ມອບ-ຮັບ ໂຄງການກໍ່ສ້າງຫໍພິພິທະພັນແຫ່ງຊາດ


...

    

ພິທີມອບ - ຮັບ ໂຄງການກໍ່ສ້າງຫໍພິພິທະພັນຫຼັງໃໝ່ ລະຫວ່າງ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແລະ ບໍລິສັດກຸ່ມ ຄຳໄພຊະນະ ຈຳກັດຜູ້ດຽວ ໄດ້ຈັດຂຶ້ນເມື່ອວັນທີ 1 ທັນວາຜ່ານມານີ້ ທີ່ບ້ານສີວິໄລ ເມືອງໄຊທານີ ນະຄອນຫຼວງວຽງຈັນ ໂດຍ ໃຫ້ກຽດເຂົ້າຮ່ວມຂອງທ່ານ ສອນໄຊ ສີພັນດອນ ຮອງ ນາຍົກລັດຖະມົນຕີ, ທ່ານ ບໍ່ແສງຄຳ ວົງດາລາ ລັດຖະ ມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ພ້ອມດ້ວຍແຂກຖືກເຊີນ. ໃນພິທີ ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງຖະແຫຼງຂ່າວ, ວັດທະ ນະທຳ ແລະ ທ່ອງທ່ຽວ ໄດ້ລາຍ ງານຄວາມເປັນມາຂອງໂຄງ ການກໍ່ສ້າງຫໍພິພິທະພັນແຫ່ງ ຊາດ ໂດຍໄດ້ຍົກໃຫ້ເຫັນປະ ຫວັດຄວາມເປັນມາ ແລະ ຄວາມໝາຍຄວາມສຳຄັນຂອງ ວຽກງານວັດທະນະທຳ-ສັງຄົມ ເວົ້າລວມເວົ້າສະເພາະກໍຄື ວຽກງານພິພິທະພັນ, ຈາກນັ້ນ ທ່ານ ຄຳໄພ ສົມຊະນະ ປະທານ ບໍລິສັດ ກຸ່ມຄຳໄພຊະນະ ຈຳກັດ ຜູ້ດຽວ ໄດ້ລາຍງານຜົນສຳເລັດ ແລະ ມອບໂຄງການໃຫ້ກະ ຊວງ ຖວທ ຊຶ່ງໂຄງການດັ່ງ ກ່າວໄດ້ເລີ່ມລົງມືກໍ່ສ້າງໃນວັນ ທີ 11/6/2013, ເປັນອາຄານ ທີ່ມີຮູບຊົງແບບສະຖາປັດຕະ ຍະກຳລາວປະຍຸກປະສົມປະ ສານກັບຄວາມທັນສະໄໝມີ ຄວາມໂດດເດັ່ນທາງດ້ານ ລວດລາຍດອກດວງ, ເປັນ ອາຄານ 4 ຊັ້ນ, ຂະໜາດອາ ຄານຍາວ 80 ແມັດ, ກວ້າງ 56 ແມັດ, ສູງ 29 ແມັດ, ມີ ເນື້ອທີ່ນຳໃຊ້ທັງໝົດ 7 ພັນ ກວ່າຕາແມັດ, ເປັນໂຄງການ ທີ່ແໜ້ນໜາຖາວອນ, ນຳໃຊ້ ເຕັກນິກການກໍ່ສ້າງທີ່ທັນສະ ໄໝຄືນຳໃຊ້ແຜ່ນພື້ນອັດແຮງ ແລະ ຮາກຖານເຮັດດ້ວຍເສົາ ເຂັມເຈາະເທກັບທີ່, ລວມມີ ມູນຄ່າການກໍ່ສ້າງທັງໝົດ 80 ຕື້ກວ່າກີບ. ທ່ານລັດຖະມົນຕີກະ ຊວງ ຖວທ ໄດ້ມີຄຳເຫັນ ແລະ ກ່າວຮັບວ່າ: ການມອບ-ຮັບ ຫໍພິພິທະພັນແຫ່ງຊາດຫຼັງໃໝ່ ນີ້ ແມ່ນເຫດການທີ່ມີຄວາມ ໝາຍສຳຄັນທາງດ້ານປະ ຫວັດສາດທີ່ສຳຄັນຂອງຊາດ ເຮົາ ຊຶ່ງຈະເປັນສະຖານທີ່ເຕົ້າ ໂຮມແຫຼ່ງວັດຖຸບູຮານທີ່ຫຼາກ ຫຼາຍປະເພດວັດຖຸພັນຕ່າງໆ ອັນເປັນມູນເຊື້ອມໍລະດົກອັນ ລ້ຳຄ່າທາງດ້ານວັດທະນະທຳ ແລະ ປະຫວັດສາດທີ່ບັນພະບູ ລຸດໄດ້ສ້າງໄວ້ໃນແຕ່ລະຍຸກ ແຕ່ລະສະໄໝ ຊຶ່ງມັນສະແດງ ເຖິງຄຸນຄ່າທາງດ້ານວັດຖຸ ແລະ ຈິດໃຈປະຊາຊົນລາວ ບັນດາເຜົ່າທັງຊາດ, ເປັນບ່ອນ ສຶກສາຮ່ຳຮຽນປູກຈິດສຳນຶກ ໃຫ້ອະນຸຊົນຄົນຮຸ່ນໃໝ່ຮັບຮູ້ ແລະ ເຂົ້າໃຈຮ່ອງຮອຍປະ ຫວັດສາດ, ຄວາມອຸດົມສົມ ບູນທາງດ້ານອະລິຍະທຳ, ຄຽງ ຄູ່ກັບການອະນຸລັກປົກປັກຮັກ ສາມູນມໍລະດົກອັນລ້ຳຄ່າຂອງ ຊາດລາວ ພ້ອມນີ້ ທ່ານລັດຖະ ມົນຕີກະຊວງ ຖວທ ໄດ້ມອບ ຫໍພິພິທະພັນຫຼັງໃໝ່ໃຫ້ຄະນະ ອຳນວຍການ ແລະ ພະນັກ ງານລັດຖະກອນເອົາໃຈໃສ່ປົກ ປັກຮັກສາ ແລະ ນຳໃຊ້ໃຫ້ ເກີດຜົນປະໂຫຍດສູງສຸດ ໃນ ການຮັບໃຊ້ບໍລິການສັງຄົມທັງ ພາຍໃນ ແລະ ຕ່າງປະເທດ ພ້ອມທັງເນັ້ນໃຫ້ມີການຄຸ້ມ ຄອງ ແລະ ນຳໃຊ້ດ້ວຍການ ຍົກສູງສະຕິຄວາມຮັບຜິດ ຊອບໃນການປົກປັກຮັກສາ ແລະ ຂຶ້ນທະບຽນຄຸ້ມຄອງບັນ ດາວັດຖຸພັນຕ່າງໆທີ່ນຳມາ ວາງສະແດງໃນພິພິທະພັນ ແຫ່ງຊາດ ພ້ອມຮັບປະກັນ ຄວາມປອດໄພ, ຫຼີກລ່ຽງການ ຕົກເຮ່ຍເສຍຫາຍ, ເອົາໃຈໃສ່ ຄົ້ນຄວ້າແຫຼ່ງຂໍ້ມູນປະຫັວດ ຄວາມເປັນມາ ເພື່ອເປັນບ່ອນ ອ້າງອີງຂອງວັດຖຸພັນທາງດ້ານ ເນື້ອໃນໃຫ້ຄົບຖ້ວນ ແລະ ການ ຈັດວາງສະແດງວັດຖຸພັນຕ້ອງ ໃຫ້ເປັນລະບົບລະບຽບຈົບງາມ. ໃນໂອກາດດັ່ງກ່າວ ທ່ານ ສອນໄຊ ສີພັນດອນ ໄດ້ໃຫ້ ກຽດປະດັບຫຼຽນໄຊພັດທະນາ ຊັ້ນ I ໃຫ້ບໍລິສັດຈິດຈະເລີນ ແລະ ບໍລິສັດກຸ່ມຄຳໄພຊະນະ ຈຳກັດ ຜູ້ດຽວ ທີ່ມີຜົນງານໃນ ການປະກອບສ່ວນທຶນຮອນ ເຂົ້າໃນການກໍ່ສ້າງຫໍສະໝຸດ ແຫ່ງຊາດ ແລະ ຫໍພິພິທະພັນ ແຫ່ງຊາດ ພ້ອມດຽວກັນນັ້ນ ທ່ານຮອງນາຍົກລັດຖະມົນຕີ ຮ່ວມກັບແຂກທີ່ມາຮ່ວມໃນ ງານຕັດແຖບຜ້າ ເພື່ອເປີດ ການນຳໃຊ້ຫໍພິພິທະພັນດັ່ງ ກ່າວຢ່າງເປັນທາງການ.