ງານປະມູນລົດຄັ້ງປະຫວັດສາດສຳເລັດຢ່າງຈົບງາມ


...

     ງານປະມູນລົດລັດ ຈຳນວນ 14 ຄັນ ໃນນັ້ນ ເປັນລົດຍີ່ຫໍ້ບີເອັມດັບເບິນຢູ (BMW) 7 ຄັນ ແລະ ລົດຍີ່ຫໍ້ ເບັນ (BENZ) ລຸ້ນ S 350 ຈຳ ນວນ 7 ຄັນ ທີ່ການນຳເຮົາເຄີຍ ນຳໃຊ້ມາກ່ອນ ໄດ້ຈັດຂຶ້ນຢ່າງ ເປັນທາງການທີ່ຫໍປະຊຸມແຫ່ງ ຊາດ ເມື່ອເວລາ 15:30 ໂມງ ຂອງວັນທີ 28 ກຸມພາຜ່ານມາ ໂດຍການເຂົ້າຮ່ວມເປັນກຽດ ຂອງ ທ່ານ ສົມດີ ດວງດີ ຮອງ ນາຍົກລັດຖະມົນຕີ ລັດຖະມົນຕີ ກະຊວງການເງິນ ພ້ອມແຂກ ຖືກເຊີນ ແລະ ຜູ້ປະມູນເຂົ້າ ຮ່ວມຢ່າງຫຼວງຫຼາຍ. ໃນພິທີ ທ່ານ ຄຳລາວັນ ຈັນທະລາວັນ ຮອງລັດຖະມົນ ຕີ, ຮອງຫົວໜ້າຫ້ອງວ່າການ ສຳນັກງານນາຍົກລັດຖະມົນຕີ ໄດ້ຜ່ານລະບຽບຂອງການປະ ມູນຂາຍພາຫະນະແບບເປີດ ກວ້າງ ແນໃສ່ປະຕິບັດການ ປະມູນໃຫ້ຖືກຕ້ອງຕາມລະບຽບ ຫຼັກການ, ຮັບປະກັນຄວາມ ໂປ່ງໃສ ແລະ ມີປະສີດທິຜົນ ສູງ. ຫຼັງຈາກນັ້ນໄດ້ກ້າວສູ່ຂັ້ນ ຕອນການປະມູນຢ່າງເປັນທາງ ການໂດຍເລີ່ມຈາກການປະ ມູນລົດ BMW ລຸ້ນ 730 LI ໝາຍເລກທະບຽນ ກຜ 8893 ປີນຳໃຊ້ 2012 ເລກກົງເຕີ: 20.972 ກມ ຊຶ່ງແມ່ນລົດປະ ຈຳຕຳແໜ່ງຂອງທ່ານ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດເຮົາ ເຄີຍໃຊ້ ມາກ່ອນໃນລາຄາເບື້ອງຕົ້ນ 830 ລ້ານກີບ. ຜູ້ຊະນະການ ປະມູນແມ່ນ ບໍລິສັດ ບີວີກຣຸບ ຈຳກັດ (BV Group) ໃນລາຄາ 890 ລ້ານກີບ. ສ່ວນລົດ ກຂ (BMW) 730 LI ກຜ 8896 ປີນຳໃຊ້ 2012 ເລກກົງເຕີ 13.613 ກມ ຊຶ່ງແມ່ນລົດປະ ຈຳຕຳແໜ່ງຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ລາຄາປະມູນໃນເບື້ອງຕົ້ນແມ່ນ 830 ລ້ານກີບ ຜູ້ຊະນະການ ປະມູນແມ່ນ ທ່ານ ທອງລິດ ກິ່ງແກ້ວອຸດົມ ໃນລາຄາຊະນະ ການປະມູນ 1.330 ລ້ານກີບ. ສ່ວນຜູ້ຊະນະການປະມູນລົດ ຄັນອື່ນໆຈະລາຍງານຕາມຫຼັງ.