ນາຍົກລັດຖະມົນຕີ ຕ້ອນຮັບ ທ່ານ ເຈົ້າວັນມິງ ເຂົ້າຢ້ຽມຂໍ່ານັບ


...

    

ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຕ້ອນ ຮັບການເຂົ້າຢ້ຽມຂ່ຳນັບຂອງ ທ່ານ ເຈົ້າວັນມິງ ກຳມະການ ສູນກາງພັກ ປະທານສະພາ ບັນດິດວິທະຍາສາດ ແລະ ເຕັກໂນໂລຊີ ສສ ຫວຽດນາມ ພ້ອມດ້ວຍຄະນະ ໃນວັນທີ 5 ທັນວານີ້ ທີ່ຫ້ອງວ່າການສຳ ນັກງານນາຍົກລັດຖະມົນຕີ ໃນໂອກາດທີ່ເດີນທາງມາຢ້ຽມ ຢາມ ແລະ ເຮັດວຽກຢູ່ ສປປ ລາວ ຢ່າງເປັນທາງການ. ທ່ານນາຍົກລັດຖະມົນຕີກໍ ໄດ້ສະແດງຄວາມຍິນດີຕ້ອນ ຮັບ ແລະ ຕີລາຄາສູງຕໍ່ທ່ານ ເຈົ້າວັນມິງ ພ້ອມດ້ວຍຄະນະ ທີ່ໄດ້ເດີນທາງມາເຮັດວຽກ ແລະ ຢ້ຽມຢາມ ສປປ ລາວ ຢ່າງເປັນທາງການ ຊຶ່ງຈະເປັນ ການປະກອບສ່ວນສຳຄັນ ເຂົ້າໃນການເສີມຂະຫຍາຍ ສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປ ລາວ ແລະ ສສ ຫວຽດ ນາມທີ່ມີມາແຕ່ດົນນານແລ້ວ ໃຫ້ຂະຫຍາຍຕົວຍິ່ງໆຂຶ້ນ, ນັບແຕ່ມີການສ້າງຕັ້ງສາຍ ພົວພັນ, ທັງສອງປະເທດກໍໄດ້ ມີການໄປມາຫາສູ່ກັນ ແລະ ກັນ ໂດຍຕະຫຼອດ ແລະ ໄດ້ມີ ການພົບປະຂອງຜູ້ນຳແຕ່ລະ ຂັ້ນ ນັບທັງຂັ້ນສູງລົງຮອດຂັ້ນ ທ້ອງຖິ່ນອັນໄດ້ເຮັດໃຫ້ສາຍ ພົວພັນດັ່ງກ່າວ ໄດ້ມີການຮັດ ແໜ້ນຂຶ້ນຢູ່ເລື້ອຍໆ, ເວົ້າລວມ ເວົ້າສະເພາະແມ່ນການຮ່ວມ ມືລະຫວ່າງສອງສະພາບັນດິດ ແຫ່ງຊາດລາວ- ສສ ຫວຽດ ນາມ ໃຫ້ຂະຫຍາຍຕົວຍິ່ງໆ ຂຶ້ນ ແລະ ໃນໂອກາດດຽວກັນ ທ່ານ ເຈົ້າວັນມິງກໍໄດ້ສະແດງ ຄວາມຂອບອົກຂອບໃຈຕໍ່ ທ່ານນາຍົກລັດຖະມົນຕີທີ່ ໄດ້ໃຫ້ການຕ້ອນຮັບຢ່າງອົບ ອຸ່ນໃນຄັ້ງນີ້, ພ້ອມທັງລາຍ ງານກ່ຽວກັບສະພາບລວມ ການຮ່ວມມືລະຫວ່າງສອງ ສະພາບັນດິດວິທະຍາສາດ ແລະ ເຕັກໂນໂລຊີ ສສ ຫວຽດ ນາມ-ສະພາວິທະຍາສາດ ແຫ່ງ ຊາດ ສປປ ລາວ ໃຫ້ທ່ານ ນາຍົກຊາບອີກດ້ວຍ. (ຂ່າວ: ບຸນຕອມ)