ຄະນະຜູ້ແທນພັກ ປປ ລາວ ສຳເລັດການ ເຂົ້າຮ່ວມກອງປະຊຸມລະຫວ່າງພັກກອມມູນິດຈີນ ແລະ ບັນດາພັກການເມືອງໃນໂລກ ແລະ ຢ້ຽມຢາມ ສປ ຈີນ


...

    

ຕອບສະໜອງຕາມການ ເຊື້ອເຊີນຂອງສູນກາງພັກກອມ ມູນິດຈີນ, ໃນລະຫວ່າງວັນທີ 30 ພະຈິກ ຫາ 5 ທັນວາ 2017, ສະຫາຍ ນາງ ປານີ ຢາທໍ່ຕູ້ ກຳມະການກົມການເມືອງສູນ ກາງພັກ ປະທານສະພາແຫ່ງ ຊາດ ພ້ອມດ້ວຍຄະນະຜູ້ແທນ ພັກປະຊາຊົນ ປະຕິວັດລາວ ໄດ້ເຂົ້າຮ່ວມກອງປະຊຸມສົນ ທະນາລະດັບສູງລະຫວ່າງພັກ ກອມມູນິດຈີນ ແລະ ບັນດາ ພັກການເມືອງໃນໂລກ, ທີ່ນະ ຄອນຫຼວງປັກກິ່ງ ສປ ຈີນ ຊຶ່ງ ມີຜູ້ແທນຈາກບັນດາພັກການ ເມືອງ ແລະ ອົງການຈັດຕັ້ງພັກ ການເມືອງເຂົ້າຮ່ວມເກືອບ 300 ພັກການເມືອງ ແລະ ອົງ ການຈາກ 120 ກວ່າປະເທດ ໃນໂລກ ໂດຍມີຜູ້ແທນທັງໝົດປະມານ 600 ຄົນເຂົ້າຮ່ວມ ແລະ ຫຼັງ ຈາກນັ້ນ ຄະນະໄດ້ສືບຕໍ່ຢ້ຽມ ຢາມ ສປ ຈີນ. ໃນກອງປະຊຸມຄັ້ງນີ້ ສະ ຫາຍເລຂາທິການໃຫຍ່ ປະ ທານປະເທດ ສີ ຈິ້ນຜິງ ໄດ້ມີ ຄຳເຫັນສຳຄັນ ໂດຍໄດ້ເນັ້ນ ໜັກເຖິງຄວາມຈຳເປັນ ແລະ ຄວາມສຳຄັນໃນການຮ່ວມມື ລະຫວ່າງພັກການເມືອງໃນ ໂລກ ເພື່ອສ້າງປະຊາຄົມຮ່ວມ ຊາຕາກຳຂອງມວນມະນຸດ, ສ້າງໂລກທີ່ສວຍງາມ, ໄດ້ຢືນ ຢັນຄືນທັດສະນະຂອງພັກ ກອມມູນິດຈີນ ໃນການພົວພັນ ກັບສາກົນ ເພື່ອພ້ອມກັນພັດ ທະນາ ພ້ອມກັນຈະເລີນຮຸ່ງ ເຮືອງ ພ້ອມກັນປົກປັກຮັກສາ ສັນຕິພາບ ແລະ ຄວາມປອດ ໄພ. ໃນກອງປະຊຸມດັ່ງກ່າວ, ສະຫາຍ ນາງ ປານີ ຢາທໍ່ຕູ້ ໄດ້ມີຄຳເຫັນຕໍ່ກອງປະຊຸມ ໂດຍໄດ້ຕີລາຄາສູງຕໍ່ຂໍ້ລິເລີ່ມ ຂອງພັກກອມມູນິດຈີນ ໃນ ການຈັດກອງປະຊຸມພົບປະ ຂັ້ນສູງລະຫວ່າງບັນດາພັກ ການເມືອງ ຊຶ່ງເປັນໂອກາດອັນ ດີສຳລັບການແລກປ່ຽນທັດສະ ນະກ່ຽວກັບການສ້າງປະຊາ ຄົມຮ່ວມຊາຕາກຳຂອງມວນ ມະນຸດ, ການສ້າງໂລກທີ່ສວຍ ງາມໃນອະນາຄົດ ແລະ ຮ່ວມ ກັນຊອກຫາວິທີແກ້ໄຂສິ່ງທ້າ ທາຍໃນການພັດທະນາສັງຄົມ ມະນຸດ, ທັງເປັນການປະກອບ ສ່ວນເຂົ້າໃນພາລະກິດສັນຕິ ພາບ, ມິດຕະພາບ ແລະ ການ ຮ່ວມມືໃນພາກພື້ນ ແລະ ໃນ ໂລກ, ພັກ ປປ ລາວ ຈະປະ ກອບສ່ວນຢ່າງຕັ້ງໜ້າຮ່ວມ ກັບບັນດາພັກການເມືອງ ເພື່ອ ເຮັດໃຫ້ຂໍ້ລິເລີ່ມດັ່ງກ່າວປາກົດ ຜົນຢ່າງເປັນຮູບປະທຳ. ນອກນັ້ນ ໃນໂອກາດເຂົ້າ ຢ້ຽມຂ່ຳນັບ ສະຫາຍ ຈາງ ເຕີ ຈ່ຽງ ປະທານປະຊາຊົນທົ່ວປະ ເທດຈີນແບບລວມໝູ່, ສະຫາຍ ນາງ ປານີ ຢາທໍ່ຕູ້ ກໍໄດ້ຕີລາ ຄາຜົນສຳເລັດຂອງການຈັດຕັ້ງ ກອງປະຊຸມພົບປະລະຫວ່າງ ພັກການເມືອງ ຊຶ່ງເປັນເຫດ ການເຄື່ອນໄຫວຕ່າງປະເທດ ຂອງພັກກອມມູນິດຈີນ ພາຍ ຫຼັງຜົນສຳເລັດອັນສະຫງ່າງາມ ຂອງກອງປະຊຸມໃຫຍ່ ຄັ້ງທີ 19 ຂອງພັກ ໃນເດືອນຕຸລາ ຜ່ານມາ ພ້ອມທັງຕີລາຄາສູງ ຕໍ່ການປະກອບສ່ວນຂອງພັກ ກອມມູນິດຈີນ ໃນພາລະກິດ ປົກປັກຮັກສາສັນຕິພາບ, ຄວາມ ໝັ້ນຄົງໃນພາກພື້ນຕ່າງໆຂອງ ໂລກ. ໃນກອງປະຊຸມສົນທະນາ ລະດັບສູງ ພາຍໃຕ້ຫົວຂໍ້: “ການສ້າງປະຊາຄົມຮ່ວມຊາ ຕາກຳຂອງມວນມະນຸດ, ຮ່ວມ ກັນສ້າງໂລກທີ່ສວຍງາມ: ຄວາມຮັບຜິດຊອບຂອງພັກ ການເມືອງ” ໄດ້ເປັນເອກະ ພາບຮັບຮອງເອົາຂໍ້ລິເລີ່ມປັກ ກິ່ງ ທີ່ປະກອບດ້ວຍ 16 ຂໍ້ ໂດຍເນັ້ນເຖິງບັນດາພັກການ ເມືອງຄວນໄປຕາມກະແສ ຂອງຍຸກສະໄໝ, ກຳແໜ້ນ ທິດທາງຄວາມກ້າວໜ້າຂອງ ມວນມະນຸດ, ເຮັດວຽກ ເພື່ອ ຄວາມມຸ່ງຫວັງຂອງປະຊາ ຊາດ, ຕ້ອງມີອຸດົມການອັນສູງ ສົ່ງ ແລະ ກ້າຮັບຜິດຊອບ ແລະ ຕື່ນຕົວແບກຫາບຕໍ່ພາລະກິດ ຂອງຍຸກສະໄໝ ແລະ ບັນ ດາປະເທດຄວນເຄົາລົບ ແລະ ປົກປັກຮັກສາສັນຕິພາບ ແລະ ຊຸກຍູ້ການພັດທະນາຮ່ວມກັນ, ເດັດດ່ຽວຢຶດໝັ້ນເສີມຂະ ຫຍາຍການຮ່ວມມືທີ່ຮັບຜົນ ປະໂຫຍດຮ່ວມກັນ, ເຂົ້າຮ່ວມ ການສ້າງສາ ແລະ ປະຕິຮູບ ລະບົບການຄຸ້ມຄອງທົ່ວໂລກ ຢ່າງສ້າງສັນ, ຊຸກຍູ້ໃຫ້ລະບຽບ ການສາກົນພັດທະນາໄປຕາມ ທິດທີ່ທ່ຽງທຳ ແລະ ສົມເຫດ ສົມຜົນກວ່າເກົ່າ. ຫຼັງຈາກເຂົ້າຮ່ວມກອງ ປະຊຸມແລ້ວ, ສະຫາຍ ນາງ ປານີ ຢາທໍ່ຕູ້ ກຳມະການກົມ ການເມືອງສູນກາງພັກ ປະ ທານສະພາແຫ່ງຊາດ ພ້ອມ ດ້ວຍຄະນະໄດ້ສືບຕໍ່ຢ້ຽມຢາມ ນະຄອນຊຽງໄຮ້, ສປ ຈີນ ແຕ່ ວັນທີ 3-5/12/2017. ສະ ຫາຍ ລີສຽງ ກຳມະການກົມ ການເມືອງສູນກາງພັກ ເລຂາ ຄະນະພັກນະຄອນຊຽງໄຮ້ ໄດ້ ຕ້ອນຮັບຄະນະ ແລະ ໄດ້ແຈ້ງ ສະພາບການອັນພົ້ນເດັ່ນ ໃນ ການພັດທະນານະຄອນຊຽງ ໄຮ້, ຕີລາຄາສາຍພົວພັນລະ ຫວ່າງຈີນ-ລາວ ເວົ້າລວມ, ລະ ຫວ່າງນະຄອນຊຽງໄຮ້ ແລະ ສປປ ລາວ ເວົ້າສະເພາະ. ສະ ຫາຍ ນາງ ປານີ ຢາທໍ່ຕູ້ ໄດ້ ສະແດງຄວາມຂອບໃຈຕໍ່ການ ຕ້ອນຮັບທີ່ເຕັມໄປດ້ວຍໄມຕີ ຈິດມິດຕະພາບຖານສະຫາຍ ອ້າຍນ້ອງຂອງສະຫາຍເລຂາ ຄະນະພັກນະຄອນຊຽງໄຮ້, ສະແດງຄວາມຊົມເຊີຍ ແລະ ຕີລາຄາຕໍ່ຜົນສຳເລັດການເປັນ ເຈົ້າພາບຈັດກອງປະຊຸມສົນ ທະນາລະດັບສູງ ລະຫວ່າງພັກ ກອມມູນິດ ແລະ ບັນດາພັກ ການເມືອງໃນໂລກ, ຊົມເຊີຍ ຜົນສຳເລັດກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ 19 ຂອງພັກກອມມູນິດຈີນ ທີ່ມີ ຄວາມໝາຍດ້ານປະຫວັດສາດ ຂອງພັກກອມມູນິດຈີນ ແລະ ປະຊາຊົນຈີນ ທີ່ໄດ້ສ້າງຄວາມ ສົນໃຈໃຫ້ແກ່ບັນດາປະເທດຢູ່ ໃນໂລກ, ຊົມເຊີຍຕໍ່ຜົນສຳເລັດ ອັນໃຫຍ່ຫຼວງຮອບດ້ານຂອງ ປະຊາຊົນຈີນ ເວົ້າລວມ, ເວົ້າ ສະເພາະນະຄອນຊຽງໄຮ້ ທີ່ ຍາດມາໄດ້ໃນໄລຍະຜ່ານມາ ພາຍໃຕ້ການນຳພາອັນສະຫຼາດ ສ່ອງໃສຂອງພັກກອມມູນິດ ຈີນ ແລະ ອວຍພອນໃຫ້ປະຊາ ຊົນຈີນ ພາຍໃຕ້ການນຳພາ ຂອງພັກກອມມູນິດຈີນ ອັນມີ ສະຫາຍ ສີ ຈິ້ນຜິງ ເປັນແກນ ນຳນັ້ນ ຈົ່ງບັນລຸຜົນສຳເລັດໃນ ການສ້າງສັງຄົມນິຍົມທີ່ມີສີສັນ ພິເສດຂອງຈີນ, ບັນລຸການສ້າງ ປະເທດຈີນສັງຄົມນິຍົມເຂັ້ມ ແຂງ, ຈະເລີນຮຸ່ງເຮືອງ, ປະຊາ ທິປະໄຕ, ກົມກຽວປອງດອງ ແລະ ສວຍງາມ. ສະຫາຍ ນາງ ປານີ ຢາທໍ່ຕູ້ ໄດ້ແຈ້ງສະພາບການພົ້ນເດັ່ນ ຂອງ ສປປ ລາວ ໂດຍສະ ເພາະແມ່ນການຈັດຕັ້ງຜັນຂະ ຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ແຜນ ພັດທະນາເສດຖະກິດ-ສັງຄົມ 5 ປີ ຄັ້ງທີ 8, ຕີລາຄາການພົວ ພັນຮ່ວມມືທີ່ມີມູນເຊື້ອແບບຄູ່ ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ລະຫວ່າງ ສອງພັກ, ສອງລັດ ແລະ ປະ ຊາຊົນສອງຊາດລາວ-ຈີນ ໃນ ໄລຍະຜ່ານມາ ໂດຍສະເພາະ ໄດ້ຕີລາຄາຜົນສຳເລັດການ ຢ້ຽມຢາມລັດຖະກິດທີ່ ສປປ ລາວ ຂອງສະຫາຍເລຂາທິ ການໃຫຍ່ ປະທານປະເທດ ສີ ຈິ້ນຜິງ ໃນກາງເດືອນພະຈິກ ທີ່ຜ່ານມາ ແລະ ໄດ້ຕີລາຄາ ສູງ, ສະແດງຄວາມຮູ້ບຸນຄຸນຕໍ່ ພັກ - ລັດ ແລະ ປະຊາຊົນຈີນ ທີ່ໄດ້ໃຫ້ການສະໜັບສະໜູນ ຊ່ວຍເຫຼືອໃຫ້ແກ່ພັກ, ລັດ ແລະ ປະຊາຊົນລາວ ໃນໄລຍະທີ່ ຜ່ານມາ ກໍຄືປັດຈຸບັນ ຊຶ່ງເປັນ ການປະກອບສ່ວນເຂົ້າໃນ ການສ້າງສາພັດທະນາປະເທດ ສປປ ລາວ ໃຫ້ນັບມື້ນັບເຂັ້ມ ແຂງ. ສະຫາຍ ນາງ ປານີ ຢາທໍ່ຕູ້ ພ້ອມຄະນະຍັງໄດ້ຢ້ຽມຊົມພື້ນ ຖານປະຫວັດສາດ, ເສດຖະ ກິດ-ສັງຄົມ ຈຳນວນໜຶ່ງຢູ່ນະ ຄອນຫຼວງປັກກິ່ງ ແລະ ນະ ຄອນຊຽງໄຮ້ ເຊັ່ນ: ສະຖານທີ່ ດຳເນີນກອງປະຊຸມໃຫຍ່ ຄັ້ງທີ 1 ຂອງພັກກອມມູນິດຈີນ, ສູນ ວາງສະແດງແຜນຜັງເມືອງ ນະ ຄອນຊຽງໄຮ້.