ໄຊຍະບູລີ ສຳເລັດກອງປະຊຸມປ້ອງກັນ ແລະ ຄວບຄຸມໄພພິບັດ


...

    ກອງປະຊຸມສະຫຼຸຸບວຽກ ງານປ້ອງກັນ ແລະ ຄວບຄຸມ ໄພພິບັດແຂວງໄຊຍະບູລີ ປະ ຈຳປີ 2015 - 2016 ແລະ ທິດ ທາງແຜນການປີ 2017 ໄດ້ຈັດ ຂຶ້ນໃນວັນທີ 4 ກໍລະກົດຜ່ານ ມານີ້ທີ່ຫ້ອງປະຊຸມຫ້ອງວ່າ ການປົກຄອງແຂວງໄຊຍະບູ ລີ, ໂດຍການເຂົ້າຮ່ວມຂອງທ່ານ ຍັນຍົງ ສີປະເສີດ ຮອງເລຂາ ພັກແຂວງ ຮອງເຈົ້າແຂວງໄຊ ຍະບູລີ ທັງເປັນປະທານຄະນະ ກຳມະການປ້ອງກັນ ແລະ ຄວບ ຄຸມໄພພິບັດຂັ້ນແຂວງ,ມີຄະ ນະກຳມະການປ້ອງກັນ ແລະ ຄວບຄຸມໄພພິບັດຂັ້ນແຂວງ, ຂັ້ນເມືອງ ແລະ ພະແນກການ ອ້ອມຂ້າງແຂວງເຂົ້າຮ່ວມ. ທ່ານ ແວວເພັດ ສີບຸນມາ ຮອງຫົວໜ້າພະແນກຊັບພະ ຍາກອນທຳມະຊາດ ແລະ ສິ່ງ ແວດລ້ອມແຂວງໄຊຍະບູລີ ທັງເປັນຫົວໜ້າກອງເລຂາຄະ ນະກຳມະການປ້ອງກັນ ແລະ ຄວບຄຸມໄພພິບັດຂັ້ນແຂວງ ໄດ້ຜ່ານບົດສະຫຼຸຸບລາຍງານ ສະພາບການຈັດຕັ້ງປະຕິບັດ ວຽກງານປ້ອງກັນ ແລະ ຄວບ ຄຸມໄພພິບັດຂັ້ນແຂວງ ສົກປີ 2015 - 2016 ແລະ ທິດທາງ ແຜນການປີໃນຕໍ່ໜ້າວ່າ: ໄພ ນ້ຳຖ້ວມ, ນ້ຳປ່າໄຫຼຊຸ, ດິນເຊາະເຈື່ອນ, ຟ້າຜ່າ, ໄພແຫ້ງແລ້ງ, ລົມ ພາຍຸ, ໄຟໄໝ້ລາມປ່າ, ອັກ ຄີໄພ, ພະຍາດລະບາດ ແລະ ສັດຕູພືດທຳລາຍທີ່ໄດ້ສົ່ງ ຜົນສະທ້ອນອັນຮຸນແຮງຕໍ່ ການພັດທະນາເສດຖະກິດ - ສັງຄົມຂອງແຂວງໄຊຍະບູລີ, ຕໍ່ສະພາບສິ່ງແວດລ້ອມທຳມະ ຊາດ ແລະ ສ້າງຄວາມເສຍ ຫາຍອັນໃຫຍ່ຫຼວງຕໍ່ຊີວິດ ແລະ ຊັບສິນຂອງປະຊາຊົນ. ໃນໄລຍະຜ່ານມາວຽກງານ ປ້ອງກັນ ແລະ ຄວບຄຸມໄພພິ ບັດໄດ້ຊ່ວຍເຫຼືອສຸກເສີນດັ່ງນີ້: ມອບຜ້າຫົ່ມ 300 ຜືນ ໃຫ້ຜູ້ ປະສົບໄພໜາວເມືອງໄຊຍະບູ ລີ, ໄຊສະຖານ, ຫົງສາ ແລະ ເມືອງຊຽງຮ່ອນ ເປັນມູນຄ່າ 1.500.000 ກີບ, ຊ່ວຍເຫຼືອ ເຄື່ອງນຸ່ງຫົ່ມ, ມຸ້ງຍ້ອມຢາ ແລະ ຜ້າຫົ່ມໃຫ້ຜູ້ປະສົບໄພ ໜາວຢູ່ບ້ານສະຖານ ເມືອງໄຊ ສະຖານມູນຄ່າ 1.850.000 