ພັກ-ລັດຖະບານໃຫ້ຄວາມສຳຄັນຕໍ່ການສຶກສາ ແລະ ຖືຄູສອນ ເປັນຂອດຕົ້ນຕໍ ແລະ ສຳຄັນ ຕັດສິນ ຄຸນນະພາບການສຶກສາ
( ສານທ່ານ ທອງລຸນ ສີສຸລິດ ນາຍົກລັດຖະມົນຕີ ເນື່ອງໃນວັນຄູແຫ່ງຊາດ ວັນທີ 7 ຕຸລາ ຄົບຮອບ 23 )


...

     ບັນດາ ຄູ - ອາຈານ ແລະ ພໍ່ແມ່ປະຊາຊົນລາວໃນທົ່ວ ປະເທດທີ່ເຄົາລົບ ແລະ ຮັກແພງ.
ເນື່ອງໃນໂອກາດວັນຄູແຫ່ງຊາດ ວັນທີ 7 ຕຸລາ ທີ່ຈະມາ ເຖິງນີ້ ຊຶ່ງເປັນວັນປະຫວັດສາດທີ່ສຳຄັນໜຶ່ງຂອງຊາດລາວ ເຮົາ, ຂ້າພະເຈົ້າ, ໃນນາມ ນາຍົກລັດຖະມົນຕີ ແຫ່ງ ສປປ ລາວ ຕາງໜ້າໃຫ້ການນຳພັກ ແລະ ລັດຖະບານ ສະແດງ ຄວາມຢື້ຢາມຖາມຂ່າວ, ຄວາມສາມັກຄີຮັກແພງອັນສະ ໜິດສະໜົມມາຍັງເພື່ອນໆຄູ-ອາຈານ ທຸກຊັ້ນ, ທຸກສາຍ, ທຸກລະດັບ, ທຸກຂົງເຂດໃນຂອບ ເຂດທົ່ວປະເທດ ແລະ ພໍ່ແມ່-ພີ່ນ້ອງປວງຊົນລາວທົ່ວປະເທດທຸກຖ້ວນໜ້ານະໂອກາດນີ້ດ້ວຍ.
ວັນຄູແຫ່ງຊາດ ວັນທີ 7 ຕຸລາ ປີ 2017 ນີ້, ເປັນປີທີ່ມີ ຄວາມໝາຍສຳຄັນຍິ່ງ ເພາະ ເປັນປີທີ 2 ທີ່ທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ ພ້ອມກັນຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ຈັດຕັ້ງປະຕິບັດ ແຜນພັດທະນາເສດຖະກິດ- ສັງຄົມ 5 ປີ ຄັ້ງທີ VIII (2016-2020) ໂດຍສະເພາະແມ່ນ ການຈັດຕັ້ງຜັນຂະຫຍາຍມະຕິ ກອງປະຊຸມຄົບຄະນະຄັ້ງທີ 3,4 ແລະ ຄັ້ງທີ 5 ສະໄໝທີ X ຂອງພັກ ແລະ ຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ປີ 2017 ໃຫ້ເຂົ້າສູ່ລວງ ເລິກ ແລະ ເປັນຂະບວນຟົດ ຟື້ນ.
ຕະຫຼອດໄລຍະທີ່ຜ່ານມາ ພັກ ແລະ ລັດຖະບານ ເວລາ ໃດກໍໃຫ້ຄວາມສຳຄັນ ແລະ ເອົາໃຈໃສ່ຕໍ່ວຽກງານການສຶກ ສາຄູ ແລະ ຖືເອົາຄູສອນເປັນ ຂອດຕົ້ນຕໍ ແລະ ສຳຄັນກວ່າ ໝູ່ໃນການຕັດສິນຄຸນນະພາບ ຂອງການສຶກສາ ກໍຄືການພັດ ທະນາຊັບພະຍາກອນມະນຸດ ພັດທະນາຄົນ ຄົນເປັນປັດໄຈ ຕັດສິນໃນການພັດທະນາສ້າງ ສາປະເທດຊາດ. ຖືເອົາຊັບພະ ຍາກອນມະນຸດເປັນປັດໄຈຕັດ ສິນກຳລັງການຜະລິດ, ຖືເອົາ ຄົນເປັນເປົ້າໝາຍ ແລະ ຈຸດ ສຸມຂອງການພັດທະນາ ແລະ ໄດ້ໃຫ້ນາມມະຍົດແກ່ຄູວ່າ: ຄູເປັນຄົນຂອງພັກ, ຄູແມ່ນແມ່ ພິມຂອງຊາດ, ຄູແມ່ນວິສະວະ ກອນແຫ່ງດວງວິນຍານ, ຄູເປັນ ຜູ້ໃຫ້ຄວາມຮູ້. ທຸກຄົນຢູ່ໃນສັງ ຄົມມີຄວາມຮູ້ຍ້ອນມີຄູສອນ, ທຸກຄົນລ້ວນແລ້ວແຕ່ມີຄູສອນ ເປັນຂອງຕົນເອງ ແລະ ກໍບໍ່ມີ ໃຜຈະປະຕິເສດບຸນຄຸນຂອງ ຄູ-ອາຈານສອນໃຫ້ຄວາມຮູ້ ແກ່ຕົນເອງ.
ໃນໄລຍະ 23 ປີ ທີ່ຜ່ານ ມາເຖິງວ່າ ສປປ ລາວ ພວກ ເຮົາໄດ້ປະສົບກັບສະພາບບັນ ຫາຫຼາຍດ້ານ ນັບທັງດ້ານຕັ້ງ ໜ້າ ແລະ ດ້ານຫຍໍ້ທໍ້ ຊຶ່ງໄດ້ ສົ່ງຜົນກະທົບໂດຍກົງຕໍ່ຊີວິດ ການເປັນຢູ່ຂອງຖັນແຖວຄູ-ອາຈານ ແຕ່ດ້ວຍນະໂຍບາຍ ອັນຖືກຕ້ອງຂອງພັກ, ດ້ວຍມູນ ເຊື້ອດຸໝັ່ນ, ພາກພຽນ ແລະ ມານະອົດທົນຕໍ່ການປະຕິບັດ ໜ້າທີ່ການສອນຂອງຕົນ ທັງ ໄດ້ປະກອບສ່ວນຢ່າງໃຫຍ່ ຫຼວງເຂົ້າໃນພາລະກິດປົກປັກ ຮັກສາ ແລະ ພັດທະນາປະ ເທດຊາດ ໂດຍສະເພາະແມ່ນ ການປະກອບສ່ວນດ້ວຍຄວາມ ຮັບຜິດຊອບທີ່ເປັນເຈົ້າການ ໃນການກໍ່ສ້າງ ແລະ ພັດທະ ນາຊັບພະຍາກອນມະນຸດ/ພັດ ທະນາຄົນ. ຄູ-ອາຈານ ຫຼາຍໆ ຄົນກາຍເປັນຄູສອນດີ-ສອນ ເກັ່ງ, ກາຍເປັນຄູຊ່ຽວຊານ, ຄູ ປະສົບການ, ຄູຊຳນານງານ ທັງມີສະຖານະພາບ ແລະ ມີ ບົດບາດສູງຂຶ້ນໃນສັງຄົມ. ຕາງ ໜ້າໃຫ້ການນຳຂອງພັກ ແລະ ລັດຖະບານ, ຂ້າພະເຈົ້າ ຂໍສະ ແດງຄວາມກະຕັນຍູ, ຮູ້ບຸນຄຸນ ແລະ ຍ້ອງຍໍຊົມເຊີຍຄຸນງາມ ຄວາມດີຂອງຄູ-ອາຈານທີ່ໄດ້ ອຸທິດເຫື່ອແຮງ ແລະ ສະຕິ ປັນຍາຂອງຕົນປະກອບສ່ວນ ເຂົ້າໃນການພັດທະນາສ້າງສາ ປະເທດຊາດ. ພ້ອມກັນນີ້ ກໍຂໍ ສະແດງຄວາມຂອບໃຈມາຍັງ ພາກສ່ວນໃນທົ່ວສັງຄົມ ທີ່ໄດ້ ມີສ່ວນຮ່ວມ ແລະ ໃຫ້ການ ຊ່ວຍເຫຼືອຄູ-ອາຈານ ໃຫ້ມີ ຄຸນນະພາບດີຂຶ້ນເປັນກ້າວໆ. ພັກ ແລະ ລັດຖະບານ ຕີລາ ຄາສູງຕໍ່ຜົນງານການປະກອບ ສ່ວນຂອງຄູ-ອາຈານ ເຂົ້າໃນ ການພັດທະນາເສດຖະກິດ-ສັງຄົມຂອງປະເທດ ໂດຍສະ ເພາະແມ່ນການກໍ່ສ້າງ ແລະ ການພັດທະນາຊັບພະຍາກອນ ມະນຸດ/ພັດທະນາຄົນ ນັບແຕ່ ຊັ້ນເດັກກ່ອນໄວຮຽນຈົນຮອດ ມະຫາວິທະຍາໄລ ໃຫ້ນັບມື້ ນັບມີຄຸນນະພາບທີ່ສູງຂຶ້ນ.
