ສະຫາຍເລຂາທິການໃຫຍ່ ຕ້ອນຮັບຜູ້ຕາງໜ້າພິເສດຂອງສະຫາຍ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຈີນ


...

    

ຕອນບ່າຍວັນທີ 2 ພະຈິກນີ້ ທີ່ສຳນັກງານສູນກາງພັກ, ສະຫາຍ ບຸນຍັງ ວໍລະຈິດ ເລຂາ ທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງສະຫາຍ ຊົ້ງທາວ ກຳມະການສູນກາງພັກ ຫົວໜ້າຄະ ນະພົວພັນຕ່າງປະເທດສູນກາງພັກກອມມູນິດຈີນ ຜູ້ຕາງໜ້າພິເສດຂອງ ສະຫາຍ ສີຈິ້ນຜິງ ເລຂາ ທິການໃຫຍ່ ຄະນະບໍລິຫານງານສູນກາງພັກກອມມູນິດຈີນ ປະທານປະເທດ ແຫ່ງ ສປ ຈີນ ໃນໂອ ກາດເດີນທາງມາແຈ້ງຜົນສຳເລັດ ກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ XIX ຂອງພັກກອມ ມູນິດຈີນ ແຕ່ວັນທີ 2-3 ພະຈິກ 2017. ສະຫາຍ ຊົ້ງທາວ ໄດ້ສະ ແດງຄວາມຂອບໃຈເປັນຢ່າງ ສູງຕໍ່ການຕ້ອນຮັບອັນອົບອຸ່ນ, ສະໜິດສະໜົມຂອງສະຫາຍ ເລຂາທິການໃຫຍ່ ບຸນຍັງ ວໍລະ ຈິດ ພ້ອມທັງນຳເອົາຄວາມຢື້ ຢາມຖາມຂ່າວຂອງສະຫາຍ ເລຂາທິການໃຫຍ່ ສີຈິ້ນຜິງ ມາຍັງ ສະຫາຍ ບຸນຍັງ ວໍລະ ຈິດ. ສະຫາຍ ຊົ້ງທາວ ໄດ້ແຈ້ງ ໃຫ້ຊາບກ່ຽວກັບຜົນສຳເລັດ ກອງປະຊຸມໃຫຍ່ ຄັ້ງທີ XIX ຂອງພັກກອມມູນິດຈີນ ທີ່ຫາ ກໍ່ອັດລົງໃນມໍ່ໆມານີ້, ສະຫາຍ ຊົ້ງທາວ ກ່າວວ່າ: ກອງປະຊຸມ ໃຫຍ່ຄັ້ງນີ້ ແມ່ນກອງປະຊຸມ ຄັ້ງສຳຄັນທີ່ດຳເນີນໄປໃນທ່າມ ກາງໄລຍະທີ່ສຳຄັນແຫ່ງການ ຕັດສິນໄຊຊະນະຂອງການ ສ້າງຜົນສຳເລັດສັງຄົມອີ່ມໜຳ ສຳລານຮອບດ້ານ ແລະ ໄລ ຍະສຳຄັນແຫ່ງການກ້າວເຂົ້າ ສູ່ຍຸກສະໄໝແຫ່ງສັງຄົມນິຍົມ ທີ່ມີສີສັນພິເສດຂອງຈີນ; ກອງ ປະຊຸມໄດ້ກຳນົດແນວຄິດ ສີ ຈິ້ນຜິງ ວ່າດ້ວຍສັງຄົມນິຍົມທີ່ ມີສີສັນພິເສດຂອງຈີນໃນໄລ ຍະໃໝ່ ເປັນທິດຊີ້ນຳຂອງພັກ, ໄດ້ສະເໜີກ່ຽວກັບເປົ້າໝາຍສູ້ ຊົນໃນໄລຍະໃໝ່, ເລືອກຕັ້ງ ເອົາຄະນະນຳຊຸດໃໝ່ທີ່ຖືເອົາ ສະຫາຍ ສີຈິ້ນຜິງ ເປັນແກນ ນຳຂອງພັກ ຊຶ່ງເປັນການໄຂ ສັງກາດອັນໃໝ່ ໃນການສູ້ຊົນ ບັນລຸເປົ້າໝາຍທີ່ວາງໄວ້. ສະ ຫາຍ ຊົ້ງທາວ ໄດ້ຕີລາຄາ ສູງຕໍ່ການພົວພັນຮ່ວມມືລະ ຫວ່າງສອງພັກ, ສອງປະເທດ ລາວ-ຈີນ ໃນໄລຍະຜ່ານມາ ຊຶ່ງຝ່າຍຈີນ ຈະສືບຕໍ່ຢຶດໝັ້ນ ຫຼັກການພົວພັນກັບປະ ເທດ ບ້ານໃກ້ເຮືອນຄຽງແບບ "ສະ ໜິດສະໜົມ, ຈິງໃຈ, ເອື້ອອຳ ນວຍ, ໂອບເອື້ອອາລີ ຊຶ່ງກັນ ແລະ ກັນ" ແລະ ຖືເອົາ"ການ ສ້າງມິດໄມຕີກັບປະເທດໃກ້ ຄຽງ ແລະ ຖືເອົາປະເທດໃກ້ ຄຽງເປັນຄູ່ຮ່ວມມື" ເປັນທິດທາງ ໃນການພົວພັນຕ່າງປະເທດ ຂອງ ສປ ຈີນ. ສະຫາຍເລຂາທິການ ໃຫຍ່ ປະທານປະເທດ ບຸນຍັງ ວໍລະຈິດ ໄດ້ສະແດງຄວາມຍິນ ດີຕ້ອນຮັບ ແລະ ຕີລາຄາສູງ ຕໍ່ສະຫາຍ ຊົ້ງທາວ ຜູ້ຕາງໜ້າ ພິເສດຂອງສະຫາຍ ສີຈິ້ນຜິງ ທີ່ໄດ້ນຳເອົາຄວາມຢື້ຢາມ ຖາມຂ່າວຂອງສະຫາຍ ເລຂາ ທິການໃຫຍ່ ສີຈິ້ນຜິງ ແລະ ໄດ້ແຈ້ງຜົນສຳເລັດຂອງ ກອງ ປະຊຸມໃຫຍ່ ຄັ້ງທີ XIX ຂອງ ພັກກອມມູນິດຈີນຢູ່ ສປປ ລາວ ໃນຄັ້ງນີ້. ສະຫາຍ ບຸນຍັງ ວໍລະຈິດ ຕີລາຄາວ່າ ການດຳ ເນີນກອງປະຊຸມໃຫຍ່ ຄັ້ງທີ XIX ຂອງພັກກອມມູນິດຈີນຄັ້ງ ນີ້ ແມ່ນເຫດການການເມືອງທີ່ ສຳຄັນຍິ່ງ ບໍ່ສະເພາະແຕ່ພັກ ກອມມູນິດຈີນ, ແຕ່ຍັງໄດ້ຮັບ ຄວາມສົນໃຈຢ່າງກວ້າງຂວາງ ຈາກທົ່ວໂລກ ຊຶ່ງກອງປະຊຸມ ໄດ້ພິຈາລະນາຮັບຮອງເອົາບັນ ດາເອກະສານທີ່ສຳຄັນ ຊຶ່ງ ເປັນພື້ນຖານໃຫ້ແກ່ການກ້າວ ເຂົ້າສູ່ໄລຍະໃໝ່ ແຫ່ງການ ສ້າງສັງຄົມນິຍົມຢູ່ປະເທດຈີນ ຢ່າງໜັກແໜ້ນ ໂດຍສະເພາະ ແມ່ນການກຳນົດເອົາ "ແນວ ຄິດ ສີຈິ້ນຜິງ ວ່າດ້ວຍສັງຄົມນິ ຍົມທີ່ມີສີສັນພິເສດຂອງຈີນໃນ ຍຸກສະໄໝໃໝ່" ເປັນແນວຄິດ ຊີ້ນຳຂອງພັກກອມມູນິດຈີນ ຊຶ່ງໄດ້ເປັນການສືບທອດ ແລະ ພັດທະນາລັດທິມາກ-ເລນິນ, ແນວຄິດເໝົາເຈີຕົງ, ທິດສະດີ ເຕິ້ງສຽວຜິງ, ແນວຄິດສຳຄັນ 3 ຕົວແທນ ແລະ ທັດສະນະການ ພັດທະນາຢ່າງມີວິທະຍາສາດ, ທີ່ໄດ້ເປັນເຂັມທິດຊີ້ທິດຂອງ ທົ່ວພັກ ແລະ ປະຊາຊົນຈີນ ອ້າຍນ້ອງທົ່ວທັງຊາດຈີນ ໃນການສູ້ຊົນບັນລຸເປົ້າໝາຍ "100 ປີ 2 ເຫດການ", ບັນລຸ ຄວາມຝັນຂອງຈີນ ໃນການຟື້ນ ຟູຄວາມສີວິໄລຮຸ່ງເຮືອງຂອງ ເຊື້ອຊາດຈີນ, ເພື່ອກ້າວໄປສູ່ ການສ້າງໃຫ້ປະເທດຈີນເປັນ ປະເທດສັງຄົມນິຍົມທັນສະ ໄໝເຂັ້ມແຂງທີ່ຈະເລີນຮຸ່ງ ເຮືອງ, ປະຊາທິປະໄຕ, ສີວິ ໄລ, ກົມກຽວປອງດອງ ແລະ ສວຍງາມ. ສະຫາຍ ບຸນຍັງ ວໍລະຈິດ ໄດ້ຝາກຄຳຢື້ຢາມ ຖາມຂ່າວ ແລະ ອວຍພອນ ເຖິງສະຫາຍ ສີຈິ້ນຜິງ ແລະ ຄອງຄອຍການມາຢ້ຽມຢາມ ລາວຂອງສະຫາຍ ສີຈິ້ນຜິງ ໃນມໍ່ໆນີ້. ສະຫາຍເລຂາທິ ການໃຫຍ່ ປະທານປະເທດ ບຸນຍັງ ວໍລະຈິດ ໄດ້ເນັ້ນໜັກ ວ່າ ຍິນດີສືບຕໍ່ຮ່ວມກັບຄະນະ ນຳຊຸດໃໝ່ຂອງພັກກອມມູນິດ ຈີນ ທີ່ຖື ສະຫາຍ ສີຈິ້ນຜິງ ເປັນແກນນຳ ພ້ອມກັນຮັດ ແໜ້ນ ແລະ ເສີມຂະຫຍາຍ ສາຍພົວພັນອັນເປັນມູນເຊື້ອ ແລະ ການຮ່ວມມືແບບຄູ່ຮ່ວມ ຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ລະ ຫວ່າງສອງພັກ, ສອງລັດລາວ- ຈີນ ໃຫ້ຂະຫຍາຍຕົວໄປຢ່າງ ເຂັ້ມແຂງ ແລະ ກ້າວຂຶ້ນສູ່ລະ ດັບສູງໃໝ່. ໃນມື້ດຽວກັນ, ສະຫາຍ ພັນຄຳ ວິພາວັນ ກຳມະການ ກົມການເມືອງສູນກາງພັກ ຜູ້ ປະຈຳການຄະນະເລຂາທິການ ສູນກາງພັກ ກໍໄດ້ຕ້ອນຮັບການ ເຂົ້າຢ້ຽມຂ່ຳນັບຂອງສະຫາຍ ຊົ້ງທາວ ພ້ອມດ້ວຍຄະນະ. ສະຫາຍ ຊົ້ງທາວ ໄດ້ແຈ້ງໃຫ້ ຊາບຜົນສຳເລັດຂອງກອງປະ ຊຸມໃຫຍ່ ຄັ້ງທີ XIX ຂອງພັກ ກອມມູນິດຈີນ ກ່ຽວກັບວຽກ ງານແນວຄິດທິດສະດີຂອງພັກ ກອມມູນິດຈີນ. ສະຫາຍ ພັນຄຳ ວິພາວັນ ໄດ້ຕີລາຄາສູງ ແລະ ເຊື່ອໝັ້ນວ່າ ພາຍໃຕ້ແສງສະ ຫວ່າງຂອງມະຕິກອງປະຊຸມ ໃຫຍ່ ຄັ້ງທີ XIX ຂອງພັກ ແລະ ການຊີ້ນຳໆພາຂອງພັກກອມ ມູນິດຈີນ, ປະຊາຊົນຈີນອ້າຍ ນ້ອງຈະຍາດໄດ້ຜົນສຳເລັດອັນ ໃໝ່ຮອບດ້ານ ແລະ ບັນລຸຄາດ ໝາຍທີ່ກອງປະຊຸມວາງໄວ້. ໃນໄລຍະຢູ່ຢ້ຽມຢາມ, ສະຫາຍ ຊົ້ງທາວ ຍັງໄດ້ພົບ ປະເຮັດວຽກກັບ ສະຫາຍ ນາງ ສູນທອນ ໄຊຍະຈັກ ກຳມະ ການສູນກາງພັກ ຫົວໜ້າຄະ ນະພົວພັນຕ່າງປະເທດສູນກາງ ພັກ ຊຶ່ງທັງສອງຝ່າຍໄດ້ແຈ້ງ ສະພາບການພົ້ນເດັ່ນພາຍໃນ ພັກ ແລະ ປະເທດຂອງຕົນໃຫ້ ກັນຊາບ, ໄດ້ແລກປ່ຽນຄຳຄິດ ເຫັນກ່ຽວກັບທິດທາງການ ຮ່ວມມືລະຫວ່າງສອງພັກ ກໍຄື ສອງຄະນະພົວພັນຕ່າງປະເທດ ສູນກາງພັກລາວ-ຈີນ ໃນຕໍ່ ໜ້າ. ໃນໂອກາດດັ່ງກ່າວ, ສະ ຫາຍ ຊົ້ງທາວ ຍັງໄດ້ແຈ້ງໃຫ້ ຊາບກ່ຽວກັບເນື້ອໃນຈິດໃຈ ກອງປະຊຸມໃຫຍ່ ຄັ້ງທີ XIX ຂອງພັກກອມມູນິດຈີນ ກ່ຽວ ກັບແນວທາງການຕ່າງປະເທດ ຂອງຈີນ ໃນໄລຍະໃໝ່ໃຫ້ຝ່າຍ ລາວຊາບຕື່ມ.