ກີບ, ຊ່ວຍເຫຼືອຜູ້ປະສົບໄພລົມ ພາຍຸພັດເຮືອນ 13 ບ້ານ, ມີ 78 ຄອບຄົວ, ມີ 435 ຄົນ ລວມມູນຄ່າ 39.700.000 ກີບ, ຊ່ວຍເຫຼືອຜູ້ປະສົບໄພອັກ ຄີໄພ 21 ບ້ານ 55 ຄອບຄົວ, 293 ຄົນ. ລວມມູນຄ່າ 321.037.000 ກີບ ໃນນີ້ບ້ານ ຫ້ວຍຈວງ ເມືອງຫົງສາມີ 27 ຄອບຄົວ, ມີ 142 ຄົນ, ໄດ້ຮັບ 158.481.000 ກີບ, ຊ່ວຍ ເຫຼືອ ສຸກເສີນໃຫ້ແກ່ຜູ້ປະສົບໄພ ນ້ຳຖ້ວມ 4 ເມືອງ; ເມືອງຫົງ ສາ, ໄຊຍະບູລີ, ເມືອງພຽງ ແລະ ເມືອງບໍ່ແຕນ ຈຳນວນ 13 ບ້ານ, ມີ 361 ຄອບຄົວ, ມີ 234 ຄົນ ລວມມູນຄ່າ 138.000.000 ກີບ, ໄດ້ມອບ ການຊ່ວຍເຫຼືອສຸກເສີນໃຫ້ຜູ້ ປະສົບໄພນ້ຳຖ້ວມຢູ່ເມືອງຊຽງ ເງິນ ແຂວງຫຼວງພະບາງລວມ ມູນຄ່າ 18.360.000 ກີບ, ເຂົ້າສານ 1 ໂຕນ ແລະ ນ້ຳດື່ມ 50 ແກັດ, ໄດ້ມອບເງິນສົມທົບ ການກໍ່ສ້າງທີ່ຢູ່ອາໄສບ້ານ ຫ້ວຍຈວງ ເມືອງຫົງສາ ມູນຄ່າ 2.000.000 ກີບ, ໄດ້ມອບຢາ ແລະ ອຸປະກອນການແພດ ຊ່ວຍເຫຼືອຜູ້ປະສົບໄພໄຟໄໝ້ ເຮືອນຢູ່ບ້ານປາກລອງ ເມືອງ ໄຊສະຖານ ມູນຄ່າ 175.000 ກີບ ໄດ້ມອບກະເບື້ອງ 100 ແຜ່ນ ໃຫ້ກອງພັນທະຫານລາບ ທີ 3 ທີ່ຖືກພາຍຸພັດມູນຄ່າ 1.500.000 ກີບ ແລະ ໄດ້ປຸກ ລະດົມເງິນຊ່ວຍເຫຼືອໄຟໄໝ້ ເຮືອນທ້າວ ພຸດທະວົງ ບ້ານ ນາຕໍນ້ອຍໄດ້ 663.000 ກີບ ແລະ ໃນຕໍ່ໜ້າແມ່ນຈະສືບຕໍ່ ປັບປຸງແບບແຜນວິທີເຮັດວຽກ ແລະ ການເຊື່ອມຊຶມວຽກ ງານຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ ເຂົ້າໃນແຕ່ລະຂະແໜງໃຫ້ມີ ຄວາມສອດຄ່ອງ, ສືບຕໍ່ປະ ສານສົມທົບກັບພາກສ່ວນທີ່ ກ່ຽວຂ້ອງຂັ້ນສູນກາງ, ແຂວງ ເພື່ອສະເໜີການຊ່ວຍເຫຼືອໃຫ້ ແກ່ຄອບຄົວທີ່ຖືກຜົນກະທົບ ໄພພິບັດໃນໄລຍະຜ່ານມາ, ຊຸກຍູ້ຕິດຕາມການຈັດຕັ້ງ, ແຜນການປ້ອງກັນ ແລະ ຕອບ ໂຕ້ສຸກເສີນຂອງບັນດາເມືອງ ໃຫ້ໄດ້ຮັບການຈັດຕັ້ງປະຕິບັດ ຢ່າງມີປະສິດທິຜົນ. (ຂ່າວ: ເຊີເກີ ທ່າວ)