ໄຂງານວາງສະແດງຮູບພາບ, ສື່ສິ່ງພິມ ລາວ-ຫວຽດນາມ


...

    

ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ສປປ ລາວ ຮ່ວມກັບກະຊວງຖະແຫຼງຂ່າວ ແລະ ການສື່ສານ(ຖສ) ແຫ່ງ ສສ ຫວຽດນາມ ໄດ້ຈັດງານວາງສະແດງ ຮູບພາບ, ປຶ້ມ, ໜັງສືພິມ ແລະ ວາລະສານລາວ - ຫວຽດ ນາມ, ຫວຽດນາມ - ລາວ ປີ 2017 ຈັດຂຶ້ນໃນວັນທີ 2 ພະຈິກ ທີ່ຫໍວັດທະນະທຳແຫ່ງ ຊາດ ໂດຍເປັນກຽດເຂົ້າຮ່ວມ ຂອງທ່ານ ກິແກ້ວ ໄຂຄຳພິ ທູນ ຄະນະເລຂາທິການສູນ ກາງພັກ ຫົວໜ້າຄະນະໂຄສະ ນາອົບຮົມສູນກາງພັກ, ທ່ານ ບໍ່ແສງຄຳ ວົງດາລາ ກຳມະ ການສູນກາງພັກ ລັດຖະມົນ ຕີກະຊວງ ຖວທ; ທ່ານ ເຈີນ ມິງ ຕ່ວນ ກຳມະການສູນກາງ ພັກກອມມູນິດຫວຽດນາມ ລັດຖະມົນຕີກະຊວງຖະແຫຼງ ຂ່າວ ແລະ ການສື່ສານ (ຖສ) ສສ ຫວຽດນາມ, ມີບັນດາທ່ານ ທູຕານຸທູດຕ່າງປະເທດ ປະຈຳ ລາວ, ມີບັນດາແຂກຖືກເຊີນ ເຂົ້າຮ່ວມ. ໃນພິທີ ທ່ານລັດຖະມົນຕີ ກະຊວງ ຖວທ ແຫ່ງ ສປປ ລາວ ແລະ ລັດຖະມົນຕີກະຊວງ ຖສ ຂອງ ສສ ຫວຽດນາມໄດ້ຜັດ ປ່ຽນກັນຂຶ້ນມີຄຳເຫັນເຖິງຄວາມ ໝາຍ ແລະ ຄວາມສຳຄັນຂອງ ການຈັດງານໃນຄັ້ງນີ້ ໃນທ່າມ ກາງບັນຍາກາດທີ່ປະຊາຊົນ ສອງຊາດ ລາວ - ຫວຽດນາມ ພວມເບີກບານມ່ວນຊື່ນ ແລະ ພ້ອມກັນສະເຫຼີມສະຫຼອງສອງ ວັນປະຫວັດສາດ ຄື: ຄົບຮອບ 55 ປີ ແຫ່ງການສ້າງຕັ້ງສາຍ ພົວພັນການທູດ ແລະ ຄົບ ຮອບ 40 ປີ ຂອງວັນເຊັນສົນທິ ສັນຍາມິດຕະພາບ ແລະ ການ ຮ່ວມມືຮອບດ້ານ ລະຫວ່າງ ລາວ - ຫວຽດນາມ ທັງເປັນໄລ ຍະເວລາທີ່ປະຊາຊົນລາວບັນ ດາເຜົ່າພວມສະເຫຼີມສະຫຼອງ ບຸນປະເພນີນະມັດສະການພະ ທາດຫຼວງວຽງຈັນ ພ້ອມກັບ ການເປີດປີທ່ອງທ່ຽວລາວ 2018. ງານວາງສະແດງຮູບພາບ, ປຶ້ມ, ໜັງສືພິມ ແລະ ວາລະ ສານ ລາວ - ຫວຽດນາມ, ຫວຽດນາມ - ລາວ ຄັ້ງນີ້ ລວມ ມີປຶ້ມ, ວາລະສານ ໜັງສືພິມ ແລະ ຮູບພາບຫຼາຍຮ້ອຍແຜ່ນ ທີ່ສະແດງໃຫ້ເຫັນເຖິງຄວາມ ກ້າວໜ້າ ທາງດ້ານວຽກງານສື່ ສິ່ງພິມຂອງຫວຽດນາມ ແລະ ລາວຍັງໄດ້ສ່ອງແສງເຖິງຮີດ ຄອງ ປະເພນີ ແລະ ວັດທະນະທຳ ອັນດີງາມຂອງປະຊາຊົນຫວຽດ ນາມ ແລະ ລາວອີກດ້ວຍ. ງານວາງສະແດງຄັ້ງນີ້ຈະ ໄດ້ດຳເນີນໄປຮອດວັນທີ 4 ພະຈິກ. (ຂ່າວ: ບຸນທົງ)