ປະທານສະພາແຫ່ງຊາດ ເຂົ້າຮ່ວມກິດຈະກຳ ປີສາມັກຄີມິດຕະພາບລາວ-ຫວຽດນາມ


...

     (ສພຊ) ສະຫາຍ ນາງ ປານີ ຢາທໍ່ຕູ້ ກຳມະການກົມ ການເມືອງສູນກາງພັກ ປະ ທານສະພາແຫ່ງຊາດລາວ ພ້ອມດ້ວຍຄະນະໄດ້ຢ້ຽມຢາມ ແລະ ວາງພວງມາລາຢູ່ສຸສານ ປະທານ ໂຮ່ຈິມິນ ນະຄອນ ຫຼວງຮ່າໂນ້ຍ ສສ ຫວຽດນາມ ໃນວັນທີ 4 ກໍລະກົດນີ້. ຈາກນັ້ນ ຄະນະຜູ້ແທນ ໄດ້ເດີນທາງໄປແຂວງເຊິນລາ ທາງພາກຕາເວັນຕົກສ່ຽງເໜືອ ຂອງ ສສ ຫວຽດນາມ ເພື່ອ ເຂົ້າຮ່ວມພິທີສະເຫຼີມສະຫຼອງປີສາມັກຄີມິດຕະພາບລາວ- ຫວຽດນາມ, ຫວຽດນາມ-ລາວ ປີ 2017. ໃນໂອກາດດັ່ງກ່າວ ສະ ຫາຍ ນາງ ປານີ ຢາທໍ່ຕູ້ ພ້ອມ ດ້ວຍຄະນະໄດ້ພົບປະກັບສະ ຫາຍ ຮວ່າງ ວັນ ເຈິດ ເລຂາ ພັກແຂວງ ປະທານສະພາປະ ຊາຊົນແຂວງເຊິນລາ ພ້ອມ ດ້ວຍຄະນະ. ສະຫາຍ ຮວ່າງວັນເຈິດ ໄດ້ສະແດງຄວາມຍິນດີຕ້ອນ ຮັບຄະນະຜູ້ແທນ ໃນທ່າມກາງ ບັນຍາກາດອັນເບີກບານມ່ວນ ຊື່ນແຫ່ງການສະເຫຼີມສະຫຼອງ ປີສາມັກຄີມິດຕະພາບ ລາວ- ຫວຽດນາມ, ຫວຽດນາມ-ລາວ ປີ 2017 ແລະ ໄດ້ລາຍງານ ກ່ຽວກັບຜົນສຳເລັດການພັດ ທະນາເສດຖະກິດ-ສັງຄົມຂອງ ແຂວງເຊິນລາ ພ້ອມທັງການ ກະກຽມໃຫ້ແກ່ການຈັດກິດຈະ ກຳຕ່າງໆ ຊຶ່ງຈະມີການປະ ດັບຫຼຽນໃຫ້ບັນດາການນຳຂອງ ແຂວງ ໃນຈຳນວນ 15 ແຂວງ ຂອງລາວ ປະກອບມີຫຼຽນໄຊ ເອກະລາດ ຊັ້ນ 2 ຈຳນວນ 11 ຫຼຽນ, ຫຼຽນໄຊເອກະລາດຊັ້ນ 3 ຈຳນວນ 14 ຫຼຽນ ແລະ ຫຼຽນ ໄຊແຮງງານຊັ້ນ 1 ຈຳນວນ 3 ຫຼຽນ, ນອກນັ້ນ ຍັງມີກິດ ຈະກຳແລກປ່ຽນວັດທະນະທຳ -ກິລາ ແລະ ພິເສດແມ່ນມີ ພິທີໄຂອານຸສອນສະຖານປະ ຕິວັດ ຫວຽດນາມ-ລາວ ຢູ່ ແຂວງເຊິນລາ. ສະຫາຍ ນາງ ປານີ ຢາທໍ່ ຕູ້ ໄດ້ມີຄຳເຫັນ ຊຶ່ງມີເນື້ອໃນ ບາງຕອນສຳຄັນວ່າ: ຕາງໜ້າ ໃຫ້ການນຳຂັ້ນສູງຂອງພັກ- ລັດ ສປປ ລາວ ທີ່ໄດ້ເດີນທາງ ເຂົ້າຮ່ວມບັນດາກິດຈະກຳທີ່ ສຳຄັນ ເນື່ອງໃນໂອກາດທີ່ ສອງຊາດລາວ-ຫວຽດນາມ ຮ່ວມສະເຫຼີມສະຫຼອງປີສາມັກ ຄີມິດຕະພາບລາວ-ຫວຽດ ນາມ, ຫວຽດນາມ-ລາວ ປີ 2017 ແລະ ຂໍສະແດງຄວາມ ຂອບໃຈຢ່າງຈິງໃຈ ຕໍ່ການ ຕ້ອນຮັບອັນອົບອຸ່ນຂອງສະ ຫາຍເລຂາພັກແຂວງຕະຫຼອດ ຮອດປະຊາຊົນແຂວງເຊິນລາ ຖານເພື່ອນມິດສະຫາຍອ້າຍ ນ້ອງຄອບຄົວດຽວກັນ. ການສະເຫຼີມສະຫຼອງປີ ສາມັກຄີ-ມິດຕະພາບລາວ- ຫວຽດນາມ, ຫວຽດນາມ-ລາວ ປີ 2017 ນີ້ ແມ່ນເນື່ອງໃນໂອ ກາດຄົບຮອບ 2 ວັນປະຫວັດ ສາດທີ່ສຳຄັນຂອງສອງຊາດຄື: ວັນສ້າງຕັ້ງສາຍພົວພັນທາງ ການທູດລາວ-ຫວຽດນາມ, ຫວຽດນາມ-ລາວ ຄົບຮອບ 55 ປີ (5/9/1962-5/9/2017) ແລະ ວັນເຊັນສົນທິສັນຍາມິດ ຕະພາບ ແລະ ການຮ່ວມມື ຄົບຮອບ 40 ປີ (18/7/1977- 18/7/2017). (ຂ່າວ: ບຸນເກີດ ວົງໄຊຍາ)