ນາຍົກ ໂອ້ລົມພະນັກງານການນຳບໍລິຄຳໄຊ


...

     ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະໄດ້ເດີນ ທາງມາຢ້ຽມຢາມ ແລະ ເຮັດ ວຽກຢູ່ແຂວງບໍລິຄຳໄຊ ໃນວັນ ທີ 1 ກຸມພາຜ່ານມານີ້, ທີ່ສະ ໂມສອນໃຫຍ່ຂອງແຂວງບໍລິ ຄຳໄຊ ໂດຍເປັນກຽດຕ້ອນຮັບ ຂອງທ່ານ ກອງແກ້ວ ໄຊສົງ ຄາມ ເຈົ້າແຂວງບໍລິຄຳໄຊ, ມີຄະນະນຳ ຕະຫຼອດຮອດພະ ນັກງານເຂົ້າຮ່ວມນຳ. ທ່ານ ກອງແກ້ວ ໄຊສົງຄາມ ໄດ້ລາຍງານກ່ຽວກັບສະພາບ ການຊີ້ນຳ-ນຳພາ ແລະ ການ ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມຂອງ ແຂວງ ໃນໄລຍະຜ່ານມາ ໂດຍ ສັງເຂບໃຫ້ທ່ານນາຍົກໄດ້ຮັບ ຊາບ ຊຶ່ງໂດຍລວມແຂວງບໍລິ ຄຳໄຊມີສະຖຽນລະພາບທາງ ດ້ານການເມືອງໜັກແໜ້ນ, ສັງ ຄົມມີຄວາມເປັນລະບຽບຮຽບ ຮ້ອຍ, ເສດຖະກິດມີການຂະ ຫຍາຍຕົວຢ່າງຕໍ່ເນື່ອງ-ໝັ້ນ ທ່ຽງ, ວັດທະນະທຳ-ສັງຄົມໄດ້ ຮັບການບູລະນະ, ຊີວິດການ ເປັນຢູ່ຂອງປະຊາຊົນບັນດາ ເຜົ່າ, ທາງດ້ານວັດຖຸ ແລະ ຈິດ ໃຈໄດ້ຮັບການປັບປຸງນັບມື້ນັບ ດີຂຶ້ນ ໃນສົກປີ 2015-2016 ລວມຍອດຜະລິດຕະພັນພາຍ ໃນ (GDP) ຂອງແຂວງ 4.478,8 ຕື້ກີບ, ດ້ວຍອັດຕາການຂະ ຫຍາຍຕົວ 8%, ສະເລ່ຍໃສ່ຫົວ ຄົນບັນລຸ 1.982 ໂດລາ ໃນນັ້ນ ຂົງເຂດກະສິກຳ ແລະ ປ່າໄມ້ ຂະຫຍາຍຕົວ ໃນລະດັບ 3,5% ກວມເອົາ 40,2% ຂອງຈີດີພີ, ຂົງເຂດອຸດສາຫະກຳ ແລະ ກໍ່ ສ້າງຂະຫຍາຍຕົວ ໃນລະດັບ 11,02% ກວມເອົາ 31,4% ຂອງຈີດີພີ ແລະ ຂົງເຂດການ ບໍລິການຂະຫຍາຍຕົວ ໃນລະ ດັບ 8,93% ກວມເອົາ 28,4% ຂອງຈີດີພີ; ນັກຮຽນໃນເກນອາ ຍຸໄດ້ເຂົ້າຮຽນ ແລະ ຮັບການ ຢອດຢາຢ່າງທົ່ວເຖິງ, ທົ່ວແຂວງ ມີບ້ານທຸກຍາກຍັງເຫຼືອ 30 ບ້ານ, ຄອບຄົວທຸກຍາກຍັງເຫຼືອ 1.844 ຄອບຄົວ, ສ້າງບ້ານພັດທະນາ ໄດ້ 205 