ຫົວໜ້າຄະນະຈັດຕັ້ງສູນກາງພັກ ຊີ້ນຳ ວຽກງານຢູ່ເມືອງຕຸ້ມລານ


...

    

ສະຫາຍ ຈັນສີ ໂພສີຄຳ ກຳມະການກົມການເມືອງສູນ ກາງພັກ ຄະນະເລຂາທິການ ສູນກາງພັກ ຫົວໜ້າຄະນະຈັດ ຕັ້ງສູນກາງພັກ ພ້ອມດ້ວຍຄະ ນະໄດ້ລົງຢ້ຽມຢາມ ແລະ ເຄື່ອນ ໄຫວເຮັດວຽກຢູ່ເມືອງຕຸ້ມລານ ແຂວງສາລະວັນ ໃນວັນທີ 2 ພະຈິກຜ່ານມານີ້ ໂດຍການ ຕ້ອນຮັບ ແລະ ນຳພາຂອງ ສະຫາຍ ສີສຸວັນ ວົງຈອມສີ ກຳມະການສູນກາງພັກ ເລ ຂາພັກແຂວງ ເຈົ້າແຂວງສາ ລະວັນ ພ້ອມດ້ວຍຄະນະ, ມີ ສະຫາຍ ຈັນສະໝອນ ພົມມະ ແສງ ກຳມະການພັກແຂວງ ເລ ຂາພັກເມືອງ ເຈົ້າເມືອງຕຸ້ມລານ ພ້ອມດ້ວຍຄະນະ ແລະ ພະ ນັກງານການນຳຫຼັກແຫຼ່ງ ແລະ ພະນັກງານອາວຸໂສບຳນານ, ວິລະຊົນ ແລະ ນັກຮົບປະຕິວັດ ເຂົ້າຮ່ວມ. ພາຍຫຼັງໄດ້ຮັບຟັງການ ລາຍງານສະພາບການພັດທະ ນາເສດຖະກິດ-ສັງຄົມຈາກ ທ່ານເຈົ້າແຂວງແລ້ວ,ສະຫາຍ ຈັນສີ ໂພສີຄຳ ກໍໄດ້ໂອ້ລົມ ແລະ ຊີ້ທິດເຍືອງທາງໃຫ້ກັບ ອົງການປົກຄອງເມືອງຕຸ້ມ ລານ ໂດຍເນັ້ນໜັກໃຫ້ເອົາໃຈ ໃສ່ 3 ບັນຫາທີ່ສຳຄັນ: ສືບຕໍ່ ກວດກາຄືນວຽກງານປັບປຸງ ປົວແປງພັກໃຫ້ເລິກເຊິ່ງ, ຕີລາ ຄາຄືນການຕຳນິສົ່ງຂ່າວ, ການ ແກ້ໄຂຂໍ້ຄົງຄ້າງການນຳພາ ເພື່ອໃຫ້ມີການຫັນປ່ຽນຢ່າງ ຕັ້ງໜ້າ ແລະ ປະກົດຜົນເປັນ ຈິງ. ເອົາໃຈໃສ່ສຶກສາອົບຮົມ ການເມືອງແນວຄິດໃຫ້ໜັກ ແໜ້ນ, ເຂັ້ມແຂງ ແລະ ລົງ ເລິກທົ່ວເຖິງພະນັກງານ, ສະ ມາຊິກພັກ ແລະ ພໍ່ແມ່ປະ ຊາຊົນໃຫ້ມີນ້ຳໃຈສາມັກຄີ ປອງດອງ, ມີນ້ຳໃຈຮັກຊາດ ຮັກບ້ານເກີດເມືອງນອນ ແລະ ເຮັດຫຼ້ອນໜ້າທີ່ຂອງຕົນດ້ວຍ ຄວາມຮັບຜິດຊອບ. ຕ້ອງສຸມ ໃສ່ສ້າງເສດຖະກິດໃຫ້ມີ ຄວາມເຂັ້ມແຂງ ແລະ ດີຂຶ້ນ ກວ່າເກົ່າ, ຕ້ອງຄົ້ນຄວ້າບັນດາ ທ່າແຮງໂຄງປະກອບການພັດ ທະນາເສດຖະກິດ - ສັງຄົມ ຂອງເມືອງຢ່າງລະອຽດຄື: ຂົງ ເຂດກະສິກຳ, ອຸດສາຫະກຳ, ຫັດຖະກຳ, ການຄ້າ, ການບໍລິ ການ ແລະ ອື່ນໆທີ່ເປັນທ່າແຮງ ຍູ້ດັນເສດຖະກິດຂອງເມືອງ ນັບມື້ນັບດີຂຶ້ນ. ສຸມໃສ່ກໍ່ສ້າງ ຄົນໃຫ້ມີລະດັບ, ມີຄວາມຮູ້, ຄວາມສາມາດ, ມີວິໄສທັດ ແລະ ຈິນຕະນາການ, ສົ່ງເສີມການ ສ້າງວຽກເຮັດງານທຳເປັນຕົ້ນ: ການສຶກສາວິຊາຊີບໃນດ້ານ ກະສິກຳການປູກຝັງ, ຫັດຖະ ກຳສ້າງວິຊາຊີບໃຫ້ຕົນເອງ, ຄອບ ແລະ ສັງຄົມໃຫ້ນັບມື້ນັບ ກວ້າງຂວາງ ແລະ ເອົາການພັດ ທະນາຄົນເປັນໃຈກາງໃນການ ພັດທະນາເສດຖະກິດ - ສັງ ຄົມຂອງເມືອງ ເພື່ອສ້າງຄົນ ກາຍເປັນກຸນແຈສຳຄັນໃນ ການພັດທະນາປະເທດຊາດ ເວົ້າສະເພາະກໍຄືພາຍໃນເມືອງ ຕຸ້ມລານໃຫ້ມີຄວາມຈະເລີນ ກ້າວໜ້າຂຶ້ນ. (ຂ່າວ: ພອນສະໄໝ ໄຊຍະເສນ)