ປະທານ ສນຊ ຕ້ອນຮັບຄະນະ ຜູ້ແທນຈີນ


...

    

ທ່ານ ໄຊສົມພອນ ພົມວິ ຫານ ກຳມະການກົມການ ເມືອງສູນກາງພັກ ປະທານສູນ ກາງແນວລາວສ້າງຊາດ (ສນຊ) ໄດ້ຕ້ອນຮັບການເຂົ້າຢ້ຽມຂ່ຳ ນັບຂອງຄະນະຜູ້ແທນຂັ້ນສູງ ຂອງກຳມະບານທົ່ວປະເທດ ຈີນ ນຳໂດຍທ່ານ ຈຽວ ຄາຍເຫີ ຄະນະເລຂາທິການ ຮອງປະ ທານກຳມະບານທົ່ວປະເທດ ຈີນ ພ້ອມຄະນະ ທີ່ສູນກາງ ແນວລາວສ້າງຊາດ ໃນວັນທີ 6 ພະຈິກຜ່ານມານີ້ ໃນໂອກາດ ທີ່ຄະນະເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ. ການພົບປະໃນຄັ້ງນີ້, ທັງ ສອງຝ່າຍໄດ້ຜັດປ່ຽນກັນແຈ້ງສະພາບການທີ່ພົ້ນເດັ່ນຂອງທັງສອງປະເທດໃຫ້ກັນ ແລະ ກັນຊາບ ພ້ອມດຽວກັນນັ້ນ, ທ່ານປະທານ ສນຊ ໄດ້ສະແດງ ຄວາມຍິນດີຕ້ອນຮັບ, ຊົມເຊີຍ ຕໍ່ທ່ານ ຈຽວ ຄາຍເຫີ ພ້ອມຄະ ນະທີ່ມາຢ້ຽມຢາມ ແລະ ເຮັດ ວຽກຢູ່ ສປປ ລາວ ໃນຄັ້ງນີ້ ແລະ ຍັງໄດ້ຕີລາຄາສູງຕໍ່ຜົນສຳ ເລັດກອງປະຊຸມໃຫຍ່ຜູ້ແທນ ທົ່ວປະເທດ ຄັ້ງທີ XIX ຂອງ ພັກກອມມູນິດຈີນ ຊຶ່ງແມ່ນ ເຫດການການເມືອງທີ່ສຳຄັນ ຍິ່ງບໍ່ສະເພາະແຕ່ພັກກອມມູ ນິດຈີນ, ແຕ່ຍັງໄດ້ຮັບຄວາມ ສົນໃຈຢ່າງກວ້າງຂວາງຈາກ ທົ່ວໂລກ ຊຶ່ງເປັນພື້ນຖານໃຫ້ ແກ່ການກ້າວສູ່ໄລຍະໃໝ່ແຫ່ງ ການສ້າງສັງຄົມນິຍົມຢູ່ປະ ເທດຈີນຢ່າງໜັກແໜ້ນ. ນອກ ຈາກນີ້, ທ່ານປະທານ ສນຊ ຍັງໄດ້ຕີລາຄາຕໍ່ການພົວພັນ ຮ່ວມມື, ຂົງເຂດວຽກງານຕ່າງໆ ລະຫວ່າງສູນກາງສະຫະພັນ ກຳມະບານລາວກັບກຳມະ ບານທົ່ວປະເທດຈີນ ພ້ອມທັງ ເຊື່ອໝັ້ນວ່າ ກຳມະບານທົ່ວ ປະເທດຈີນຈະສືບຕໍ່ໃຫ້ການ ສະໜັບສະໜູນ, ແລກປ່ຽນທັດ ສະນະບົດຮຽນ ແລະ ວຽກງານ ຕ່າງໆທີ່ເປັນປະໂຫຍດໃນ ການພັດທະນາຕໍ່ສູນກາງສະ ຫະພັນກຳມະບານລາວ ເພື່ອ ປະກອບສ່ວນພັດທະນາປະ ເທດຊາດຫຼຸຸດພົ້ນອອກຈາກ ສະພາວະດ້ອຍພັດທະນາ. ທ່ານ ຈຽວ ຄາຍເຫີ ໄດ້ ສະແດງຄວາມຂອບໃຈຕໍ່ທ່ານ ໄຊສົມພອນ ພົມວິຫານ ທີ່ໄດ້ ໃຫ້ການຕ້ອນຮັບອັນອົບອຸ່ນ ແລະ ໄດ້ລາຍງານເຖິງຈຸດປະ ສົງໃນການມາຢ້ຽມຢາມໃນຄັ້ງ ນີ້ ແລະ ຍັງໄດ້ແຈ້ງສະພາບ ລວມຜົນງານທີ່ພົ້ນເດັ່ນ ບໍ່ວ່າ ຈະເປັນວຽກງານດ້ານການສຶກ ສາ, ວັດທະນະທຳ-ສັງຄົມ, ເສດຖະກິດ ໂດຍສະເພາະ ແມ່ນການປະກອບສ່ວນຊ່ວຍ ເຫຼືອຊາວກຳມະກອນຈີນ ຜູ້ ທຸກຍາກໃຫ້ມີວຽກເຮັດງານທຳ ທີ່ດີ ເພື່ອໃຫ້ເຂົາເຈົ້າຫຼຸຸດພົ້ນ ຈາກຄວາມດ້ອຍພັດທະນາໃນ ປີ 2020, ພ້ອມດຽວກັນນັ້ນ, ກຳມະບານທົ່ວປະເທດຈີນ ຈະ ໄດ້ສ້າງແຜນງານຕ່າງໆຢ່າງ ເປັນຮູບປະທຳ ບໍ່ວ່າຈະເປັນ ການພົວພັນຮ່ວມມື ລະຫວ່າງ ກຳມະບານທົ່ວປະເທດຈີນ ກັບ ສູນກາງສະຫະພັນກຳມະບານ ລາວ ໃນການແລກປ່ຽນຄະນະ ຜູ້ແທນຂັ້ນສູງຂອງທັງສອງ ຝ່າຍ, ຈັດກອງປະຊຸມແລກ ປ່ຽນບົດຮຽນ ແລະ ການຝຶກ ອົບຮົມວຽກງານຕ່າງໆໃຫ້ກັນ ແລະ ກັນ.