ບັນດາຄູ-ອາຈານ ແລະ ພີ່ນ້ອງຮ່ວມຊາດ ທີ່ຮັກແພງ ທັງຫຼາຍ.
ຄືດັ່ງທີ່ພວກເຮົາຮູ້ນຳກັນ ແລ້ວວ່າ ຍຸກປັດຈຸບັນ ແມ່ນ ຍຸກເຕັກໂນໂລຊີທີ່ທັນສະໄໝ, ຍຸກເສດຖະກິດແຫ່ງພູມປັນຍາ ແລະ ຍຸກແຫ່ງການເຊື່ອມໂຍງ ເຂົ້າກັນ, ພ້ອມດຽວກັນນີ້ສະ ພາບແວດລ້ອມຂອງພາກພື້ນ ແລະ ສາກົນ ຍັງສືບຕໍ່ຜັນແປ ໄປຢ່າງສະຫຼັບສັບຊ້ອນ ລວມ ທັງການປ່ຽນແປງຂອງດິນຟ້າ ອາກາດ, ໄພພິບັດທຳມະຊາດ ແລະ ພະຍາດລະບາດຕ່າງໆ ສະພາບແວດລ້ອມ ແລະ ການ ປ່ຽນແປງດັ່ງກ່າວ ກໍຈະມີທັງ ກາລະໂອກາດທີ່ເອື້ອອຳນວຍ, ມີທັງຂໍ້ຫຍຸ້ງຍາກ ແລະ ສິ່ງທ້າ ທາຍທົດສອບນາໆປະການຕໍ່ ການພັດທະນາເສດຖະກິດ- ສັງຄົມ ກໍຄືຕໍ່ການພັດທະນາ ຊັບພະຍາກອນມະນຸດຢູ່ປະ ເທດເຮົາ. ໃນພຶດຕິກຳຕົວຈິງ ໃນໂລກນີ້ໄດ້ຊີ້ບອກໃຫ້ພວກ ເຮົາເຫັນແລ້ວວ່າ ໃນການພັດ ທະນາປະເທດໃຫ້ຮຸ່ງເຮືອງຈະ ເລີນຍ່ອມມີຄວາມຮຽກຮ້ອງ ຕ້ອງການຊັບພະຍາກອນມະ ນຸດ (ຄົນ) ທີ່ມີຄຸນນະພາບ. ສະນັ້ນ, ໝັ່ນເລັ່ງທວງໃຫ້ຄູ-ອາຈານ ຕ້ອງເພີ່ມທະວີຄວາມ ຮັບຜິດຊອບໃນການປະຕິບັດ ໜ້າທີ່ການສອນຂອງຕົນໃຫ້ ສູງຂຶ້ນ.
