ລມຕ ກະຊວງສຶກສາຕ້ອນຮັບຜູ້ແທນ ກຳປູເຈຍ


...

    ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີ ກະຊວງສຶກສາທິການ ແລະ ກິລາ (ສສກ) ໄດ້ຕ້ອນຮັບ ທ່ານ ແຈງ ມານິດ (CHENG Manith) ເອກອັກຄະຣາຊະທູດ ຣາຊະອານາຈັກກຳປູເຈຍ ປະ ຈຳ ສປປ ລາວ ເຂົ້າຢ້ຽມຂ່ຳນັບ ໃນໂອກາດມາດຳລົງຕຳແໜ່ງ ເປັນເອກອັກຄະຣາຊະທູດຄົນ ໃໝ່ ປະຈຳ ສປປ ລາວ ເມື່ອ ວັນທີ 6 ມີຖຸນານີ້, ທີ່ກະຊວງ ດັ່ງກ່າວ. ໃນໂອກາດນີ້, ທ່ານລັດ ຖະມົນຕີໄດ້ກ່າວສະແດງ ຄວາມຕ້ອນຮັບ ອັນອົບ ອຸ່ນ ແລະ ຕີລາຄາສູງຕໍ່ ທ່ານ ແຈງ ມານິດ ທີ່ໄດ້ມາດຳລົງຕຳແໜ່ງ ເປັນເອກອັກຄະຣາຊະທູດ ຄົນໃໝ່ ປະຈຳ ສປປ ລາວ ຊຶ່ງຈຸດປະສົງໃນການມາຢ້ຽມ ຂ່ຳນັບຂອງທ່ານເອກອັກຄະ ຣາຊະທູດໃນຄັ້ງນີ້, ເພື່ອສືບຕໍ່ ຜັນຂະຫຍາຍຮັດແໜ້ນຄວາມ ສາມັກຄີ, ແລກປ່ຽນບົດຮຽນ ແຜນພັດທະນາການຮ່ວມມື ດ້ານສຶກສາ ແລະ ກິລາ ຂອງ ສອງກະຊວງກໍຄື ກະຊວງສຶກ ສາທິການ ແລະ ກິລາ ສປປ ລາວ ແລະ ກະຊວງສຶກສາ, ຊາວໜຸ່ມ ແລະ ກິລາ ກຳປູເຈຍ, ເພື່ອປຶກສາຫາລືຮ່າງບົດບັນ ທຶກສັນຍາຮ່ວມມືດ້ານການ ສຶກສາ - ກິລາລະຫວ່າງກະຊວງ ໃນ 4 ປີ ຕໍ່ໜ້ານັບແຕ່ປີ (2018-2022) ໂດຍສະເພາະແມ່ນ ການປັບປຸງເບ້ຍລ້ຽງໃຫ້ນັກສຶກ ສາຈາກ 150 ໂດລາສະຫະລັດ ຕໍ່ເດືອນມາເປັນ 180 ໂດລາ ສະຫະລັດ, ພ້ອມນັ້ນ ກໍໄດ້ມີ ການເພີ່ມຈຳນວນທຶນແລກ ປ່ຽນນັກສຶກສາຈາກ 10 ທຶນ ເປັນ 15 ທຶນຕໍ່ປີ, ພິເສດແມ່ນ ການຮ່ວມມືດ້ານການສຶກສາ ແລະ ກິລາ ຢູ່ບັນດາແຂວງທີ່ມີ ຊາຍແດນຕິດກັບຣາຊະອານາ ຈັກກຳປູເຈຍ. ທ່ານ ແຈງ ມານິດ ໄດ້ ກ່າວສະແດງຄວາມຂອບໃຈ ແລະ ຊົມເຊີຍຕໍ່ທ່ານລັດຖະ ມົນຕີທີ່ໄດ້ໃຫ້ການຕ້ອນຮັບ ຢ່າງອົົບອຸ່ນ ພ້ອມທັງຢືນຢັນວ່າ ຈະສືບຕໍ່ເສີມຂະຫຍາຍສາຍ ພົວພັນມິດຕະພາບການຮ່ວມ ມືລະຫວ່າງສອງປະເທດລາວ ແລະ ຣາຊະອານາຈັກກຳປູ ເຈຍ ທີ່ມີມາແລ້ວໃຫ້ເກີດດອກ ອອກຜົນຍິ່ງໆຂຶ້ນ. ໃນວັນດຽວກັນທ່ານ ນາງ ແສງເດືອນ ຫຼ້າຈັນທະບູນ ລັດ ຖະມົນຕີກະຊວງສຶກສາທິການ ແລະ ກິລາ ໄດ້ຕ້ອນຮັບທ່ານ ໄມເຄິນ ກຣູ (Michael GRAU) ເອກອັກຄະລັດຖະທູດເຢຍລະ ມັນ ປະຈຳ ສປປ ລາວ ເຂົ້າ ຢ້ຽມຂ່ຳ ນັບອຳລາໃນໂອກາດ ສຳເລັດການປະຕິບັດໜ້າທີ່ ທາງການທູດຢູ່ ສປປ ລາວ. ໃນໄລຍະຜ່ານມາລັດຖະ ບານເຢຍລະມັນ ໄດ້ຊ່ວຍປັບປຸງ ແລະ ຂະຫຍາຍການສ້າງຄູອາ ຊີວະສຶກສາຂອງສະຖາບັນ ພັດ ທະນາອາຊີວະສຶກສາ ເພື່ອພັດ ທະນາພື້ນຖານໂຄງລ່າງຢູ່ໃນ ຂັ້ນສູນກາງ - ແຂວງລວມ ເປັນຈຳນວນເງິນ 7.200.000 ເອີໂຣ. ຈາກນັ້ນ, ທ່ານ ນາງ ແສງເດືອນ ຫຼ້າຈັນທະບູນ ລັດ ຖະມົນຕີກະຊວງສຶກສາທິການ ແລະ ກິລາ ໄດ້ຕ້ອນຮັບທ່ານ ໂດມີນິກ ໂກ (Dominic Goh) ເອກອັກຄະລັດຖະທູດສິງກະ ໂປ ປະຈຳ ສປປ ລາວ ເຂົ້າຢ້ຽມ ຂ່ຳນັບ ເພື່ອປຶກສາຫາລືການ ພັດທະນາຊັບພະຍາກອນມະ ນຸດລະຫວ່າງສອງຝ່າຍ ເພື່ອ ສືບຕໍ່ການຮ່ວມມືໃນຕໍ່ໜ້າ. (ຂ່າວ: ພູວັນ)