ບ້ານ, ຄອບຄົວພັດ ທະນາມີ 44.573 ຄອບຄົວ, ສ້າງບ້ານໃຫຍ່ກາຍເປັນສີສັນ ຕົວເມືອງນ້ອຍໄດ້ 2 ບ້ານ, ລະ ຫວ່າງຕົວເມືອງ ແລະ ຊົນນະ ບົດນັບມື້ນັບຫຍັບໃກ້ເຂົ້າຫາ ກັນ, ປະຕິບັດແຜນພັດທະນາ ເສດຖະກິດ-ສັງຄົມ 5 ປີ ຄັ້ງທີ 4 ຂອງແຂວງ, ຕິດພັນກັບແຜນ ພັດທະນາເສດຖະກິດ-ສັງຄົມ ແຫ່ງຊາດ ຄັ້ງທີ 8 ໃນນັ້ນແຂວງ ບໍລິຄຳໄຊໄດ້ວາງວິໄສທັດດ້ານ ການພັດທະນາແຕ່ນີ້ຫາປີ 2030 ຄື “ສ້າງແຂວງບໍລິຄຳໄຊເປັນ ປະຕູເສດຖະກິດ ແຫຼ່ງຜະລິດ ພະລັງງານ ສູນກາງບໍລິການ ທາງຜ່ານ ແລະ ຄຸ້ມຄອງສິ່ງ ແວດລ້ອມແບບຍືນຍົງ” ໃນນັ້ນ ໄດ້ຖືເອົາການພັດທະນາເສດ ຖະກິດເປັນໃຈກາງ, ຖືເອົາການ ພັດທະນາວັດທະນະທຳ-ສັງຄົມ ເປັນສຳຄັນ, ຖືເອົາການພັດທະ ນາຊັບພະຍາກອນມະນຸດເປັນ ຂໍກຸນແຈ ແລະ ຖືເອົາການປົກ ປັກຮັກສາສິ່ງແວດລ້ອມເປັນ ວຽກທີ່ຈຳເປັນ. ໃນໂອກາດດັ່ງກ່າວ ທ່ານ ນາຍົກລັດຖະມົນຕີກໍໄດ້ສະແດງ ຄວາມຍ້ອງຍໍຊົມເຊີຍ, ຕີລາຄາ ສູງ ຕໍ່ຄະນະບໍລິຫານງານພັກ ແຂວງທີ່ໄດ້ເອົາໃຈໃສ່ພ້ອມກັນ ພັດທະນາແຂວງບໍລິຄຳໄຊໃຫ້ ມີໃບໜ້າໃໝ່ ແລະ ມີທ່າກ້າວ ຂະຫຍາຍຕົວຢ່າງຕໍ່ເນື່ອງ ພ້ອມ ນັ້ນໃຫ້ຄະນະບໍລິຫານງານພັກ ແຂວງແຕ່ລະຂັ້ນຈົ່ງໄດ້ສືບຕໍ່ປະ ຕິບັດໜ້າທີ່ຂອງຕົນດ້ວຍຄວາມ ຮັບຜິດຊອບສູງ, ຜັນຂະຫຍາຍ ເນື້ອໃນມະຕິ X ຂອງພັກກໍຄື ຄຳສັ່ງຕ່າງໆ ແລະ ແຜນພັດທະ ນາເສດຖະກິດ-ສັງຄົມແຂວງໃຫ້ ໜັກແໜ້ນ, ເກັບລາຍຮັບເຂົ້າງົບ ປະມານໃຫ້ໄດ້ຕາມຄາດໝາຍ ທີ່ວາງໄວ້, ຮັບປະກັນຄວາມ ໂປ່ງໃສ, ຍຸຕິທຳ, ອັດຊ່ອງຫວ່າງ ການຮົ່ວໄຫຼ, ຕ້ານການສໍ້ລາດ ບັງຫຼວງໃຫ້ໄດ້ຢ່າງຂາດຕົວ, ຫັນ ເອົາທ່າແຮງຂອງແຂວງທີ່ມີເຂົ້າ ໃນແຜນພັດທະນາເສດຖະກິດ -ສັງຄົມໃຫ້ມີທ່າກ້າວຂະຫຍາຍ ຕົວຂຶ້ນຢ່າງບໍ່ຢຸດຢັ້ງ. (ຂ່າວ: ສີເວດ)