ຂະບວນແຫ່ຜາສາດເຜິ້ງ ມວນຊື່ນກວ່າທຸກປີ


...

    

ພິທີແຫ່ຜາສາດເຜິ້ງ ເນື່ອງໃນໂອກາດບຸນນະມັດ ສະການພະທາດຫຼວງ ປະຈຳ ປີ 2017 ໄດ້ຈັດຂຶ້ນໃນຕອນ ບ່າຍຂອງວັນທີ 2 ພະຈິກນີ້ ຊຶ່ງ ກົງກັບມື້ຂຶ້ນ 14 ຄ່ຳເດືອນ 12 (ພສ 2560) ໂດຍການນຳພາ ຂອງ ທ່ານ ສິນລະວົງ ຄຸດໄພ ທູນ ເຈົ້າຄອງນະຄອນຫຼວງວຽງ ຈັນ ໃນນັ້ນ ມີຂະບວນຂອງພະ ສົງ, ສາມະເນນ, ຂະບວນພະ ສາດເຜິ້ງຂອງຜູ້ນຳພັກ - ລັດ, ບັນດາເມືອງ, ບ້ານ, ສຳນັກ ງານອົງການ, ບໍລິສັດຫ້າງຮ້ານ ຕ່າງໆຕະຫຼອດຮອດຜູ້ມີຈິດໃຈ ສັດທາຂອງມວນຊົນເຂົ້າຮ່ວມ ເປັນຈຳນວນຫຼວງຫຼາຍ. ຂະບວນແຫ່ຜາສາດເຜິ້ງ ໄດ້ເຕົ້າໂຮມໂດຍເລີ່ມຈາກຖະ ໜົນໜອງບອນແລ້ວເຄື່ອນ ຍ້າຍຂະບວນແຫ່ຜາສາດເຜິ້ງ ເຂົ້າສູ່ກົມມະລຽນພະທາດ ຫຼວງວຽງຈັນໃນນັ້ນມີຂະບວນ ແຫ່ຖັ່ງບັ້ງ, ດົນຕີພື້ນເມືອງ, ເມື່ອຮອດເດີ່ນພະທາດຫຼວງ ແລ້ວໄດ້ແຫ່ອ້ອມພະທາດ ຫຼວງ 3 ຮອບ, ຖວາຍຜາສາດ ເຜິ້ງ, ຟັງທຳເທສາດສະໜາ 1 ກັນ ແລະ ຄົບງັນຕາມປະເພນີ ຢ່າງເປັນຂະບວນຄຶກຄື້ນມ່ວນ ຊື່ນ ທັງນີ້ເພື່ອເປັນການສືບ ທອດວັດທະນະທຳຮີດຄອງ ປະເພນີອັນດີງາມຂອງຊາດ ລາວທີ່ໄດ້ເຄີຍປະຕິບັດສືບຕໍ່ ກັນມາ ແຕ່ປູ່ຍ່າຕາຍາຍໃຫ້ຍືນ ຍົງຄົງຢູ່ກັບຄົນລາວຕະຫຼອດ ໄປ. (ຂ່າວ: ສຳນານ)