່ານ ແພງສະຫວັນ ແກ້ວປະເສີດ ຫົວໜ້າຫ້ອງການ ຄະນະກຳ ມະການຊາຍແດນແຫ່ງຊາດ ຜູ້ເກົ່າ ແລະ ທ່ານ ອານຸສິນ ຂັດຕິຍະລາດ ຫົວໜ້າຫ້ອງ ການຄະນະກຳມະການຊາຍແດນແຫ່ງຊາດ ຜູ້ໃໝ່ ແລະ ລະຫວ່າງທ່ານ ອະນຸພາບ ວົງໜໍ່ແກ້ວ ຫົວໜ້າກົມອົງການຈັດຕັ້ງສາກົນ ຜູ້ເກົ່າ ແລະ ທ່ານ ໄມທອງ ທຳມະວົງສາ ຫົວ ໜ້າກົມອົງການຈັດຕັ້ງສາກົນ ຜູ້ໃໝ່. ສ່ວນຫົວໜ້າຫ້ອງການຄະນະກຳມະການຊາຍແດນແຫ່ງຊາດ ຜູ້ເກົ່າ ທ່ານ ແພງສະຫວັນ ແກ້ວປະເສີດ ແມ່ນໄດ້ຮັບການແຕ່ງຕັ້ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ປະເທດມົງໂກລີ ແລະ ທ່ານຫົວໜ້າກົມອົງການຈັດຕັ້ງສາກົນ ຜູ້ເກົ່າ ທ່ານ ອະນຸພາບ ວົງໜໍ່ແກ້ວ ແມ່ນໄດ້ຮັບການແຕ່ງຕັ້ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ປະຈຳ ສຳນັກງານຜູ້ຕາງໜ້າຖາວອນ ແຫ່ງ ສປປ ລາວ ປະຈຳ ອົງການສະຫະປະຊາຊາດ, ທີ່ ນິວຢອກ. ໃນພິທີມອບ-ຮັບໜ້າທີ່ໃໝ່ ແລະ ປະກາດການແຕ່ງ ຕັ້ງຕຳແໜ່ງບໍລິຫານ ໃນຄັ້ງນີ້ ທ່ານ ສະເຫຼີມໄຊ ກົມມະສິດ ກຳມະການສູນກາງພັກ ເລຂາ ຄະນະບໍລິຫານງານພັກ ລັດ ຖະມົນຕີກະຊວງການຕ່າງ ປະເທດກໍໄດ້ໃຫ້ກຽດໂອ້ລົມ ແລະ ໃຫ້ຄຳໂອວາດແກ່ຜູ້ໄດ້ ຮັບການແຕ່ງຕັ້ງໃໝ່ໃຫ້ມີຄວາມ ໜັກແໜ້ນ ແລະ ຍົກສູງຄວາມເປັນແບບຢ່າງນຳໜ້າທາງດ້ານ ຄຸນທາດການເມືອງ, ຄຸນສົມ ບັດສິນທຳປະຕິວັດ, ແບບ ແຜນການນຳພາ, ຄວາມເສຍ ສະຫຼະ ເພື່ອສ່ວນລວມ, ຄວາມສາມັກຄີ ແລະ ເປັນເອກະພາບ, ເດັດດ່ຽວສະກັດກັ້ນ ແລະ ຕ້ານປະກົດການຫຍໍ້ທໍ້ຕ່າງໆ ແລະ ເຊີດຊູຄວາມເປັນແບບຢ່າງໃນ ການຊີ້ນຳ-ນຳພາ ແລະ ປະ ຕິບັດໜ້າທີ່ວຽກງານ ໃນຂະ ແໜງການຕ່າງປະເທດຢ່າງມີປະສິດທິພາບ. (ຂ່າວ: ກົມຂ່າວ ກະຊວງການຕ່າງປະເທດ)