ຮອງປະທານປະເທດຕ້ອນຮັບທູດເຢຍລະມັນເຂົ້າຢ້ຽມອຳລາ


...

    ທ່ານ ພັນຄຳ ວິພາວັນ ຮອງປະທານປະເທດ ໄດ້ຕ້ອນ ຮັບທ່ານ ໄມເຄີນກຼົວ (Michael GRAU) ເອກອັກຄະ ລັດຖະທູດ ສະຫະພັນເຢຍລະ ມັນ ປະຈຳລາວ ເຂົ້າຢ້ຽມອຳ ລາ ໃນຕອນແລງທີ 7 ມີຖຸນາ ນີ້ ທີ່ທຳນຽບປະທານປະເທດ. ໃນໂອກາດັ່ງກ່າວ ທ່ານ ຮອງປະທານປະເທດ ໄດ້ກ່າວ ສະແດງຄວາມຕ້ອນຮັບ ແລະ ຊົມເຊີຍຕໍ່ຜົນສຳເລັດການປະ ຕິບັດໜ້າທີ່ການທູດຢູ່ລາວ ຕະຫຼອດໄລຍະເວລາ 3 ປີ. ທ່ານ ທູດ ໄດ້ຕັ້ງໜ້າເຂົ້າໃນການ ເສີມຂະຫຍາຍສາຍພົວພັນ ມິດຕະພາບ ແລະ ການຮ່ວມມື ທີ່ດີລະຫວ່າງ ສປປ ລາວ ແລະ ສສ ເຢຍລະມັນ ທີ່ນັບມື້ຂະ ຫຍາຍຕົວ ແລະ ເຊື່ອໝັ້ນວ່າ ທັງສອງປະເທດຈະສືບຕໍ່ໃຫ້ ແໜ້ນແຟ້ນຍິ່ງຂຶ້ນ. ທ່ານຮອງປະທານປະ ເທດຍັງໄດ້ກ່າວຂອບໃຈຜ່ານ ທ່ານທູດໄປຍັງລັດຖະບານ ເຢຍລະມັນທີ່ໄດ້ໃຫ້ການຊ່ວຍ ເຫຼືອແກ່ ສປປ ລາວ ໄລຍະ ຜ່ານມາ ຊຶ່ງເປັນການປະກອບ ສ່ວນໂດຍກົງເຂົ້າໃນການປະ ຕິບັດບັນລຸເປົ້າໝາຍລວມຂອງ ແຜນພັດທະນາເສດຖະກິດ- ສັງຄົມຂອງ ສປປ ລາວ ເປັນ ຕົ້ນແມ່ນໄດ້ເນັ້ນໜັກໃສ່ການ ພັດທະນາຊົນນະບົດວຽກງານ ອາຊີວະສຶກສາ, ການພັດທະ ນາເສດຖະກິດແບບຍືນຍົງ, ການພັດທະນາຊັບພະຍາ ກອນມະນຸດ, ການອະນຸລັກສິ່ງ ແວດລ້ອມ ແລະ ອື່ນໆ ຊຶ່ງມາ ເຖິງປັດຈຸບັນເຢຍລະມັນໄດ້ ຊ່ວຍເຫຼືອ ສປປ ລາວ ມີມູນຄ່າ ປະມານ 377,1 ລ້ານ ເອີໂຣ. ທ່ານຮອງປະທານປະເທດຍັງ ໄດ້ກ່າວອວຍພອນໃຫ້ທ່ານ ທູດຈົ່ງປະສົບຄວາມສຳເລັດ ໃນໜ້າທີ່ໃໝ່ຂອງທ່ານພ້ອມ ທັງອວຍພອນໃຫ້ທ່ານເດີນ ທາງກັບຄືນປະເທດດ້ວຍ ຄວາມສະຫວັດດີພາບ. (ຂ່າວ-ພາບ: ພູວຽງຄຳ)