ຮອງນາຍົກລັດຖະມົນຕີ ໂອ້ລົມພະນັກງານ ຫຼັກແຫຼ່ງເມືອງປາກກະດິງ


...

    

ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ປະທານຄະນະກວດກາສູນກາງ ພັກ ປະທານອົງການກວດກາ ລັດຖະບານ ແລະ ຫົວໜ້າອົງ ການຕ້ານການສໍ້ລາດບັງຫຼວງ ຂັ້ນສູນກາງ ໄດ້ໃຫ້ກຽດພົບປະ ໂອ້ລົມຕໍ່ພະນັກງານການນຳ ຫຼັກແຫຼ່ງເມືອງປາກກະດິງ ແຂວງບໍລິຄຳໄຊ ທີ່ສະໂມສອນ ຂອງເມືອງດັ່ງກ່າວ ໃນວັນທີ 31 ຕຸລາຜ່ານ ມານີ້, ໂດຍການ ເຂົ້າຮ່ວມຂອງ ທ່ານ ກອງແກ້ວ ໄຊສົງຄາມ ເລຂາພັກແຂວງ ເຈົ້າແຂວງບໍລິຄຳໄຊ, ມີພາກ ສ່ວນກ່ຽວຂ້ອງເຂົ້າຮ່ວມ. ທ່ານ ບຸນທອງ ຈິດມະນີໄດ້ຮັບຟັງການລາຍງານວຽກ ງານສະພາບການພັດທະນາ ເສດຖະກິດ-ສັງຄົມຂອງເມືອງ ໂດຍຫຍໍ້ຈາກທ່ານ ສົມພອນ ຈັນທະນາສຸກ ເຈົ້າເມືອງປາກ ກະດິງ ຊຶ່ງໄດ້ຍົກໃຫ້ເຫັນວ່າ: ທົ່ວເມືອງສືບຕໍ່ມີສະຖຽນລະ ພາບທາງດ້ານການເມືອງ, ສັງ ຄົມມີຄວາມສະຫງົບປອດໄພ ແລະ ເປັນລະບຽບຮຽບຮ້ອຍ ໂດຍພື້ນຖານ, ເສດຖະກິດໄດ້ ຮັບການພັດທະນາ ແລະ ຂະ ຫຍາຍຕົວຢ່າງຕໍ່ເນື່ອງ, ປະຊາ ຊົນສ່ວນຫຼາຍເຮັດອາຊີບປູກ ຝັງ-ລ້ຽງສັດ, ອັນພົ້ນເດັ່ນແມ່ນ ປູກເຂົ້ານາປີໃນເນື້ອທີ່ 8.204 ເຮັກຕາ, ສະເລ່ຍຜົນຜະລິດ 3,5 ໂຕນຕໍ່ເຮັກຕາ, ປູກໃບຢາ ສູບ 284 ເຮັກຕາ, ປູກສາລີ 192 ເຮັກຕາ, ໝາກນັດ 290 ເຮັກຕາ, ມັນຕົ້ນ 1.179 ເຮັກຕາ, ລ້ຽງສັດ ແລະ ອື່ນໆ, ມີ ການຈັດແບ່ງເປັນກຸ່ມ, ມີກອງ ທຶນສົ່ງເສີມການຜະລິດຂະ ໜາດນ້ອຍ-ຂະໜາດກາງ. ສ່ວນການຈັດເກັບລາຍ ຮັບງົບປະມານ 9 ເດືອນຕົ້ນປີ 2017 ປະຕິບັດໄດ້ 7,04 ຕື້ ກີບ ເທົ່າກັບ 88,31% ຂອງ ແຜນການ, ຄອບຄົວທຸກຍາກ ຍັງ 20 ຄອບຄົວ ເທົ່າກັບ 0,2% ຂອງຄອບຄົວທັງໝົດ, ເມືອງໄດ້ປະກາດຮັບຮອງເປັນ ເມືອງພົ້ນທຸກແຕ່ ປີ 2006 ແລະ ປີ 2017 ໄດ້ ຮັບຮອງເປັນ ເມືອງ 4 ບຸກ. ໃນໂອກາດນີ້, ທ່ານຮອງ ນາຍົກລັດຖະມົນຕີ ໄດ້ໃຫ້ ກຽດໂອ້ລົມ ແລະ ມີຄຳເຫັນຊີ້ ນຳຕໍ່ການພັດທະນາເສດຖະ ກິດ-ສັງຄົມຂອງເມືອງຕື່ມບາງ ດ້ານ ເປັນຕົ້ນເອົາໃຈໃສ່ປະຕິ ບັດວຽກງານປ້ອງກັນຊາດ- ປ້ອງກັນຄວາມສະຫງົບຢ່າງ ແຂງແຮງ ໂດຍສະເພາະແມ່ນ ຕ້ານ ແລະ ສະກັດກັ້ນປາກົດ ການຫຍໍ້ທໍ້ຕ່າງໆຢ່າງທັນການ, ເອົາໃຈໃສ່ພັດທະນາສີມືແຮງ ງານໃຫ້ແກ່ປະຊາຊົນ ເພື່ອສາ ມາດສ້າງວຽກເຮັດງານທຳ ກໍຄື ສ້າງລາຍຮັບໃຫ້ແກ່ເຂົາເຈົ້າ, ເອົາໃຈໃສ່ຕໍ່ການແກ້ໄຂຄວາມ ທຸກຍາກຂອງປະຊາຊົນໃຫ້ຫຼຸຸດ ໜ້ອຍຖອຍລົງເປັນກ້າວໆ, ສືບ ຕໍ່ຊຸກຍູ້ປະຊາຊົນເອົາໃຈໃສ່ ພັດທະນາຕົນເອງ ໂດຍເລັ່ງ ໃສ່ການນຳໃຊ້ທ່າແຮງຂອງ ທ້ອງຖິ່ນ ລວມທັງການສ້າງສະ ຕິຄວາມເປັນເຈົ້າການເຄົາລົບ ລະບຽບກົດໝາຍ, ນັບຖືການ ຈັດຕັ້ງ, ສ້າງສະຕິຊາດ..., ເອົາ ໃຈໃສ່ຕໍ່ວຽກງານຮັກສາສຸຂະ ພາບຂອງປະຊາຊົນຕາມຫຼັກ ອະນາໄມ 3 ສະອາດ, ປັບປຸງ ລະບົບການເມືອງຢູ່ຮາກຖານ ໃຫ້ມີຄວາມໜັກແໜ້ນ, ເຂັ້ມ ແຂງບົນພື້ນຖານຄວາມເປັນ ເອກະພາບຂອງຄະນະພັກ-ຄະນະນຳທຸກຂັ້ນ ແລະ ຄວາມ ສາມັກຄີພາຍໃນຢ່າງແໜ້ນ ແຟ້ນ ຊຶ່ງສິ່ງເຫຼົ່ານີ້ມັນເປັນ ຂອດຕັດສິນຕໍ່ການຈັດຕັ້ງປະ ຕິບັດວຽກງານຮອບດ້ານຂອງ ເມືອງໃຫ້ມີຜົນສຳເລັດ. ໃນຕອນບ່າຍຂອງວັນ ດຽວກັນ, ທ່ານ ບຸນທອງ ຈິດ ມະນີ ຍັງໄດ້ຮັບຟັງການລາຍ ງານຫຍໍ້ຈາກການຈັດຕັ້ງປະຕິ ບັດແຜນພັດທະນາເສດຖະກິດ -ສັງຄົມໄລຍະຜ່ານມາ ໂດຍ ສະເພາະແມ່ນສະພາບການ ຈັດຕັ້ງຜັນຂະຫຍາຍມະຕິກອງ ປະຊຸມຂອງອົງຄະນະພັກແຂວງ ແລະ ມະຕິກອງປະຊຸມໃຫຍ່ ຄັ້ງທີ X ຂອງພັກ, ສະພາບ ລວມຂອງແຂວງກ່ຽວກັບວຽກ ງານປ້ອງກັນຊາດ-ປ້ອງກັນ ຄວາມສະຫງົບ, ແຜນພັດທະ ນາເສດຖະກິດ-ສັງຄົມຈາກ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ຊຶ່ງໄດ້ ຍົກໃຫ້ເຫັນການເຕີບໃຫຍ່ຂະ ຫຍາຍຕົວຂອງຂົງເຂດເສດຖະ ກິດໄລຍະຜ່ານມາ ແຂວງບໍລິ ຄຳໄຊ ແມ່ນສາມາດຮັກສາໄດ້ ຄວາມສະຫງົບໂດຍພື້ນຖານ, ເສດຖະກິດມີການຂະຫຍາຍ ຕົວຢ່າງຕໍ່ເນື່ອງ ແລະ ໝັ້ນທ່ຽງ ຊີວິດການເປັນຢູ່ຂອງປະຊາ ຊົນບັນດາເຜົ່າໃນທົ່ວແຂວງ ໄດ້ຮັບການຍົກລະດັບຂຶ້ນເປັນ ກ້າວໆ. ຈາກນັ້ນ ທ່ານຮອງນາ ຍົກລັດຖະມົນຕີ ໄດ້ໂອ້ລົມ ເພື່ອໃຫ້ທິດຊີ້ນຳຈັດຕັ້ງປະຕິ ບັດໃນການພັດທະນາເສດຖະ ກິດ-ສັງຄົມຂອງແຂວງບໍລິຄຳ ໄຊ.