ເພື່ອບັນລຸເປົ້າໝາຍດັ່ງ ກ່າວ, ບໍ່ມີສິ່ງໃດໝົດນອກຈາກ ຄູ-ອາຈານ ຈະຕັ້ງໜ້າຝຶກຝົນຫຼໍ່ ຫຼອມ ແລະ ພັດທະນາຕົນເອງ ໃຫ້ກ້າວຂຶ້ນທັນກັບຍຸກສະໄໝ ໂດຍສະເພາະແມ່ນພັດທະນາ ວິທີການສິດສອນ, ການຄົ້ນ ຄວ້າວິໄຈທາງດ້ານວິທະຍາ ສາດ ແລະ ອື່ນໆ. ວິທີການສິດ ສອນຂອງຄູແມ່ນຂອດສຳຄັນ ຫຼາຍ, ແມ່ນຫຼັກການ, ວິທີການ ຖ່າຍໂອນຄວາມຮູ້ຈາກຜູ້ບໍ່ຮູ້. ສະນັ້ນ, ຄູ-ອາຈານ ຕ້ອງມີຈັນ ຍາບັນ, ມີຄວາມເປັນແບບ ຢ່າງທີ່ດີໃຫ້ແກ່ຜູ້ຮຽນ ແລະ ສັງຄົມ, ມີຄວາມຮັບຜິດຊອບຕໍ່ ການສິດສອນ, ສິດສອນຕາມ ຫຼັກສູດທີ່ຕົນເອງໄດ້ຮັບຜິດ ຊອບ ແລະ ມີຄວາມໂປ່ງໃສ ຕໍ່ການສິດສອນ, ຄູຕ້ອງພັດທະ ນາວິທີການສິດສອນຂອງຕົນ ຢ່າງຫຼາກຫຼາຍວິທີ, ບໍ່ມີວິທີ ການສິດສອນໃດທີ່ເປັນຫຼັກ ການຕາຍຕົວ ນອກຈາກການ ສິດສອນທີ່ເຮັດໃຫ້ຜູ້ຮຽນມີ ຄວາມຮູ້ທີ່ໄດ້ກຳນົດໄວໃນຫຼັກ ສູດຂອງຊັ້ນຮຽນນັ້ນໆ ທັງສອງ ສາມາດນຳເອົາຄວາມຮູ້ທີ່ໄດ້ ຈາກການສອນຂອງຄູນັ້ນໄປ ນຳໃຊ້ໄດ້ໃນພາກປະຕິບັດຕົວ ຈິງ, ສາມາດສ້າງງານດ້ວຍຕົນ ເອງ ແລະ ແກ້ໄຂບັນຫາດ້ວຍ ຕົນເອງໄດ້. ເພື່ອເຮັດໃຫ້ຄູ- ອາຈານ ໄດ້ພັດທະນາຕົນເອງ ໃຫ້ດີຂຶ້ນ ແລະ ປະຕິບັດໜ້າທີ່ ການສິດສອນໄດ້ຢ່າງເຕັມທີ່ ຮຽກຮ້ອງໃຫ້ອົງການຈັດຕັ້ງ ທັງພາກລັດ ແລະ ພາກເອກະ ຊົນທັງພາຍໃນ ແລະ ຕ່າງປະ ເທດ ແລະ ທຸກພາກສ່ວນໃນ ສັງຄົມ ຈົ່ງພ້ອມກັນສ້າງເງື່ອນ ໄຂ ແລະ ເອື້ອອຳນວຍຄວາມ ສະດວກດ້ານຕ່າງໆໃຫ້ແກ່ເຂົາ ເຈົ້າໄດ້ຮັບຕາມນະໂຍບາຍທີ່ ກຳນົດໃນລະບຽບກົດໝາຍ ເປັນຕົ້ນການຕອບສະໜອງ ເງິນເດືອນ, ເງິນນະໂຍບາຍ ຕ່າງໆ ໃຫ້ທັນເວລາ ນອກຈາກ ນັ້ນແມ່ນການສະໜອງທີ່ພັກ ອາໄສຕາມຄວາມເໝາະສົມ ໂດຍສະເພາະແມ່ນຜູ້ຢູ່ເຂດ ຊົນເຜົ່າ, ເຂດຊົນນະບົດ, ຫ່າງ ໄກສອກຫຼີກ.
ສຸດທ້າຍນີ້, ຕາງໜ້າໃຫ້ ພັກ ແລະ ລັດຖະບານ ຂ້າພະ ເຈົ້າອໍອວຍພອນໄຊອັນປະ ເສີດມາຍັງບັນດາເພື່ອນຄູ- ອາຈານສອນທັງຍິງ ແລະ ຊາຍ ຕະຫຼອດຮອດປະຊາຊົນລາວ ບັນດາເຜົ່າຈົ່ງມີສຸຂະພາບເຂັ້ມ ແຂງ, ມີພະລານາໄມສົມບູນ, ມີຄວາມສຸກຄວາມຈະເລີນ ແລະ ປະສົບຜົນສຳເລັດໃນ ການປະຕິບັດໜ້າທີ່ວຽກງານ ຂອງຕົນ.
ນ້ຳໃຈວັນຄູແຫ່ງຊາດ 7 ຕຸລາ ໝັ້ນຍືນ.