ຮອງນາຍົກລັດຖະມົນຕີຢ້ຽມຢາມ ແລະ ເຮັດວຽກຢູ່ແຂວງຕຽນຢາງ


...

    

ສະຫາຍ ສອນໄຊ ສີພັນ ດອນ ກຳມະການກົມການ ເມືອງສູນກາງພັກ ຮອງນາຍົກ ລັດຖະມົນຕີ ພ້ອມດ້ວຍຄະນະ ໄດ້ສືບຕໍ່ເດີນທາງໄປຢ້ຽມຢາມ ແລະ ເຮັດວຽກຢູ່ແຂວງຕຽນ ຢາງ ໃນວັນທີ 26 ຕຸລາຜ່ານ ມານີ້ ໂດຍມີສະຫາຍ ຫງວຽນ ວັນແທງ ກຳມະການສູນກາງ ພັກກອມມູນິດຫວຽດນາມ ເລ ຂາພັກແຂວງ ປະທານສະພາ ປະຊາຊົນແຂວງ ພ້ອມດ້ວຍ ຄະນະນຳແຂວງ, ບັນດາພະ ແນກການໃຫ້ການຕ້ອນຮັບ ຢ່າງອົບອຸ່ນ. ກ່ອນອື່ນ, ສະຫາຍເລຂາ ພັກແຂວງ ປະທານສະພາປະ ຊາຊົນແຂວງ ກໍໄດ້ສະແດງ ຄວາມຍິນດີຕ້ອນຮັບຢ່າງອົບ ອຸ່ນ ຊຶ່ງການຢ້ຽມຢາມແຂວງ ຕຽນຢາງຂອງຄະນະທ່ານຮອງ ນາຍົກລັດຖະມົນຕີ ແຫ່ງ ສປປ ລາວ ແມ່ນຢູ່ໃນໄລຍະທ່າມ ກາງບັນຍາກາດທີ່ສອງພັກ, ສອງລັດ ແລະ ປະຊາຊົນສອງ ຊາດລາວ-ຫວຽດນາມ ພວມ ຮ່ວມກັນສະເຫຼີມສະຫຼອງປີສາ ມັກຄີມິດຕະພາບລາວ-ຫວຽດ ນາມ, ຫວຽດນາມ-ລາວ 2017 ກໍຄືສອງວັນປະຫວັດສາດ ຄົບ ຮອບ 40 ປີ ແຫ່ງການເຊັນ ສົນທິສັນຍາມິດຕະພາບ ແລະ ການຮ່ວມມື ແລະ 55 ປີແຫ່ງ ການສ້າງຕັ້ງສາຍພົວພັນການ ທູດລະຫວ່າງສອງປະເທດ. ໃນໂອກາດນີ້ ສະຫາຍ ເລວັນເຫງ໋ຍ ຮອງປະທານກຳ ມະການປະຊາຊົນແຂວງຕຽນ ຢາງ ກໍໄດ້ລາຍງານກ່ຽວກັບ ສະພາບການພົວພັນຮ່ວມມື ກັບບາງທ້ອງຖິ່ນຂອງ ສປປ ລາວ ເວົ້າລວມ, ເວົ້າສະເພາະ ແມ່ນການພົວພັນຮ່ວມມືກັບ ແຂວງຄຳມ່ວນໃນໄລຍະຜ່ານ ມາ ຊຶ່ງເຫັນວ່າການພົວພັນ ຮ່ວມມືດັ່ງກ່າວ ນັບມື້ນັບໄດ້ ຮັບການເສີມຂະຫຍາຍ ຊຶ່ງໄດ້ ມີການພົວພັນແລກປ່ຽນໃນຂົງ ເຂດວຽກງານການປູກຝັງ ແລະ ລ້ຽງສັດ, ກິລາ, ວັດທະນະທຳ- ສັງຄົມ ແລະ ວຽກງານອື່ນໆ ບົນພື້ນຖານບົດບັນທຶກການ ຮ່ວມມືຂອງສອງຝ່າຍ, ມູນຄ່າ ການສົ່ງອອກໄປ ສປປ ລາວ ໃນປີ 2016 ບັນລຸ 278.000 ໂດລາສະຫະລັດ, ສະເພາະ 9 ເດືອນປີ 2017 ບັນລຸ 163.000 ໂດລາສະຫະລັດ. ສຳລັບການຮ່ວມມືໃນຕໍ່ ໜ້ານັ້ນ, ສະຫາຍຮອງປະທານ ກຳມະການປະຊາຊົນແຂວງ ຕຽນຢາງ ຍັງຫວັງວ່າພັກ, ລັດ ຖະບານ ແລະ ປະຊາຊົນລາວ ຈະສືບຕໍ່ສ້າງເງື່ອນໄຂ, ຊ່ວຍ ເຫຼືອ, ສະໜັບສະໜູນ, ການ ພົວພັນຮ່ວມມືກັບບັນດາທ້ອງ ຖິ່ນຂອງລາວ ໃຫ້ນັບມື້ນັບ ແໜ້ນແຟ້ນຂຶ້ນກວ່າເກົ່າ. ສຳ ລັບການພັດທະນາເສດຖະກິດ ຂອງແຂວງນັ້ນ, ສະຫາຍ ເລ ວັນເຫງ໋ຍ ຍັງໄດ້ລາຍງານໃຫ້ ຊາບວ່າ: ແຂວງຕຽນຢາງ ເປັນ ແຂວງໜຶ່ງທີ່ຕັ້ງຢູ່ທົ່ງພຽງແມ່ ນ້ຳຂອງ ແລະ ເປັນແຂວງທີ່ ນອນຢູ່ໃນເຂດທີ່ມີທ່າແຮງທາງ ດ້ານເສດຖະກິດ, ຫ່າງຈາກນະ ຄອນໂຮ່ຈິມິນ ໄປທາງທິດໃຕ້ ປະມານ 70 ກິໂລແມັດ, ມີເນື້ອ ທີ່ 2.508 ກິໂລຕາແມັດ, ປະ ກອບມີ 11 ເມືອງ, ມີພົນລະ ເມືອງປະມານ 1,7 ລ້ານຄົນ. ໃນນັ້ນ ມີກຳລັງແຮງງານກວມ 74% ຂອງຈຳນວນພົນລະ ເມືອງທັງໝົດ. ແຂວງຕຽນຢາງ ຖືກຂະໜານນາມວ່າເປັນເຂດ ສະໜອງໝາກໄມ້ຫຼາຍຊະນິດ ທີ່ໃຫຍ່ທີ່ສຸດຂອງ ສສ ຫວຽດ ນາມ ໃນຈຳນວນເນື້ອທີ່ 87.000 ເຮັກຕາ, ຜົນຜະລິດ ບັນລຸໄດ້ 1,3 ລ້ານໂຕນ/ປີ. ນອກຈາກນັ້ນ ແຂວງຍັງໄດ້ສະ ໜອງສະບຽງອາຫານຕື່ມອີກ ຊຶ່ງເຮັດໃຫ້ເສດຖະກິດໄດ້ມີ ການຂະຫຍາຍຕົວຢ່າງຕໍ່ເນື່ອງ ຊີວິດການເປັນຢູ່ຂອງປະຊາ ຊົນກໍໄດ້ຮັບການປັບປຸງ ແລະ ຍົກສູງຂຶ້ນເປັນກ້າວໆ ລວມ ຍອດຜະລິດຕະພັນພາຍໃນ ບັນລຸ 9,1%, ລາຍໄດ້ສະເລ່ຍ ປະມານ 2.000 ໂດລາສະຫະ ລັດຕໍ່ຄົນຕໍ່ປີ. ໃນໂອກາດດັ່ງກ່າວ, ສະ ຫາຍຮອງນາຍົກລັດຖະມົນຕີ ກໍໄດ້ແຈ້ງຈຸດປະສົງຂອງການ ເດີນທາງມາຢ້ຽມຢາມເຮັດວຽກ ຢູ່ ສສ ຫວຽດນາມ ຄັ້ງນີ້ ແລະ ຕີລາຄາສູງຕໍ່ສາຍພົວພັນມິດ ຕະພາບອັນເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານລະ ຫວ່າງລາວ-ຫວຽດນາມ ໂດຍ ແມ່ນປະທານ ໂຮ່ຈິມິນ ຜູ້ຍິ່ງ ໃຫຍ່, ປະທານ ສຸພານຸວົງ ແລະ ປະທານ ໄກສອນ ພົມວິ ຫານ ຜູ້ນຳທີ່ເຄົາລົບຮັກເປັນ ຜູ້ສ້າງຕັ້ງຂຶ້ນນັ້ນ ສືບຕໍ່ໄດ້ຮັບ ການເສີມຂະຫຍາຍເຂົ້າສູ່ ລວງເລິກແທດເໝາະຕົວຈິງ ແລະ ຖືໂອກາດດຽວກັນ ສະ ແດງຄວາມຂອບໃຈເປັນຢ່າງ ສູງມາຍັງອຳນາດການປົກຄອງ ແລະ ປະຊາຊົນແຂວງຕຽນ ຢາງ ທີ່ສ້າງເງື່ອນໄຂອຳນວຍ ຄວາມສະດວກຕະຫຼອດໄລ ຍະເຄື່ອນໄຫວເຮັດວຽກຢູ່ ແຂວງ. ຕໍ່ກັບການພັດທະນາ ເສດຖະກິດ-ສັງຄົມຂອງແຂວງ ນັ້ນ, ສະຫາຍຮອງນາຍົກລັດ ຖະມົນຕີ ກໍໄດ້ສະແດງຄວາມ ຊົມເຊີຍຢ່າງຈິງໃຈຕໍ່ບັນດາຜົນ ສຳເລັດທີ່ສາມາດຍາດມາໄດ້ ຢ່າງໃຫຍ່ຫຼວງ ໂດຍນຳໃຊ້ທ່າ ແຮງບົ່ມຊ້ອນຂອງຕົນ ຈົນສາ ມາດເຮັດໃຫ້ມີຜະລິດຕະພັນ ໝາກໄມ້ສົ່ງອອກ, ສິ່ງສຳຄັນ ຊີວິດການເປັນຢູ່ຂອງປະຊາ ຊົນ ໄດ້ຮັບການປັບປຸງດີຂຶ້ນ. ສຳລັບການພົວພັນຮ່ວມມືກັບ ສປປ ລາວ ນັ້ນສະເໜີໃຫ້ ແຂວງສືບຕໍ່ແລກປ່ຽນບົດຮຽນ ຮ່ວມກັນກັບບັນດາແຂວງ ແລະ ຂະແໜງການຕ່າງໆຂອງ ສປປ ລາວ ໃຫ້ຫຼາຍຂຶ້ນຕື່ມອີກ ໂດຍສະເພາະແມ່ນບົດຮຽນ ກ່ຽວກັບການປູກຝັງ ຊຶ່ງເຫັນ ວ່າຢູ່ບາງແຂວງຂອງລາວ ກໍມີ ທ່າແຮງດ້ານນີ້ ແລະ ຖືໂອ ກາດນີ້ ເຊື້ອເຊີນການນຳຂອງ ແຂວງ ແລະ ບັນດາບໍລິສັດ, ຜູ້ປະກອບການຕ່າງໆໄປຢ້ຽມ ຢາມ ແລະ ສຶກສາສຳຫຼວດ ຄວາມເປັນໄປໄດ້ ເພື່ອຂະ ຫຍາຍແນວພັນການປູກຕົ້ນ ໄມ້ໃຫ້ໝາກເວົ້າສະເພາະ, ເວົ້າລວມແມ່ນການລົງທຶນເຂົ້າ ໃນຂົງເຂດກະສິກຳຢູ່ ສປປ ລາວ ຕື່ມອີກ. ໃນໄລຍະເຄື່ອນໄຫວເຮັດ ວຽກຢູ່ແຂວງດັ່ງກ່າວ, ສະຫາຍ ຮອງນາຍົກລັດຖະມົນຕີ ພ້ອມ ດ້ວຍຄະນະຍັງໄດ້ໄປຢ້ຽມ ຢາມສະຖາບັນຄົ້ນຄວ້າແນວ ພັນໄມ້ໃຫ້ໝາກພາກໃຕ້ ແລະ ສະຖານທີ່ທ່ອງທ່ຽວ, ລ້ຽງສັດ ປ່າຂອງແຂວງຕື່ມອີກ.