ຮອງນາຍົກເນັ້ນພະນັກງານສາທາລະນະສຸກ ສືບຕໍ່ເອົາໃຈໃສ່ 3 ບັນຫາໃຫຍ່


...

     ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະ ມົນຕີກະຊວງການເງິນ ໄດ້ໂອ້ລົມ ແລະ ໃຫ້ທິດຊີ້ນຳຕໍ່ກອງປະ ຊຸມສາທາລະນະສຸກທົ່ວປະເທດ ເມື່ອວັນທີ 28 ກຸມພານີ້ ທີ່ຫໍ ປະຊຸມແຫ່ງຊາດ ໂດຍມີທ່ານ ບຸນກອງ ສີຫາວົງ ລັດຖະມົນຕີກະ ຊວງສາທາລະນະສຸກ ພ້ອມດ້ວຍບັນດາຜູ້ແທນກອງປະຊຸມດັ່ງ ກ່າວ ເຂົ້າຮ່ວມຢ່າງພ້ອມພຽງ. ໃນການໂອ້ລົມຄັ້ງນີ້ ທ່ານຮອງນາຍົກລັດຖະມົນຕີ ໄດ້ສະແດງຄວາມຍ້ອງຍໍຊົມ ເຊີຍຕໍ່ບັນດາພະນັກງານສາ ທາລະນະສຸກໃນທົ່ວປະເທດ ທີ່ ປະຕິບັດໜ້າທີ່ວິຊາສະເພາະ ດ້ານມະນຸດສະທຳ ອັນສູງສົ່ງ ຂອງຕົນ ເພື່ອສົ່ງເສີມສຸຂະ ພາບການບໍລິການປິ່ນປົວ ແລະ ກອບກູ້ເອົາຊີວິດຂອງປະ ຊາຊົນບັນດາເຜົ່າໃນທົ່ວປະ ເທດຢ່າງຕັ້ງໜ້າ ແລະ ເພື່ອເປັນ ທິດໃນການຈັດຕັ້ງປະຕິບັດ ແຜນການປະຈຳປີ 2017, ແຜນ ການ 4 ປີ ຂອງຂະແໜງສາທາ ລະນະສຸກ ແລະ ແຜນປະຕິຮູບ ສາທາລະນະສຸກໄລຍະ II ຕ້ອງ ໄດ້ເອົາໃຈໃສ່ຕື່ມບາງບັນຫາ ສຳຄັນດັ່ງລຸ່ມນີ້: 1. ຂະແໜງສາທາລະນະ ສຸກ ຕ້ອງປະກອບສ່ວນຢ່າງຕັ້ງ ໜ້າກວ່າເກົ່າໃນພາລະກິດ ລວມແຫ່ງການແກ້ໄຂຄວາມ ທຸກຍາກຂອງປະຊາຊົນ ແລະ ຄວາມດ້ອຍພັດທະນາປະເທດ ຊາດ ຕາມແນວທາງຂອງພັກ ແລະ ລັດຖະບານ ໄດ້ວາງຄາດ ໝາຍໄວ້ແຕ່ນີ້ຫາປີ 2020 ຕ້ອງນຳພາປະເທດຊາດຫຼຸຸດ ພົ້ນອອກຈາກສະຖານະພາບ ດ້ອຍພັດທະນາ. 2. ຈົ່ງພ້ອມກັນອອກແຮງ ສູ້ຊົນຈັດຕັ້ງປະຕິບັດແຜນປະ ຕິຮູບສາທາລະນະສຸກ ແຕ່ປີ 2016 ຫາ 2020 ເພື່ອເລັ່ງລັດ ບັນລຸເປົ້າໝາຍສະຫັດສະວັດ ດ້ານການພັດທະນາອັນໃດທີ່ ຍັງບໍ່ທັນບັນລຸເປັນຕົ້ນດ້ານໂພ ສະນາການ ແລະ ເປົ້າໝາຍ ການພັດທະນາແບບຍືນຍົງ (SDGs) ໃນປີ 2030 ດັ່ງນັ້ນ ຄວນເອົາໃຈໃສ່ໃນການກໍ່ສ້າງ ພະນັກງານ, ສ້າງຊ່ຽວຊານຜູ້ ສຳນານງານໃຫ້ຫຼາຍ, ສ້າງນັກ ຄົ້ນຄວ້າວິທະຍາສາດການ ແພດໃຫ້ມີສາສະດາຈານໃຫ້ ຫຼາຍກວ່າເກົ່າ ເພື່ອສິດສອນ ນັກສຶກສາແພດ ແຕ່ສິ່ງສຳຄັນ ກໍ່ສ້າງພະນັກງານຕ້ອງໃຫ້ມີ ຄຸນນະພາບ ບໍ່ຄວນແລ່ນນຳ ປະລິມານ. 3. ສືບຕໍ່ການວາງແຜນ ພັດທະນາສາທາລະນະສຸກ 2017 ແລະ ແຜນການ 4 ປີ ຮອດ 2020 ຢ່າງລະອຽດ ແລະ ໃຫ້ມີການຈັດລຽງບູລິມະສິດ ເພາະງົບປະມານຂອງລັດຖະ ບານກໍຍັງຂາດເຂີນ. ນອກນັ້ນ ກໍຢາກໃຫ້ກວດກາເບິ່ງມາດ ຕະການ ແລະ ວິທີການໃນ ການຈັດຕັ້ງປະຕິບັດແຜນ. ແລະ ຮຽກຮ້ອງມາຍັງທ່ານເຈົ້າ ແຂວງໃຫ້ຊ່ວຍຂະແໜງການ ສາທາລະນສຸກທາງດ້ານການ ຈັດສັນງົບປະມານ ແລະ ຊ່ວຍ ໃນການປຸກລະດົມພໍ່ແມ່ປະຊາ ຊົນ ໃນການເຂົ້າຮ່ວມກິດຈະ ກຳຕ່າງໆ ເປັນຕົ້ນຂະບວນ ການສັກ - ຢອດຢາກັນພະ ຍາດ ແລະ ຂະບວນການຕ້ານ ການລະບາດຂອງພະຍາດ. (ຂ່າວ: ຕຸໄລເພັດ)