ຮອງນາຍົກລັດຖະມົນຕີຢ້ຽມຢາມ ແລະ ເຮັດວຽກຢູ່ອັດຕະປື


...

    ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມ ຄະນະໄດ້ມາຢ້ຽມຢາມ ແລະ ເຮັດວຽກຢູ່ແຂວງອັດຕະປື ຊຶ່ງ ໃນວັນທີ 5 ມີຖຸນາຜ່ານມານີ້, ຢູ່ທີ່ຫ້ອງວ່າການປົກຄອງ ແຂວງໄດ້ມີການພົບປະກັບ ຄະນະນຳຂອງແຂວງ ແລະ ພະ ແນກການກ່ຽວຂ້ອງພາຍໃນ ແຂວງເຂົ້າຮ່ວມ. ທ່ານ ສຸກສະໄໝ ຈັນທະ ມາດ ຮອງເຈົ້າແຂວງອັດຕະປື ໄດ້ຂຶ້ນລາຍງານ ໂດຍສັງເຂບ ກ່ຽວກັບແຜນພັດທະນາເສດ ຖະກິດ - ສັງຄົມ ໃນໄລຍະ 5 ເດືອນ ປີ 2017 ຜ່ານມາ ຊຶ່ງ ໃນໄລ ຍະຜ່ານມາອຳນາດ ການປົກຄອງແຂວງໄດ້ພ້ອມ ກັນເອົາໃຈໃສ່ຜ່ານຜ່າອຸປະສັກ ສິ່ງທ້າທາຍເຮັດໃຫ້ແຂວງສືບ ຕໍ່ມີສະຖຽນລະພາບທາງດ້ານ ການເມືອງຢ່າງໜັກແໜ້ນເສດ ຖະກິດມີການຂະຫຍາຍຕົວ, ສັງຄົມມີຄວາມເປັນລະບຽບ ຮຽບຮ້້ອຍດີ, ພະນັກງານ ແລະ ປະຊາຊົນບັນດາເຜົ່າແຂວງ ອັດຕະປືຍັງມີຄວາມສາມັກ ຄີຢ່າງເປັນປຶກແຜ່ນໜັກແໜ້ນ ແລະ ເຊື່ອໝັ້ນຕໍ່ການນຳພາ ຂອງພັກ. ພ້ອມດຽວກັນນັ້ນ ບັນດາ ທ່ານຫົວໜ້າພະແນກການທີ່ ກ່ຽວຂ້ອງກໍໄດ້ຜັດປ່ຽນກັນລາຍ ງານກ່ຽວກັບການຈັດຕັ້ງປະຕິ ວຽກງານຜ່ານມາ ແລະ ມີການ ຊັກຖາມເຈາະຈີ້ມຈາກທ່ານ ຮອງນາຍົກ ແລະ ບັນດາກະ ຊວງທີ່ກ່ຽວຂ້ອງເປັນຕົ້ນແມ່ນ ການລາຍງານຈາກພະແນກ ພະລັງງານ ແລະ ບໍ່ແຮ່, ພະ ແນກການເງິນ, ພະແນກແຜນ ການ ແລະ ການລົງທຶນ ແລະ ພະແນກອຸດສາຫະກຳ ແລະ ການຄ້າ ເພື່ອພ້ອມກັນແກ້ໄຂ ໃນຕໍ່ໜ້າໃຫ້ເໝາະສົມ ໃນນີ້ໄດ້ ມີຫຼາຍບັນຫາໃຫຍ່ທີ່ໄດ້ຍົກຂຶ້ນ ເຊັ່ນ: ບັນຫາການຂຸດຄົ້ນ ແລະ ລັກລອບຂຸດບໍ່ຫີນອ່ອນ, ໂຄງ ການລົງທຶນທີ່ໄດ້ຮັບການອະນຸ ມັດຜ່ານມາໃນ 5 ໂຄງການທີ່ມີ ມູນຄ່າປະມານ 400.460.000 ໂດລາ, ບັນຫາຂອງປະເພດ ບ້ວງໄມ້ທີ່ຍັງບໍ່ທັນໄດ້ມີການ ແກ້ໄຂເດັດຂາດອັນເປັນບັນ ຫາມາແຕ່ປີ 2013-2017 ເປັນຕົ້ນແມ່ນບ້ວງໄມ້ລັດຖະ ບານອະນຸມັດ, ໄມ້ບຸກເບີກເພື່ອ ພັດທະນາໂຄງລ່າງ, ບ້ວງໄມ້ ເຂື່ອນເຊກະໜານ ແລະ ນ້ຳກົງ ຈຳນວນ 76 ພັນກວ່າແມັດກ້ອນ ແລະ ບ້ວງໄມ້ທີ່ຍັງຄ້າງຕົວຈິງ ໃນປັດຈຸບັນ ຈຳນວນ 63 ພັນ ກວ່າແມັດກ້ອນ ທີ່ຍັງບໍ່ ທັນໄດ້ ມີການເຄື່ອນຍ້າຍແຕ່ຢ່າງໃດ ກໍຕາມລັດຖະບານກໍຍັງຈະ ຊອກຫາວິທີທາງແກ້ໄຂບັນຫາ ດັ່ງກ່າວນັ້ນ ໂດຍສັນຕິວິທີພ້ອມ ນີ້ກໍຍັງໄດ້ມີບັນຫາອື່ນໆອີກ. ຕອນທ້າຍທ່ານຮອງນາ ຍົກກໍໄດ້ມີຄຳເຫັນໂອ້ລົມ ຊຶ່ງ ທ່ານໄດ້ຍົກໃຫ້ເຫັນຫຼາຍບັນ ຫາ ເພື່ອໃຫ້ທາງອຳນາດການ ປົກຄອງແຂວງ ສືບຕໍ່ເອົາໃຈ ໃສ່ໃຫ້ດີກວ່າເກົ່າ ເປັນຕົ້ນຕ້ອງ ໃຫ້ພ້ອມກັນເອົາໃຈໃສ່ຕໍ່ບັນ ຫາຜູ້ລະເມີດລັກລອບຂຸດຄົ້ນ ບໍ່ຫີນອ່ອນ, ບັນຫາການລັກ ລອບຕັດໄມ້, ບັນຫາຢາເສບ ຕິດ, ການຄ້າຂາຍເຖື່ອນ ແລະ ບັນຫາ ປະກົດການຫຍໍ້ທໍ້ໃນ ສັງຄົມ ພ້ອມກັນນັ້ນ ໃຫ້ສືບຕໍ່ ການເກັບລາຍຮັບເຂົ້າງົບປະ ມານໃຫ້ໄດ້ຕາມເປົ້າໝາຍ ຫຼຸຸດ ຜ່ອນການໃຊ້ຈ່າຍຟຸມເຟືອຍ, ແກ້ໄຂບັນຫາເງິນເດືອນ, ຊຸກຍູ້ ຕິດຕາມກວດກາບັນດາໂຄງ ການລົງທຶນຂອງລັດ, ບັນຫາ ໄພທຳມະຊາດ ແກ້ໄຂຄວາມ ທຸກຍາກຂອງປະຊາຊົນຢ່າງມີ ຈຸດສຸມ ແລະ ການສະໜອງ ດ້ານສະບຽງອາຫານຕອບສະ ໜອງປະຊາຊົນພາຍໃນທ້ອງ ຖິ່ນໃຫ້ພຽງພໍ, ສ້າງທຸກເງື່ອນ ໄຂເພື່ອດຶງດູດການລົງທຶນ ເພື່ອນຳຜົນປະໂຫຍດສູງສຸດ ເຂົ້າໃນການພັດທະນາເສດ ຖະກິດ - ສັງຄົມ ຢູ່ທ້ອງຖິ່ນ ໃນ ໄລຍະໃໝ່ໄປຕາມທິດ ແລະ ຖືກຕ້ອງກັບແນວທາງຂອງລັດ ຖະບານວາງອອກ. (ຂ່າວ: ມາລາທິບ)