ສສຊ ເຂດ 13 ສະເໜີ ໃຫ້ລັດຖະບານສືບຕໍ່ປັບປຸງພື້ນຖານໂຄງລ່າງ

28.11.2019 10:16     

  ທ່ານ ວຽງທະວີສອນ ເທບພະຈັນ ສະມາຊິກສະພາ ແຫ່ງຊາດ (ສສຊ) ເຂດເລືອກ ຕັ້ງທີ 13 ແຂວງສະຫວັນນະ ເຂດ ໄດ້ໃຫ້ສໍາພາດຕໍ່ນັກຂ່າວ ໜັງສືພິມ ປະຊາຊົນ ເມື່ອວັນ ທີ 25 ພະຈິກຜ່ານມາ, ໃນໂອ ກາດເຂົ້າຮ່ວມກອງປະຊຸມສະ ໄໝສາມັນ ເທື່ອທີ 8 ຂອງສະ ພາແຫ່ງຊາດ ຊຸດທີ VIII ວ່າ: ໃນໄລຍະທີ່ຜ່ານມາ ສສຊ ພວກ ເຮົາໄດ້ມີການເຄື່ອນໄຫວປະຕິບັດໜ້າທີ່ຂອງສະມາຊິກສະພາແຫ່ງຊາດຢ່າງຫ້າວຫັນໃນການ ລົງພົບປະກັບປະຊາຊົນ ເພື່ອ ເຜີຍແຜ່ຜົນສໍາເລັດຂອງກອງປະຊຸມໃນແຕ່ລະຄັ້ງ ແລະ ຮັບ ເອົາຄໍາສະເໜີຂອງປະຊາຊົນໃນທ້ອງຖິ່ນ. ໂດຍສະເພາະ ບັນຫາທີ່ພໍ່ແມ່ປະຊາຊົນສົນໃຈຫຼາຍຄື: ບັນຫາທີ່ກ່ຽວຂ້ອງກັບ ການປັບປຸງການແກ້ໄຂຊີວິດການເປັນຢູ່ຂອງປະຊາຊົນບັນ ດາເຜົ່າ ເຫດຜົນຍ້ອນໃນປີ ຜ່ານ ມາແມ່ນຖືກກະທົບຈາກໄພພິ ບັດທໍາມະຊາດນໍ້າຖ້ວມ. ດັ່ງນັ້ນ, ຈຶ່ງຮຽກຮ້ອງໃຫ້ ພາກລັດສ້າງເງື່ອນໄຂອໍານວຍ ຄວາມສະດວກໃຫ້ແກ່ການ ດໍາເນີນທຸລະກິດ, ການທໍາມາຫາກິນໃຫ້ມີຄວາມສະດວກສະບາຍຂຶ້ນຕື່ມ ສະເໜີ ໃຫ້ຊຸກຍູ້ການຜະລິດ, ການໃຫ້ ນະໂຍບາຍຕ່າງໆບໍ່ວ່າຈະເປັນ ດ້ານສິນເຊື່ອ, ການຊ່ວຍເຫຼືອ ທາງດ້ານແນວພັນ, ການກໍ່ສ້າງ ແລະ ສ້ອມແປງລະບົບຊົນລະ ປະທານທີ່ໄດ້ຮັບຜົນກະທົບ ເປ່ເພຈາກໄພພິບັດນໍ້າຖ້ວມທີ່ຜ່ານມາເພື່ອໃຫ້ປະຊາຊົນສາ ມາດທໍາການຜະລິດໄດ້ທັງລະ ດູແລ້ງ ແລະ ລະດູຝົນ; ອີກ ບັນຫາໜຶ່ງທີ່ສໍາຄັນຄືການ ສ້າງ ແລະ ສ້ອມແປງເສັ້ນທາງ ຢູ່ໃນຫຼາຍໆຈຸດເຊັ່ນ: ເສັ້ນທາງ ເຂົ້າສູ່ເມືອງ, ເຂົ້າເຂດບ້ານ, ຊຸມຊົນຕ່າງໆ ໃຫ້ສາມາດສັນຈອນໄປມາໄດ້ເປັນປົກກະຕິ ແລະ ແກ້ໄຂດ້ານການສຶກສາ ໂດຍສະເພາະແມ່ນການສ້າງ, ສ້ອມແປງອາຄານຮຽນ, ການ ລົງທຶນໃສ່ອຸປະກອນການສຶກ ສາ; ດ້ານສາທາລະນະສຸກ ເປັນຕົ້ນແມ່ນການສ້າງສຸກສາ ລາ ແລະ ຂາດບຸກຄະລາກອນ ໃນການໃຫ້ບໍລິການປິ່ນປົວປະ ຊາຊົນ ແລະ ບັນຫາທີ່ກໍາລັງ ໃຫ້ຄວາມສົນໃຈຫຼາຍໃນປັດ ຈຸບັນຄືການແກ້ໄຂດ້ານບຸກ ຄະລາກອນ ໂຄຕ້າລັດຖະກອນ ໂດຍສະເພາະຢູ່ໃນສອງຂະ ແໜງການໃຫຍ່ຂະແໜງການ ສຶກສາ ແລະ ຂະແໜງການສາ ທາລະນະສຸກ ຊຶ່ງສອງຂະ ແໜງການດັ່ງກ່າວແມ່ນມີພະນັກງານອາສາສະໝັກຫຼາຍ, ດັ່ງນັ້ນ, ຈຶ່ງເປັນການຫຍຸ້ງຍາກສົມຄວນປະຊາຊົນກໍຄອງຄອຍ ໃນການໃຫ້ຄວາມຊ່ວຍເຫຼືອ. ໃນນາມສະມາຊິກສະພາແຫ່ງ ຊາດກໍ ໄດ້ເຮັດໜ້າທີ່ສຸດຄວາມ ສາມາດ ເພື່ອນໍາເອົາຄວາມເປັນ ຫ່ວງຂອງປະຊາຊົນສະເໜີຕໍ່ ບັນດາອົງການກ່ຽວຂ້ອງຂອງ ລັດຖະ ບານຊອກຫາວິທີ ປັບປຸງ ແກ້ໄຂ. (ຂ່າວ-ພາບ: ຍຸພິນທອງ)