ນາຍົກລັດຖະມົນຕີ ເຄື່ອນໄຫວຢ້ຽມຢາມຫຼວງພະບາງ


...

    

ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍ ພັນລະຍາ ແລະ ຄະນະໄດ້ເດີນ ທາງໄປເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຫຼວງພະ ບາງ ໃນວັນທີ 5-6 ພະຈິກ ນີ້ ຊຶ່ງມີທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງ ມີບັນ ດາຄະນະພັກ-ຄະນະນຳແຂວງ, ພະແນກການທີ່ກ່ຽວຂ້ອງ, ພະ ນັກງານຫຼັກແຫຼ່ງ ແລະ ປະຊາ ຊົນຊາວແຂວງຫຼວງພະບາງ ໃຫ້ການຕ້ອນຮັບຢ່າງອົບອຸ່ນ. ທ່ານ ຄຳຂັນ ຈັນທະວີສຸກ ໄດ້ລາຍງານໃຫ້ຊາບເຖິງສະ ພາບການຈັດຕັ້ງປະຕິບັດແຜນ ພັດທະນາເສດຖະກິດ-ສັງຄົມ ຂອງແຂວງ ໃນໄລຍະ 9 ເດືອນ ຜ່ານມາ ແລະ ການກະກຽມໃຫ້ ແກ່ປີທ່ອງທ່ຽວລາວ 2018 ຊຶ່ງ ເຫັນວ່າເສດຖະກິດໃນປີ 2017 ຍັງສືບຕໍ່ຂະຫຍາຍຕົວຕໍ່ເນື່ອງ ດ້ວຍຈັງຫວະດີສົມຄວນ ໃນ ລະດັບ 8,4% ຕໍ່ປີ, ສະເລ່ຍລາຍ ຮັບຕໍ່ຫົວຄົນໄດ້ 1.746 ໂດລາ ຕໍ່ຄົນຕໍ່ປີ, ສາມາດເກັບລາຍ ຮັບເຂົ້າງົບປະມານໄດ້250 ຕື້ກວ່າກີບ ເທົ່າກັບ 94% ຂອງແຜນການ, ດ້ານການລົງ ທຶນ. ສຳລັບປີ 2017 ສະພາ ແຫ່ງຊາດ ໄດ້ອະນຸມັດງົບປະ ມານລົງທຶນຂອງລັດໃຫ້ແຂວງ ຫຼວງພະບາງຈຳນວນ 283 ໂຄງ ການ ມູນຄ່າ 81,345 ຕື້ກີບ, ສາມາດດຶງດູດການລົງທຶນຂອງ ເອກະຊົນພາຍໃນ ແລະ ຕ່າງ ປະເທດ ໄດ້ 252 ໂຄງການ, ມູນຄ່າ 529,365 ຕື້ກີບ ເທົ່າ ກັບ 46,97% ຂອງແຜນການ ປີ. ຈາກການເຕີບໂຕດັ່ງກ່າວ ໄດ້ປະກອບສ່ວນເຂົ້າໃນການ ແກ້ໄຂຄວາມທຸກຍາກຂອງປະ ຊາຊົນ ຊຶ່ງປັດຈຸບັນຍັງມີຄອບ ຄົວທຸກຍາກ 4.197 ຄອບຄົວ, ເທົ່າກັບ 5,39% ແລະ ພວມ ກະກຽມປະກາດເມືອງວຽງຄຳ ເປັນເມືອງພົ້ນທຸກໃນຈຳນວນ 4 ເມືອງ ທຸກຍາກຂອງແຂວງ, ກ່ຽວກັບການກະກຽມປີທ່ອງ ທ່ຽວ ປີ 2018 ຢູ່ແຂວງຫຼວງພະ ບາງ ແມ່ນໄດ້ແຕ່ງຕັ້ງຄະນະ ຮັບຜິດຊອບກະກຽມການສະ ເຫຼີມສະຫຼອງປີທ່ອງທ່ຽວ ແລະ ບັນດາກິດຈະກຳທີ່ຈະເຄື່ອນ ໄຫວ ຊຶ່ງມີ 5 ກິດຈະກຳໃຫຍ່ ແລະ 10 ກິດຈະກຳປິ່ນອ້ອມ ແລະ ຈະໄດ້ຈັດງານສະເຫຼີມ ສະຫຼອງປີທ່ອງທ່ຽວລາວ 2016 ຢູ່ຫຼວງພະບາງ ຄາດຄະເນຈະ ຈັດໃສ່ຕົ້ນເດືອນເມສາ 2018. ໂອກາດນີ້, ທ່ານ ທອງລຸນ ສີສຸລິດ ກໍໄດ້ສະແດງຄວາມ ຊົມເຊີຍຕໍ່ຄະນະພັກ-ຄະນະ ນຳ ແລະ ປະຊາຊົນຊາວ ແຂວງຫຼວງພະບາງ ທີ່ຍາດມາ ໄດ້ຫຼາຍຜົນງານໃນການພັດ ທະນາແຂວງ. ພ້ອມນີ້, ທ່ານ ນາຍົກລັດຖະມົນຕີ ຍັງໄດ້ຍົກ ໃຫ້ເຫັນ 2 ວຽກທີ່ສຳຄັນ ທີ່ຈະ ໄດ້ພ້ອມກັນເອົາໃຈໃສ່ ຄື: ການ ປະກາດໃຫ້ເມືອງຫຼວງພະບາງ ເປັນນະຄອນຫຼວງພະບາງ ທີ່ ໄດ້ຜ່ານການພິຈາລະນາຈາກ ກອງປະຊຸມລັດຖະບານສະ ໄໝສາມັນ ປະຈຳເດືອນຕຸລາ ທີ່ຜ່ານມາ ທີ່ໄປຕາມການພັດ ທະນາໃນໄລຍະໃໝ່ ກໍຄືມາດ ຖານການສະເໜີຂຶ້ນເປັນນະ ຄອນ ທີ່ກຳນົດໄວ້ໃນກົດໝາຍ ວ່າດ້ວຍການປົກຄອງທ້ອງຖິ່ນ ແລະ ຄາດວ່າຈະປະກາດເປັນ ທາງການໃນເດືອນເມສາ 2018 ທີ່ຈະມາເຖິງນີ້. ອີກວຽກງານ ໜຶ່ງແມ່ນການກະກຽມໃຫ້ແກ່ ປີທ່ອງທ່ຽວລາວ 2018 ໃນນັ້ນ ໃຫ້ເບິ່ງຄືນກ່ຽວກັບບັນດາກິດ ຈະກຳເຫຼົ່ານັ້ນ ວ່າຈະມີການ ປັບປຸງ, ປົວແປງ ແລະ ຍົກລະ ດັບຂຶ້ນແນວໃດ ອັນສຳຄັນ ແມ່ນບໍ່ໃຫ້ກະທົບໃສ່ວັດຖຸບູ ຮານ ແລະ ປະເພນີຮີດຄອງ ອັນດີງາມ-ເກົ່າແກ່ຂອງແຂວງ ກໍຄືຂອງຊາດ. ໃຫ້ປົກປັກຮັກ ສາເອກະລັກດ້ານອາຫານ ການກິນຂອງແຂວງ ເຖິງວ່າຈະ ມີການປັບປຸງສູດໃຫ້ເປັນສາ ກົນ ແລະ ມາດຕະຖານການ ປຸງແຕ່ງຂຶ້ນກໍຕາມ ກໍຕ້ອງມີວິທີ ການຮັກສາໄດ້ລົດຊາດທີ່ເປັນ ເອກະລັກ ແລະ ສູດດັ້ງເດີມ ຂອງທ້ອງຖິ່ນ, ເອົາໃຈໃສ່ປົກ ປັກຮັກສາພືດຜັກ ແລະ ໝາກ ໄມ້ ທີ່ເປັນພັນພື້ນບ້ານເອກະ ລັກທີ່ດີຂອງທ້ອງຖິ່ນ ເພື່ອສົ່ງ ເສີມໃຫ້ເປັນສິນຄ້າຕ້ອນຮັບ ນັກທ່ອງທ່ຽວ, ອັນສຳຄັນຕ້ອງ ໄດ້ອົບຮົມບົ່ມສອນລູກຫຼານ ຂອງພວກເຮົາ ໃຫ້ອະນຸລັກຮັກ ສາປະເພນີການນຸ່ງຖື ທີ່ເປັນ ເອກະລັກຂອງຊາວແຂວງຫຼວງ ພະບາງ ເສີມຂະຫຍາຍໄປສູ່ ການຜະລິດເປັນສິນຄ້າ 1 ເມືອງ 1 ຜະລິດຕະພັນ (ODOP), ທ່ານຍັງໄດ້ເນັ້ນໃນດ້ານການ ຈັດຕັ້ງປະຕິບັດທິດ 3 ເປີດຄື: ເປີດປະຕູ, ເປີດສິ່ງກີດຂວາງ ແລະ ເປີດໃຈ ເພື່ອສ້າງເງື່ອນ ໄຂສະດວກ ແລະ ດຶງດູດການ ລົງທຶນໃນແຂວງ ໃຫ້ນັບມື້ນັບ ຫຼາຍຂຶ້ນ, ເອົາໃຈໃສ່ແກ້ໄຂປາ ກົດການຫຍໍ້ທໍ້ໃນສັງຄົມ, ສຸມ ໃສ່ປັບປຸງແກ້ໄຂບັນດາກົນໄກ, ການຄຸ້ມຄອງບໍລິຫານ ທີ່ເປັນ ບັນຫາກົດໜ່ວງແລ້ວຫັນໄປສູ່ ຄຸນນະພາບ-ຫັນໄປສູ່ປະສິດ ທິຜົນ. ນອກຈາກນີ້, ທ່ານນາຍົກ ລັດຖະມົນຕີ ພ້ອມດ້ວຍພັນລະ ຍາ ແລະ ຄະນະ ຍັງໄດ້ເດີນ ທາງໄປຕິດຕາມ ແລະ ຢ້ຽມຊົມ ໂຄງການກໍ່ສ້າງທາງລົດໄຟ ລາວ-ຈີນ ທີ່ຈຸດວາງສີລາລືກ ທີ່ໄດ້ມີການເຈາະອຸໂມງ ແລະ ຈຸດກໍ່ສ້າງທາງລົດໄຟຂ້າມ ແມ່ນ້ຳຂອງສອງຈຸດທີ່ພວມ ດຳເນີນການກໍ່ສ້າງ, ທາງລົດ ໄຟຜ່ານແຂວງຫຼວງພະບາງ ໄລຍະທາງທັງໝົດ 80 ກິໂລ ແມັດ, ມີທັງໝົດ 5 ສະຖານີ ນ້ອຍ ແລະ 1 ສະຖານີໃຫຍ່ ໂດຍຜ່ານທັງໝົດ 28 ບ້ານຂອງ 3 ເມືອງ ຄື: ເມືອງຈອມເພັດ, ເມືອງຫຼວງພະບາງ ແລະ ເມືອງ ຊຽງເງິນ. ໃນນັ້ນ, ມີການເຈາະ ອຸໂມງເຖິງ 22 ແຫ່ງ ແລະ ຂົວຂ້າມນ້ຳ 30 ແຫ່ງ ກວມ 78,93% ຂອງໄລຍະທາງລົດ ໄຟຜ່ານແຂວງຫຼວງພະບາງ. ຫຼັງຈາກນັ້ນ, ກໍໄດ້ເດີນ ທາງໄປຢ້ຽມຢາມໂຄງການກໍ່ ສ້າງເຂື່ອນໄຟຟ້ານ້ຳອູ 1 ທີ່ຕັ້ງ ຢູ່ບ້ານຄອນຄຳ, ເມືອງປາກອູ ມີກຳລັງຕິດຕັ້ງ 180 ເມກາວັດ, ເລີ່ມດຳເນີນການກໍ່ສ້າງມາແຕ່ ເດືອນຕຸລາ 2016 ຄາດວ່າຈະ ໃຫ້ສຳເລັດ ແລະ ຂາຍກະແສ ໄຟຟ້າໄດ້ ໃນປີ 2020-2021 ພ້ອມໆກັບເຂື່ອນໄຟຟ້ານ້ຳອູ 3, 5 ແລະ 7 ດ້ວຍໄລຍະສຳ ປະທານ 29 ປີ. ພ້ອມນີ້, ທ່ານ ນາຍົກລັດຖະມົນຕີ ກໍໄດ້ຢ້ຽມ ຢາມ ແລະ ພົບປະກັບປະຊາ ຊົນບ້ານຫ້ວຍໂລ ເມືອງປາກອູ ທີ່ເປັນ 1 ໃນ 17 ບ້ານທີ່ຖືກຜົນ ກະທົບຈາກໂຄງການກໍ່ສ້າງ ເຂື່ອນໄຟຟ້ານ້ຳອູ 1. ໃນນັ້ນ, ເມືອງປາກອູ ມີ 13 ບ້ານ ແລະ ເມືອງງອຍ 4 ບ້ານ ມີ 1.921 ຄອບຄົວ, ເປັນບ້ານທີ່ຖືກຍົກ ຍ້າຍ 7 ບ້ານ 386 ຄອບຄົວ, ໃນນັ້ນມີບ້ານຫ້ວຍໂລ 134 ຄອບຄົວ, ບ້ານລາດທ່າແຮ່ 78 ຄອບຄົວ ຊຶ່ງທ່ານນາຍົກລັດ ຖະມົນຕີ ໄດ້ຍົກໃຫ້ເຫັນຄວາມ ຈຳເປັນໃນການພັດທະນາໃນ ໄລຍະໃໝ່. ຄວາມພະຍາຍາມ ຂອງພັກ-ລັດ ກໍຄືຄະນະນຳ ແຂວງ ທີ່ຈະຊອກຫາວິທີທາງ ໃນການຍົກລະດັບຊີວິດການ ເປັນຢູ່ຂອງປະຊາຊົນ ໃຫ້ດີຂຶ້ນ ເລື້ອຍໆ ໂດຍການພັດທະນາ ແລະ ໃຊ້ປະໂຫຍດຈາກສາຍ ນ້ຳອູ ໃຫ້ມີປະສິດທິພາບ ແລະ ປະສິດທິຜົນສູງສຸດ ຈຶ່ງຮຽກຮ້ອງ ມາຍັງອຳນາດການປົກຄອງ ບ້ານ ແລະ ພໍ່ແມ່ປະຊາຊົນ ຈົ່ງ ໄດ້ໃຫ້ການຮ່ວມມື ເພື່ອພັດ ທະນາໂຄງການດັ່ງກ່າວ ໃຫ້ ກາຍເປັນຜົນປະໂຫຍດທັງ ພາກລັດ, ພາກເອກະຊົນ ແລະ ປະຊາຊົນໃນທ້ອງຖິ່ນ, ດ້ານ ໜຶ່ງ ການຍົກຍ້າຍຈັດສັນທີ່ຢູ່ ໃຫ້ໃໝ່ ກໍເປັນໂອກາດອັນດີ ໃນການຍົກຍ້າຍຈາກຊີວິດດັ້ງ ເດີມ-ປະຖົມປະຖານ ມາເຕົ້າ ໂຮມເປັນບ້ານໃຫຍ່ທີ່ທັນສະ ໄໝຂຶ້ນ ມີການບໍລິການ, ມີ ການປະກອບອາຊີບ ແລະ ທຳ ການຜະລິດອັນໃໝ່ລວມເຖິງ ການຂະຫຍາຍໄປສູ່ອາຊີບ ໃໝ່ໆ. ພ້ອມນີ້, ກໍຮຽກຮ້ອງໃຫ້ ພໍ່ແມ່ປະຊາຊົນ ຈົ່ງພ້ອມກັນ ບຸກບືນ ແລະ ຢືນຂຶ້ນດ້ວຍລຳ ແຄ່ງຂອງຕົນເອງ ບໍ່ໃຫ້ຄອງ ຄອຍແຕ່ການຊ່ວຍເຫຼືອພຽງ ຢ່າງດຽວ, ສ້າງໃຫ້ໄດ້ຜະລິດ ຕະພັນ ແລະ ສິນຄ້າ ທີ່ເປັນເອ ກະລັກຂອງຕົນ ເພື່ອການພັດ ທະນາທີ່ຍືນຍົງ.