ກະຊວງການຕ່າງປະເທດ ເຊື່ອມຊຶມມູນເຊື້ອວັນຊາດ 2 ທັນວາ ຄົບຮອບ 44 ປີ

29.11.2019 9:54     

  ກະຊວງການຕ່າງປະເທດ ໄດ້ຈັດພິທີເຊື່ອມຊຶມມູນເຊື້ອວັນຊາດທີ 2 ທັນວາ ຄົບຮອບ 44 ປີ ແລະ ວັນເກີດ ປະທານ ໄກສອນ ພົມວິຫານ ຄົບຮອບ 99 ປີ ຂຶ້ນໃນວັນທີ 28 ພະຈິກນີ້ ທີ່ກະຊວງການຕ່າງປະເທດ, ພາຍໃຕ້ການເປັນປະທານຂອງ ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ, ມີພາກສ່ວນກ່ຽວຂ້ອງເຂົ້າຮ່ວມຮັບຟັງ. ທ່ານ ສະເຫຼີມໄຊ ກົມມະສິດ ໄດ້ຍົກໃຫ້ເຫັນເນື້ອໃນມູນເຊື້ອວັນຊາດ 2 ທັນວາ ແມ່ນວັນແຫ່ງໄຊຊະນະອັນຍິ່ງ ໃຫຍ່ ໃນຂະບວນການຕໍ່ສູ້ປົດ ປ່ອຍຊາດ; ແມ່ນວັນທີ່ປະຊາ ຊົນລາວບັນດາເຜົ່າໄດ້ມີອິດ ສະ ຫຼະພາບ ແລະ ເປັນເຈົ້າຂອງ ປະເທດຊາດຢ່າງແທ້ຈິງ, ມີເອ ກະລາດຢ່າງສົມບູນ, ມີອະທິປະໄຕຢ່າງຄົບຖ້ວນ ແລະ ໝາກຜົນທີ່ຍາດມາໄດ້ຕະຫຼອດໄລຍະ 44 ປີຜ່ານມາ ພ້ອມນັ້ນຍັງໄດ້ຍົກໃຫ້ເຫັນມູນເຊື້ອຜົນງານ ແລະ ຄຸນງາມຄວາມດີຂອງປະ ທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປວງຊົນລາວ ເພິ່ນໄດ້ເຂົ້າຮ່ວມເຄື່ອນໄຫວປະຕິວັດແຕ່ເຍົາໄວ, ໄດ້ຜ່ານການຝຶກຝົນທົດສອບໃນຂະບວການຕົວຈິງ ແລະ ຮັບຜິດຊອບວຽກງານແຕ່ນ້ອຍຫາໃຫຍ່ກ້າວຂຶ້ນເປັນຜູ້ນຳສູງສຸດຂອງພັກ ທັງແນໃສ່ເອົາແນວຄິດ ໄກສອນ ພົມວິຫານ ເຂົ້າເປັນແນວຄິດ ແລະ ທິດສະດີຂອງ ພັກປະຊາຊົນປະຕິວັດລາວ. ໃນຕອນທ້າຍ ທ່ານ ສະເຫຼີມໄຊ ກົມມະສິດ ໄດ້ເນັ້ນໃຫ້ຄະນະພັກທຸກຂັ້ນ ແລະ ສະມາຊິກພັກ ທຸກສະຫາຍ ຈົ່ງເພີ່ມຄວາມຮັບ ຜິດຊອບໃນການຊີ້ນຳໆພາ, ກໍາແໜ້ນອຸດົມການຂອງພັກ, ຈຸດປະສົງ, ຫຼັກການ, ທິດນໍາ, ເງື່ອນໄຂ ແລະ ຂັ້ນຕອນການຂະຫຍາຍສະມາຊິກພັກ ເພື່ອສ້າງໃຫ້ການຈັດຕັ້ງພັກຂັ້ນຕົນມີຄວາມປອດໃສ, ເຂັ້ມແຂງ ແລະ ໜັກແໜ້ນ, ສືບຕໍ່ມີບົດ ບາດໃນການຊີ້ນໍາ-ນໍາພາໃນ ທຸກຂົງເຂດວຽກງານ ແລະ ພ້ອມ ກັນນໍາເອົາເນື້ອໃນຈິດໃຈຂອງບັນດາເອກະສານດັ່ງກ່າວໄປ ຈັດຕັ້ງຜັນຂະຫຍາຍໃຫ້ປະກົດຜົນເປັນຈິງ. ສະນັ້ນ ຈຶ່ງມີຄວາມຈຳເປັນແກ່ພວກເຮົາທຸກຄົນຕ້ອງກຳໄດ້ພື້ນຖານ, ທິດທາງໃນການຄົ້ນຄວ້າ ແລະ ພ້ອມກັນຈັດຕັ້ງຜັນຂະຫຍາຍແນວຄິດ ໄກສອນ ພົມວິຫານ ໃນປັດ ຈຸບັນກໍຄືສະເພາະໜ້າທີ່ເປັນ ແນວຄິດທີ່ເລິກເຊິ່ງ ພາວະວິ ໄສ, ກວ້າງຂວາງແທດເຖິງກັບ ຕົວຈິງ ແລະ ຮອບດ້ານສອດຫ້ອຍເຂົ້າໃນທຸກຂົງເຂດວຽກງານ ເພື່ອແຂ່ງຂັນຮັກຊາດ ແລະ ພັດທະນາ. (ພາບ-ຂ່າວ: ກະຊວງການຕ່າງປະເທດ)