ເລຂາທິການໃຫຍ່ ຕ້ອນຮັບປະທານ ສະພາແຫ່ງຊາດ ຫວຽດນາມ


...

    

ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິ ຫານງານສູນກາງພັກປະຊາຊົນ ປະຕິວັດລາວ ປະທານປະເທດ ແຫ່ງ ສປປ ລາວ ໄດ້ຕ້ອນຮັບ ການເຂົ້າຢ້ຽມຂ່ຳນັບຂອງ ສະຫາຍ ນາງ ຫງວຽນ ທິ ກິມ ເງິນ ກຳມະການກົມການເມືອງ ສູນກາງພັກກອມມູນິດຫວຽດ ນາມ ປະທານສະພາແຫ່ງຊາດ ແຫ່ງ ສສ ຫວຽດນາມ ໃນ ວັນທີ 1 ພະຈິກນີ້ ທີ່ທຳນຽບ ປະທານປະເທດ. ໃນໂອກາດນີ້ ສະຫາຍ ບຸນຍັງ ວໍລະຈິດ ໄດ້ສະແດງ ຄວາມຕ້ອນຮັບ ແລະ ຕີລາຄາ ສູງຕໍ່ສະຫາຍປະທານສະພາ ແຫ່ງຊາດ ສສ ຫວຽດນາມ ທີ່ເດີນທາງມາເຂົ້າຮ່ວມພິທີວາງສີລາລືກ ແລະ ເປີດໂຄງ ການກໍ່ສ້າງຫໍສະພາແຫ່ງຊາດ ລາວຫຼັງໃໝ່ ຊຶ່ງເປັນການປະ ກອບສ່ວນອັນສຳຄັນເຂົ້າໃນ ການເສີມຂະຫຍາຍສາຍພົວ ພັນມິດຕະພາບທີ່ເປັນມູນເຊື້ອ, ຄວາມສາມັກຄີພິເສດ, ການ ຮ່ວມມືຮອບດ້ານ ແລະ ຄວາມ ໄວ້ເນື້ອເຊື່ອໃຈລະຫວ່າງສອງ ພັກ, ສອງລັດ ແລະ ປະຊາຊົນ ສອງຊາດ ລາວ-ຫວຽດນາມ ໃຫ້ສືບຕໍ່ໄດ້ຮັບການເພີ່ມພູນ ຄູນສ້າງ ແລະ ພັດທະນາຂຶ້ນ ຢ່າງບໍ່ຢຸດຢັ້ງ ແລະ ນັບມື້ກ້າວ ເຂົ້າສູ່ລວງເລິກ. ພິເສດ ແມ່ນ ເປັນການສະເຫຼີມສະຫຼອງປີ ສາມັກຄີມິດຕະພາບ ລາວ- ຫວຽດນາມ, ຫວຽດນາມ-ລາວ ກໍຄືສະຫຼອງສອງວັນປະຫວັດ ສາດ ຄົບຮອບ 55 ປີ ວັນ ແຫ່ງການພົວພັນການທູດ ແລະ 40 ປີ ວັນເຊັນສົນທິສັນ ຍາມິດຕະພາບ ແລະ ການ ຮ່ວມມື ລາວ-ຫວຽດນາມ. ໃນໂອກາດດັ່ງກ່າວ ສະຫາຍ ປະທານສະພາແຫ່ງ ແຫ່ງ ສສ ຫວຽດນາມ, ກໍໄດ້ຕາງ ໜ້າໃຫ້ກັບຄະນະຜູ້ແທນຂັ້ນ ສູງສະແດງຄວາມຂອບໃຈຕໍ່ ສະຫາຍເລຂາທິການໃຫຍ່ ປະທານປະເທດ ແຫ່ງ ສປປ ລາວ ທີ່ໄດ້ໃຫ້ການຕ້ອນຮັບ ຢ່າງອົບອຸ່ນ. (ຂ່າວ: ແສງຈັນ)